აბაშის მუნიციპალიტეტის ადგილობრივი თვითმმართველობის ორგანოების სამსახურებრივი უფლებამოსილების განსახორციელებლად საჭირო ავტოპარკის გადანაწილების, კლასიფიკაციისა და შესყიდვის წესის დამტკიცების შესახებ

აბაშის მუნიციპალიტეტის ადგილობრივი თვითმმართველობის ორგანოების სამსახურებრივი უფლებამოსილების განსახორციელებლად საჭირო ავტოპარკის გადანაწილების, კლასიფიკაციისა და შესყიდვის წესის დამტკიცების შესახებ აბაშის მუნიციპალიტეტის საკრებულოს დადგენილება №23 2019 წლის 2 დეკემბერი აბაშა აბაშის მუნიციპალიტეტის ადგილობრივი თვითმმართველობის ორგანოების სამსახურებრივი უფლებამოსილების განსახორციელებლად საჭირო ავტოპარკის გადანაწილების, კლასიფიკაციისა და შესყიდვის წესის დამტკიცების შესახებ საქართველოს   ორგანული   კანონის   „ადგილობრივი   თვითმმართველობის   კოდექსი“   24-ე   მუხლის   მე-2 პუნქტის, „ნორმატიული აქტების შესახებ’’ საქართველოს ორგანული კანონის მე-20 მუხლისა და „სახელმწიფო ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის წესის დამტკიცების შესახებ“ საქართველოს მთავრობის 2014 წლის 6 თებერვლის №121 დადგენილების მე-2 მუხლის  მე-2 პუნქტის  შესაბამისად, აბაშის მუნიციპალიტეტის საკრებულო ადგენს: მუხლი 1🔗 დამტკიცდეს ,,აბაშის მუნიციპალიტეტის ადგილობრივი თვითმმართველობის ორგანოების სამსახურებრივი უფლებამოსილების განსახორციელებლად საჭირო ავტოპარკის გადანაწილების, კლასიფიკაციისა და შესყიდვის წესი’’ დანართის შესაბამისად მუხლი 2🔗 დადგენილება ამოქმედდეს გამოქვეყნებისთანავე.აბაშის მუნიციპალიტეტის საკრებულოს თავმჯდომარემამუკა კვიტაშვილი დანართი აბაშის მუნიციპალიტეტის ადგილობრივი თვითმმართველობის ორგანოების სამსახურებრივი უფლებამოსილების განსახორციელებლად საჭირო ავტოპარკის გადანაწილების,  კლასიფიკაციისა და შესყიდვის წესი მუხლი 1🔗. მოქმედების სფერო აბაშის მუნიციპალიტეტის სამსახურებრივი უფლებამოსილების განსახორციელებლად საჭირო ავტოპარკის გადანაწილების, კლასიფიკაციის და შესყიდვების წესი (შემდგომში – წესი) ადგენს აბაშის მუნიციპალიტეტის ადგილობრივი თვითმმართველობის ორგანოებისათვის მსუბუქი ავტომობილების (განპიროვნებული და მორიგე) ფუნქციების განაწილების ერთიან სტანდარტს, ახდენს ავტომობილების კლასიფიკაციას და განსაზღვრავს მინიმალურ ტექნიკურ მოთხოვნებს და ზღვრული ფლობის ღირებულებას. მუხლი 2🔗. ტერმინთა განმარტებები ამ წესში გამოყენებულ ტერმინებს აქვს შემდეგი  მნიშვნელობები: ა) მუნიციპალიტეტის აღმასრულებელი ორგანო – აბაშის  მუნიციპალიტეტის მერი; ბ) მუნიციპალიტეტის წარმომადგენლობითი ორგანო – აბაშის  მუნიციპალიტეტის საკრებულო; გ) გაპიროვნებული ავტომობილი – ავტოსატრანსპორტო საშუალება, რომელიც იმყოფება აბაშის მუნიციპალიტეტის ბალანსზე და გადაცემულია სამსახურებრივ დროებით სარგებლობაში აბაშის მუნიციპალიტეტის