სამხედრო ფიცის ტექსტის დამტკიცების შესახებ

სამხედრო ფიცის ტექსტის დამტკიცების შესახებ საქართველოს პარლამენტის დადგენილება სამხედრო ფიცის ტექსტის დამტკიცების შესახებ „სამხედრო ვალდებულებისა და სამხედრო სამსახურის შესახებ“ საქართველოს კანონის მე-3 მუხლის პირველი პუნქტისა და საქართველოს პარლამენტის რეგლამენტის 129-ე მუხლის პირველი პუნქტის შესაბამისად საქართველოს პარლამენტი ადგენს: 1. დამტკიცდეს სამხედრო ფიცის ტექსტი (თან ერთვის). 2. ძალადაკარგულად გამოცხადდეს „სამხედრო ფიცის შესახებ“ საქართველოს პარლამენტის 1993 წლის 12 იანვრის დადგენილება (საქართველოს პარლამენტის უწყებები, №3, იანვარი, 1993 წელი, მუხ. 4). 3. ეს დადგენილება ამოქმედდეს გამოქვეყნებისთანავე. საქართველოს პარლამენტის თავმჯდომარეირაკლი კობახიძე ქუთაისი, 27 დეკემბერი 2018 წ. N4235-რს სამხედრო ფიცი მე, საქართველოს მოქალაქე, შევდივარ რა სამხედრო სამსახურში: ვფიცავ, პირნათლად მოვიხადო ჩემი მხედრული ვალი საქართველოს წინაშე; ვფიცავ, კეთილსინდისიერად შევისწავლო სამხედრო საქმე, ღირსეულად განვაგრძო წინაპართა მხედრული ტრადიციები; ვფიცავ, მტკიცედ დავიცვა სამხედრო დისციპლინა, როგორც სახელმწიფოს ძლიერების საფუძველთა საფუძველი; ვფიცავ, შევინახო მონდობილი სამხედრო საიდუმლოება, შევასრულო სამხედრო წესდების ყველა მოთხოვნა და მეთაურის ბრძანება; ვფიცავ, მტკიცედ დავდგე საქართველოს სადარაჯოზე და სიცოცხლის უკანასკნელ წუთამდე ვიბრძოლო მტერზე გამარჯვებისათვის. თუ ამ ფიცს გავტეხ, პასუხისმგებელი ვიქნები ღვთისა და ქვეყნის წინაშე. გვფარავდეს ღმერთი.