„საქართველოს თავდაცვის სამინისტროს ადამიანური რესურსების დეპარტამენტის მოხელეთა დამატებითი საკვალიფიკაციო მოთხოვნების დამტკიცების შესახებ“ საქართველოს თავდაცვის მინისტრის 2018 წლის 27 ივნისის №56 ბრძანებაში ცვლილების შეტანის თაობაზე

საქართველოს თავდაცვის მინისტრის

2019 წლის 1 თებერვალი

ქ. თბილისი

„მუხლი 15¹. პროფესიულ საჯარო მოხელეთა კარიერის მართვის განყოფილების სპეციალისტი (მეოთხე რანგი; კატეგორია – პირველი კატეგორიის უმცროსი სპეციალისტი):

1. უმაღლესი განათლება ქვემოთ ჩამოთვლილთაგან რომელიმე საგანმანათლებლო კვალიფიკაციით:

ა) ბიზნესის ადმინისტრირების მიმართულება (მენეჯმენტის სპეციალობა (საერთაშორისო ბიზნესის, პროექტების, ინოვაციების მენეჯმენტის, ადამიანური რესურსების მართვის სპეციალიზაციები), ფინანსების სპეციალობა (კორპორაციული ფინანსების მართვის, პროექტების ფინანსური მართვის, საერთაშორისო ფინანსების, რისკების მართვის სპეციალიზაციები));

ბ) სამართლის მიმართულება (სამართალმცოდნეობის, საერთაშორისო სამართლის, საჯარო სამართლის სპეციალობები);

გ) სოციალური მეცნიერებების მიმართულება (ეკონომიკის, პოლიტიკის მეცნიერებების, საზოგადოებრივი გეოგრაფიის, საერთაშორისო ურთიერთობების, სოციოლოგიის, ფსიქოლოგიის სპეციალობები);

დ) ჰუმანიტარული მეცნიერებების მიმართულება (ისტორიის, ფილოსოფიის (პოლიტიკის, ზნეობის და გამოყენებითი ეთიკის ფილოსოფიის სპეციალიზაციები));

ე) მიმართულებათაშორისი დარგები (საჯარო მმართველობის, თავდაცვისა და უსაფრთხოების, სამხედრო მეცნიერების შესაბამისი ქვედარგების, გენდერის, სტატისტიკის სპეციალობები).

2. თავდაცვის სამინისტროს ადამიანური რესურსების დეპარტამენტის ამოცანების და უფლებამოსილებების  ცოდნა.

3. შემდეგი კანონმდებლობის ცოდნა:

ა) საქართველოს კონსტიტუცია;

ბ) საქართველოს შრომის კოდექსი;

გ) „საჯარო სამსახურის შესახებ“ საქართველოს კანონი;

დ) „სამხედრო ვალდებულებისა და სამხედრო სამსახურის შესახებ“ საქართველოს კანონი;

ე) „სამხედრო მოსამსახურის სტატუსის შესახებ“ საქართველოს კანონი;

ვ) „საჯარო სამსახურში ინტერესთა შეუთავსებლობისა და კორუფციის შესახებ“ საქართველოს კანონი;

ზ) „საქართველოს თავდაცვის შესახებ“ საქართველოს კანონი;

თ) „საქართველოს თავდაცვის სამინისტროს დებულების დამტკიცების შესახებ“ საქართველოს მთავრობის 2018 წლის 12 დეკემბრის №580 დადგენილება.

4. ინგლისური ენის ცოდნა (B1 დონე).

5. შემდეგი კომპიუტერული პროგრამების კარგად ცოდნა: Microsoft Word, Microsoft Excel, Microsoft PowerPoint.“.