მერიის ან საკრებულოს კონკრეტულ თანამშრომელზე; დ) სამორიგეო ავტომობილი – ზოგადი სამსახურებრივი საჭიროებიდან გამომდინარე, დაკისრებული სამსახურებრივი მოვალეობების შესასრულებლად განკუთვნილი ავტოსატრანსპორტო საშუალება, რომელიც არ განეკუთვნება გაპიროვნებული ავტომობილების რიცხვს და გამოიყოფა კონკრეტული მოთხოვნის საფუძველზე, აბაშის მუნიციპალიტეტის მერიის ან საკრებულოს  კონკრეტულ თანამშრომელზე; ე) საშტატო რიცხოვნობა – ფაქტობრივ საშტატო რიცხოვნობას გამოკლებული გაპიროვნებული ავტომობილებით უზრუნველყოფილი საშტატო რიცხოვნობა. მუხლი 3🔗. გაპიროვნებული ავტომობილებით მოსარგებლე თანამდებობის პირები გაპიროვნებული ავტომობილი შეიძლება გააჩნდეს შემდეგ თანამდებობის პირს: ა) აბაშის  მუნიციპალიტეტის საკრებულოს თავმჯდომარეს; ბ) აბაშის  მუნიციპალიტეტის მერს; გ) აბაშის  მუნიციპალიტეტის საკრებულოს თავმჯდომარის მოადგილეს; დ) აბაშის მუნიციპალიტეტის მერის მოადგილეებს; ე) სტრუქტურული ერთეულის ხელმძღვანელებს. მუხლი 4🔗. სამორიგეო ავტომობილის რაოდენობის განსაზღვრისა და გამოყენების წესი 1.   სამორიგეო   ავტომობილის   რიცხვი   დგინდება   შემდეგი   პროპორციით:    100    საშტატო რიცხოვნობამდე დაწესებულების შემთხვევაში – 1 ავტომობილი ყოველ 20 საშტატო ერთეულზე, ხოლო ყოველ დანარჩენ 50 საშტატო ერთეულზე, დამატებით, 1 ავტომობილი. 2. სამორიგეო ავტომობილების რიცხოვნობის გაანგარიშებისას წილადი შედეგის მიღებისას დამრგვალება ხდება არითმეტიკული წესის მიხედვით, გარდა იმ შემთხვევისა, როდესაც გაანგარიშების შედეგი  ნაკლებია 1-ზე, როდესაც დამრგვალება, მიუხედავად მეათედის ოდენობისა, ხდება 1 მთელამდე. 3. ზამთრის პერიოდში კლიმატური და რელიეფური თავისებურების გათვალისწინებით დასაშვებია მორიგე მაღალი გამავლობის ავტომობილების არსებობა, რომელიც შეესაბამება სეზონური და რელიეფური ავტომობილების  კლასს. 4. ფაქტობრივი საშტატო რიცხოვნობის შემცირებისას არ ხდება სამორიგეო ავტომობილების რიცხოვნობის შემცირება  და გამოიყენება პირდაპირი  დანიშნულებისამებრ. მუხლი 5🔗. ავტომობილების კლასიფიკაციის წესი 1. ავტომობილის კლასი არის დადგენილი მინიმალური სპეციფიკაციისა და ავტომობილის ფლობის ღირებულების შესაბამისად გაპიროვნებული და სამორიგეო საჭიროების მსუბუქი ავტომობილების სტანდარტი, რომელიც საყოველთაოა ადმინისტრაციული დანიშნულებისათვის. 2. ეს წესი ადგენს მინიმალურ ტექნიკურ მოთხოვნებს შესაბამისი III კლასის ავტომობილისათვის, რომელიც გამოიყენება შემდგომი შესყიდვისათვის. დაუშვებელია შესყიდვის  დოკუმენტაციაში  დადგენილი მინიმალური ტექნიკური  მოთხოვნების გაზრდა, გარდა კლასის ცვლილებისა. მიმწოდებელ სუბიექტებს შეუძლიათ, შეთავაზებისას გააუმჯობესონ მინიმალური ტექნიკური მოთხოვნები, (გაუმჯობესებულ ვარიანტად ჩაითვლება ძრავის კუბატურის ან ცხენისძალის ზრდა, ავტომატური კოლოფის შეთავაზება მექანიკური კოლოფის შემთხვევაში, 5 საფეხურზე მეტი გადაცემის შემთხვევა), მაგრამ აღნიშნული არ წარმოადგენს მონაწილის უპირატესობას და ყველაზე დაბალი ფასის და შესყიდვის დოკუმენტაციასთან შესაბამისობაში მყოფი პრეტენდენტი ცხადდება გამარჯვებულად შესაბამისი პროცედურის დაცვით. 