საქართველოს ნატოში ინტეგრაციის სახელმწიფო კომისიის შექმნისა და დებულების დამტკიცების შესახებ

საქართველოს ნატოში ინტეგრაციის სახელმწიფო კომისიის შექმნისა და დებულების დამტკიცების შესახებ საქართველოს მთავრობის დადგენილება №123 2019 წლის 27 თებერვალი ქ. თბილისი საქართველოს ნატოში ინტეგრაციის სახელმწიფო კომისიის შექმნისა და დებულების დამტკიცების შესახებ მუხლი 1🔗 „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 29-ე მუხლის პირველი პუნქტის შესაბამისად, ჩრდილოატლანტიკური ხელშეკრულების ორგანიზაციასთან (ნატოსთან) საქართველოს სრული პოლიტიკური, სამართლებრივი, სამხედრო ინტეგრაციისა და ალიანსში გაწევრიანების პროცესში საქართველოს სახელმწიფო სტრუქტურების კოორდინირებული მოქმედების უზრუნველყოფის მიზნით, შეიქმნას საქართველოს ნატოში ინტეგრაციის  სახელმწიფო კომისია (შემდგომში – კომისია) შემდეგი შემადგენლობით: ა) საქართველოს პრემიერ-მინისტრი, კომისიის თავმჯდომარე; ბ) საქართველოს საგარეო საქმეთა მინისტრი, კომისიის თავმჯდომარის მოადგილე; გ) საქართველოს ფინანსთა მინისტრი; დ) საქართველოს იუსტიციის მინისტრი; ე) საქართველოს განათლების, მეცნიერების, კულტურისა  და სპორტის მინისტრი; ვ) შერიგებისა და სამოქალაქო თანასწორობის საკითხებში საქართველოს სახელმწიფო მინისტრი; ზ) საქართველოს შინაგან საქმეთა მინისტრი; თ) საქართველოს ეკონომიკისა და მდგრადი განვითარების მინისტრი; ი) საქართველოს თავდაცვის მინისტრი; კ) საქართველოს ოკუპირებული ტერიტორიებიდან დევნილთა, შრომის, ჯანმრთელობისა და  სოციალური დაცვის მინისტრი; ლ) საქართველოს რეგიონული განვითარებისა და  ინფრასტრუქტურის  მინისტრი; მ) საქართველოს დაზვერვის სამსახურის უფროსი; ნ) საქართველოს სახელმწიფო უსაფრთხოების სამსახურის უფროსი; ო) საქართველოს თავდაცვის სამინისტროს თავდაცვის ძალების გენერალური შტაბის უფროსი; პ) საქართველოს საგარეო საქმეთა სამინისტროს ნატოში ინტეგრაციის დეპარტამენტის დირექტორი, კომისიის მდივანი. მუხლი 2🔗 1.კომისიის საქმიანობაში მონაწილეობის მიღება ეთხოვოთ: ა) საქართველოს პარლამენტის თავდაცვისა და უშიშროების კომიტეტის თავმჯდომარეს; ბ) საქართველოს პარლამენტის საგარეო ურთიერთობათა კომიტეტის თავმჯდომარეს; გ) საქართველოს უზენაესი სასამართლოს თავმჯდომარეს; დ) სსიპ − საჯარო სამსახურის  ბიუროს უფროსს; ე) სსიპ − იურიდიული დახმარების სამსახურის დირექტორს. 2. საჭიროების შემთხვევაში, კომისიის თავმჯდომარის გადაწყვეტილებით, კომისიის საქმიანობაში მონაწილეობის მისაღებად შეიძლება მიწვეულ იქნენ პირები, რომლებიც არ შედიან კომისიის შემადგენლობაში. მუხლი 3🔗 დამტკიცდეს თანდართული „საქართველოს ნატოში ინტეგრაციის სახელმწიფო კომისიის  დებულება“.  მუხლი 4🔗 „ნორმატიული აქტების შესახებ“ საქართველოს ორგანული კანონის 25-ე მუხლის პირველი პუნქტის „ბ“ ქვეპუნქტის შესაბამისად, ძალადაკარგულად გამოცხადდეს „საქართველოს ნატოში ინტეგრაციის კომისიის შექმნისა და მისი დებულების დამტკიცების შესახებ“ საქართველოს მთავრობის 2005 წლის 31 იანვრის №22 დადგენილება. მუხლი 5🔗 დადგენილება ამოქმედდეს გამოქვეყნებისთანავე. პრემიერ - მინისტრიმამუკა ბახტაძე საქართველოს ნატოში ინტეგრაციის სახელმწიფო კომისიის დებულება მუხლი 1🔗. ზოგადი დებულებანი 1. საქართველოს ნატოში ინტეგრაციის სახელმწიფო კომისიის (შემდგომში – კომისია) დებულება განსაზღვრავს კომისიის სტრუქტურას, უფლებამოსილებასა და საქმიანობის წესს. 2. კომისია თავის საქმიანობაში ხელმძღვანელობს საქართველოს კონსტიტუციით, საერთაშორისო ხელშეკრულებებითა და შეთანხმებებით, საქართველოს მოქმედი კანონმდებლობითა და ამ დებულებით. მუხლი 2🔗.  