ინდივიდუალური მეწარმე სოფიო ხამაშურიძეს კრედიტორთა კრების მოწვევის შესახებ

წარმომადგენელი – გიგა სულაქველიძე, ზურაბ წკეპლაძე

მეურვე – სსიპ „აღსრულების ეროვნული ბიურო“

წარმომადგენელი – მიხეილ ლომთაძე

კრედიტორები: 1. სს „საქართველოს ბანკი“

წარმომადგენელი – დავით მესხიშვილი

          2. სს „თიბისი ბანკი“

 წარმომადგენელი – კობა ქორიძე

           3. შპს „ჯიესი“

წარმომადგენელი – კახაბერ გელხვიიძე

          4. შპს „აია სითი“

წარმომადგენელი – კახაბერ გელხვიიძე

          5. სოფიო ცირეკიძე

წარმომადგენელი – ნინო ჩუბინიძე

მოთხოვნა – ინდ. მეწარმე სოფიო ხამაშურიძის გადახდისუუნარობის საქმის წარმოება

მომრიგებელი საბჭოს წევრები – 1. – თამარ ცაგურიშვილი

        2. – ნოდარ პაპუკაშვილი

        3. – პაატა კუნჭულია

სასამართლომ ზეპირი მოსმენით განიხილა კრედიტორთა კრების მოწვევის საკითხი და

 

გ ა მ ო ა რ კ ვ ი ა:

ქუთაისის საქალაქო სასამართლოს განხილვაშია ინდივიდუალური მეწარმე სოფიო ხამაშურიძის გადახდისუუნარობის საქმე.

2019 წლის 1 ივლისს ქუთაისის საქალაქო სასამართლოს განცხადებით მომართეს მომრიგებელი საბჭოს წევრებმა თამარ ცაგურიშვილმა, ნოდარ პაპუკაშვილმა და პაატა კუნჭულიამ და წარმოადგინეს მომრიგებელი საბჭოს გადაწყვეტილება.

სასამართლომ განიხილა წარმოდგენილი განცხადება, გაეცნო საქმის მასალებს, მიაჩნია, რომ ინდივიდუალური მეწარმე სოფიო ხამაშურიძის გადახდისუუნარობის საქმეზე მოწვეული უნდა იქნეს კრედიტორთა კრება, შემდეგ გარემოებათა გამო:

2019 წლის 15 ივლისს მოწვეულ კრედიტორთა კრებაზე არ გამოცხადდა კრედიტორის სს „საქართველოს ბანკის“ წარმომადგენელი დავით მესხიშვილი, რის გამოც კრედიტორთა კრება არ არის უფლებამოსილი, ასევე არ გამოცხადდნენ მომრიგებელი საბჭოს წევრები, რის გამოც კრედიტორთა კრება მოწვეული უნდა იქნეს სხვა დროისათვის იმავე დღის წესრიგით.

„გადახდისუუნარობის საქმის წარმოების შესახებ’’ საქართველოს კანონის 27-ე მუხლის ოცდამეორე ნაწილის თანახმად, კრედიტორთა პირველი კრების ხანგრძლივობაა არა უმეტეს 7 სამუშაო დღისა. კრედიტორთა უბრალო უმრავლესობის არგუმენტირებული წერილობითი თხოვნის საფუძველზე მოსამართლეს შეუძლია ამ ვადის გაგრძელება არაუმეტეს 3 დღით.

სასამართლომ იხელმძღვანელა ,,გადახდისუუნარობის საქმის წარმოების შესახებ” საქართველოს კანონის მე-5, მე-7, მე-8, მე-9, 25-ე, 27-ე მუხლებით, საქართველოს სამოქალაქო საპროცესო კოდექსის 284-285 მუხლებით და

 

დ ა ა დ გ ი ნ ა:

1. მოწვეულ იქნეს კრედიტორთა კრება 2019 წლის 27 სექტემბერს, 15:00 საათზე, ქუთაისის საქალაქო სასამართლოში (მდებარე ქალაქი ქუთაისი, კუპრაძის ქ. №11) სხდომის დარბაზი №5, შემდეგი დღის წესრიგით:

1.1. მომრიგებელი საბჭოს გადაწყვეტილების განხილვა;

1.2. სხვა კომპეტენციას მიკუთვნებული საკითხების განხილვა.

2. განჩინება გამოქვეყნდეს გადახდისუუნარობის საქმის წარმოების ელექტრონულ სისტემაში.

3. განჩინება ასევე გამოქვეყნდეს საქართველოს საკანონმდებლო მაცნესა და ქუთაისის საქალაქო სასამართლოს ვებგვერდებზე. განჩინების საქართველოს საკანონმდებლო მაცნეს ვებგვერდზე გამოქვეყნება დაევალოს მეურვეს;

4. განჩინებაზე შეუძლია კერძო საჩივრის შეტანა გადახდისუუნარობის საქმის წარმოების პროცესის მხარეებს, აგრეთვე იმ პირებს, რომელთაც უშუალოდ ეხებათ ეს განჩინება, მისი გადაცემიდან 5 (ხუთი) დღის ვადაში, ქუთაისის საქალაქო სასამართლოში (მის. ქ. ქუთაისი კუპრაძის №11). ამ ვადის გაგრძელება დაუშვებელია.

 

 მოსამართლე                                                                                                       ციცინო მოსიძე