3. ავტომობილის ფლობის  ღირებულების ზღვრული ოდენობა დგინდება 150 ათას კილომეტრზე ავტომობილის ექსპლუატაციით გამოწვეული საგარანტიო  მოთხოვნების  შესაბამისი  ხარჯის  და ავტომობილის შესყიდვის ფასის ერთობლიობით. 150 ათას კილომეტრზე ფლობის ღირებულების კომპონენტებია: ა) ავტომობილის შესყიდვის ფასი; ბ) ძრავას ზეთის ხარჯი; გ) ძრავას ზეთის ფილტრების ხარჯი; დ) წინა და უკანა ხუნდების ხარჯი; ე) ჰაერის ფილტრის ხარჯი; ვ) კონდიციონერის ფილტრის ხარჯი; ზ) ანთების  სანთლების ხარჯი; თ) ძრავას ღვედის ხარჯი, ასეთის არსებობის შემთხვევაში; ი) მწარმოებლის რეგლამენტით გათვალისწინებული სხვა ხარჯები; კ) საწვავის ხარჯი (შერეული წვის პირობებში)  საპასპორტო მონაცემებით. ავტომანქანის შესყიდვის დროს საწვავის ხარჯის დაანგარიშება  მოხდება  შესაბამისი  რაოდენობის ნამრავლით ერთი ლიტრი  საწვავის  პირობით  ფასზე,  რომელიც ტოლია 2-ის. 4. ელექტრონულ ტენდერში  გამარჯვებული პრეტენდენტი შემსყიდველ დაწესებულებას წარუდგენს განფასებას (საქონლის მახასიათებლები და ბრენდი, რაოდენობა, ცვლის პარამეტრი და ერთეულის ფასი) ფლობის ღირებულების კომპონენტების მიხედვით, რომელიც შემდგომში აისახება სახელმწიფო შესყიდვის ხელშეკრულებებში. შემსყიდველი ელექტრონული ტენდერის საფუძველზე, გამარჯვებულ პრეტენდენტთან აფორმებს მხოლოდ ავტომობილის სახელმწიფო შესყიდვის ხელშეკრულებას, ხოლო ამ მუხლის მე-3 პუნქტის ,,ბ’’-,,ი’’ქვეპუნქტებით განსაზღვრული ავტომობილის ფლობის ღირებულების კომპონენტების სახელმწიფო შესყიდვის მიზნით, შემსყიდველი ელექტრონულ ტენდერში გამარჯვებულ პრეტენდენტთან ან მის მიერ ავტორიზებულ ორგანიზაციასთან (მიმწოდებელთან, რომელიც უზრუნველყოფს მომსახურების გაწევას იმ საგარანტიო პირობების ანალოგიურად, რომელსაც თავდაპირველი მიმწოდებელი სთავაზობს  შემსყიდველს) დებს ხელშეკრულებას გამარტივებული შესყიდვის საშუალებით ,,სახელმწიფო შესყიდვების შესახებ’’ საქართველოს კანონის საფუძველზე, იმ შემთხვევაში, თუ ავტომობილი აკმაყოფილებს საქართველოს მთავრობის    დადგენილებით    განსაზღვრულ    წლოვანებას    ან/და   გარანტიის    პირობებს.  