კომისიის ამოცანები და ფუნქციები კომისიის ამოცანები და ფუნქციებია: ა) საქართველოს ნატოში ინტეგრაციის პროცესისა და ამ მიზნით საქართველოს სახელმწიფო სტრუქტურების კოორდინირებული საქმიანობის ხელშეწყობა; ბ) საქართველოს მთავრობისათვის საქართველო-ნატოს თანამშრომლობის სტრატეგიულ მიმართულებებთან დაკავშირებით წინადადებებისა და რეკომენდაციების შემუშავება და მათი განხორციელების ხელშეწყობა; გ) ნატოში ინტეგრაციის მექანიზმების ეფექტიანად გამოყენებასთან დაკავშირებით წინადადებებისა და რეკომენდაციების შემუშავება; დ) ნატოსა და მის წევრ სახელმწიფოებთან თანამშრომლობის საკითხების განხილვა და შესაბამის გადაწყვეტილებათა პროექტების მომზადება საქართველოს მთავრობისათვის წარმოსადგენად. მუხლი 3🔗. კომისიის შემადგენლობა 1. კომისია შედგება კომისიის თავმჯდომარის, თავმჯდომარის მოადგილისა და კომისიის წევრებისაგან. 2. საჭიროების შემთხვევაში, კომისიის მუშაობაში მონაწილეობის მისაღებად, კომისიის თავმჯდომარის გადაწყვეტილებით, სათათბირო ხმის უფლებით, შეიძლება მიწვეულ იქნენ პირები, რომლებიც არ შედიან კომისიის შემადგენლობაში. 3. კომისიის სხდომების ორგანიზებას უზრუნველყოფს კომისიის მდივანი. კომისიის მდივნის არყოფნის შემთხვევაში, მის მოვალეობას ასრულებს კომისიის სხდომის თავმჯდომარის მიერ  განსაზღვრული პირი. 4. კომისიის სამდივნოს უფლებამოსილებას ახორციელებს საქართველოს საგარეო საქმეთა სამინისტროს ნატოში ინტეგრაციის დეპარტამენტი. კომისიის სამდივნო უზრუნველყოფს კომისიის ორგანიზაციულ მხარდაჭერას, ადმინისტრირებას უწევს კომისიის საქმიანობას, ამზადებს კომისიის სხდომის ოქმს და სამუშაო დოკუმენტებს, უგზავნის მათ კომისიის წევრებს, ატყობინებს მათ სხდომის ჩატარების თარიღს, ასევე უგზავნის კომისიის სხდომის დღის წესრიგს. 5. კომისია, ცალკეული საკითხების შესწავლისა და შესაბამის გადაწყვეტილებათა პროექტების მომზადების მიზნით, უფლებამოსილია, მიიღოს გადაწყვეტილება სამუშაო ჯგუფის შექმნის შესახებ. მუხლი 4🔗. კომისიის საქმიანობის წესი 1. კომისია თავის უფლებამოსილებას ახორციელებს სხდომების მეშვეობით. 2. კომისიის სხდომა მოიწვევა კომისიის თავმჯდომარის ინიციატივით ან კომისიის წევრთა ერთი მესამედის მოთხოვნის საფუძველზე. 3. კომისიის სხდომას უძღვება კომისიის თავმჯდომარე, ხოლო მისი არყოფნის შემთხვევაში – კომისიის თავმჯდომარის მოადგილე. 4. კომისიის წევრებისათვის კომისიის სხდომაზე დასწრება სავალდებულოა. 5. კომისიის წევრის დროებით არყოფნის შემთხვევაში, მის უფლებამოსილებას ახორციელებს შესაბამისი უწყების ხელმძღვანელის მიერ  უფლებამოსილი პირი. 6. კომისიის სხდომის დღის წესრიგს, კომისიის მდივნის წარდგინებით, ამტკიცებს კომისიის თავმჯდომარე. 7. კომისია უფლებამოსილია, თუ მის სხდომას ესწრება კომისიის წევრების ან მათი წარმომადგენლების ნახევარზე მეტი. 8. კომისიის გადაწყვეტილება მიიღება კომისიის სხდომაზე დამსწრე წევრთა ხმათა უმრავლესობით. ხმების თანაბრად გაყოფის შემთხვევაში, გადამწყვეტია კომისიის სხდომის თავმჯდომარის ხმა. 9. კომისიის სხდომაზე მიღებული გადაწყვეტილებები ფორმდება კომისიის სხდომის ოქმით, რომელსაც ხელს აწერენ კომისიის თავმჯდომარე და მდივანი. კომისიის სხდომის ოქმი ეგზავნებათ კომისიის წევრებსა და მიწვეულ პირებს. 10. კომისიის თავმჯდომარის გადაწყვეტილებით, ცალკეულ საკითხებთან დაკავშირებით შეიძლება გაიმართოს საქართველოს ნატოში ინტეგრაციისა და საქართველოს ევროკავშირში ინტეგრაციის კომისიების ერთობლივი სხდომა. მუხლი 5🔗. კომისიის საქმიანობის შეწყვეტა კომისიის საქმიანობის შეწყვეტის შესახებ გადაწყვეტილებას იღებს საქართველოს მთავრობა, შესაბამისი სამართლებრივი აქტის საფუძველზე.