აჭარის ავტონომიური რესპუბლიკის ფინანსთა და ეკონომიკის სამინისტროში საჯარო მოსამსახურეთა მიერ ზეგანაკვეთური სამუშაოს ან/და დამატებითი ფუნქციების შესრულებისათვის, მათ შორის ღამის საათებში და დასვენების/უქმე დღეს საქმიანობისთვის სახელფასო დანამატის ანაზღაურების წესი

„საჯარო სამსახურის შესახებ“ საქართველოს კანონის 50-ე, 58-ე, 61-ე მუხლის პირველი, მე-2 და მე-3 პუნქტების, „საჯარო დაწესებულებაში შრომის ანაზღაურების შესახებ“ საქართველოს კანონის, „საჯარო სამსახურში ნახევარ განაკვეთზე მუშაობის, ღამის საათებში, დასვენებისა და უქმე დღეებში, ჯანმრთელობისათვის რისკის შემცველ სამუშაო პირობებში საქმიანობის წესის დამტკიცების თაობაზე“ საქართველოს მთავრობის 2017 წლის 21 აპრილის №201 დადგენილებისა და აჭარის ავტონომიური რესპუბლიკის მთავრობის 2017 წლის 4 აპრილის №7 დადგენილებით დამტკიცებული „აჭარის ავტონომიური რესპუბლიკის ფინანსთა და ეკონომიკის სამინისტროს დებულების“ მე-4 მუხლის მე-3 პუნქტის „ზ“ ქვეპუნქტის შესაბამისად, ვბრძანებ:

დამტკიცდეს „აჭარის ავტონომიური რესპუბლიკის ფინანსთა და ეკონომიკის სამინისტროში საჯარო მოსამსახურეთა მიერ ზეგანაკვეთური სამუშაოს ან/და დამატებითი ფუნქციების შესრულებისათვის, მათ შორის ღამის საათებში და დასვენების/უქმე დღეს საქმიანობისთვის სახელფასო დანამატის ანაზღაურების წესი“ დანართი №1 შესაბამისად.

დამტკიცდეს „ზეგანაკვეთური სამუშაოს შესრულების ტაბელი“ დანართი №2 შესაბამისად.

ბრძანება ამოქმედდეს გამოქვეყნებისთანავე.