კონსოლიდირებული ტენდერის მეშვეობით სატრანსპორტო საშუალებების შესყიდვის შემთხვევაში, შესაძლებელია, ავტომობილისა და მისი ფლობის ღირებულების კომპონენტების სახელმწიფო შესყიდვის მიზნით, გაფორმდეს ხელშეკრულება კონსოლიდირებული ტენდერის ფარგლებში. გამარჯვებული პრეტენდენტის მიერ წარმოდგენილი განფასება ძალაში იქნება ავტომობილის საგარანტიო პირობის ამოწურვამდე, ფლობის განმავლობაში, თუ ავტომობილის ტექნიკური მომსახურება განხორციელდება გამარჯვებულ პრეტენდენტთან. საგარანტიო პერიოდის განმავლობაში გამარჯვებული პრეტენდენტის მიერ შეთავაზებული საგარანტიო სერვისით გათვალისწინებული საქონლის ფასი შეიძლება დაკონვერტირდეს ელექტრონული ტენდერის გამოცხადების დღეს საქართველოს ეროვნული ბანკის მიერ დადგენილი ოფიციალური გაცვლითი კურსით აშშ დოლარში, ხოლო ანგარიშსწორებისას, ეროვნულ ვალუტაში საქონლის ფაქტობრივი მიწოდების დღეს, საქართველოს ეროვნული ბანკის მიერ დადგენილი ოფიციალური გაცვლითი კურსით. 5. ყოველი კონკრეტული შესყიდვისას შემსყიდველი დაწესებულება ატარებს  ბაზრის  კვლევას  და ანალოგიურ კლასში ისტორიული სტატისტიკის ანალიზს ობიექტური სავარაუდო ღირებულების დადგენის მიზნით (რაოდენობრივი და სხვა კომერციული პირობების გათვალისწინებით), მაგრამ არაუმეტეს ამ წესით დადგენილი ზღვრული ფლობის ღირებულებისა შესაბამისი კლასის მიხედვით (III კლასი). შემსყიდველი, ბაზრის კვლევის ჩატარების და ზღვრული ფლობის  ღირებულების (ავტომანქანის,  ავტომანქანის სერვისის და საწვავის ხარჯის ჯამი) დადგენის შემდეგ  ტენდერს  აცხადებს  ჯამურ  ღირებულებაზე (ავტომანქანის ფასს დამატებული ზღვრული ფლობის ღირებულების და საწვავის ფასი). მიმწოდებელი ვალდებულია, ტენდერის დასრულების შემდეგ დაფიქსირებული ფასი წარმოადგინოს კომპონენტების მიხედვით (ავტომანქანის, ავტომანქანის  სერვისის  და  საწვავის  ხარჯის  ფასი).  წინამდებარე  კლასიფიკაცია ვრცელდება ყველა ახალ შესყიდვაზე და არ ითვალისწინებს არსებული სახელმწიფო პარკის მყისიერ მორგებას წინამდებარე  წესით განსაზღვრული კლასიფიკაციისა  და თანამდებობის მიხედვით. 6. ამ წესის  მიზნებისათვის III კლასის ავტომობილები  უნდა აკმაყოფილებდეს შემდეგ მოთხოვნებს:  ა) ზოგადი დანიშნულების: ა.ა) სამორიგეო;  ა.ბ) მომარაგების; ა.გ) თანამშრომლების ტრანსპორტირებისათვის ქვეყნის მასშტაბით; ბ) გაპიროვნებული: ბ.ა) ადგილობრივი თვითმმართველობის წარმომადგენლობითი და აღმასრულებელი ორგანოების თანამდებობის პირებისათვის; გ)მსუბუქი ავტომობილების  მინიმალური ტექნიკური მოთხოვნები  – ცხრილი №1-ის შესაბამისად; დ) მსუბუქი მაღალი გამავლობის ავტომობილების მინიმალური ტექნიკური მოთხოვნები – ცხრილი №2-ის შესაბამისად; ე) ზღვრული ფლობის ღირებულება მსუბუქი ავტომობილებისათვის – არაუმეტეს  21000 აშშ დოლარის ეკვივალენტი  ლარში; ვ) ზღვრული ფლობის ღირებულება მსუბუქი  მაღალი  გამავლობის  ავტომობილებისათვის  – არაუმეტეს  29600 აშშ დოლარის ეკვივალენტი  ლარში. ავტომობილების  ზომები განისაზღვრება  ქარხნული წარმოების აქსესუარების ჩათვლით. შესასყიდი ყველა კლასის ავტომობილი შეიძლება იყოს ნებისმიერი ფერის, გარდა შავისა და უნდა იყოს მარცხენასაჭიანი. დადგენილების მოქმედება არ ვრცელდება ელექტრომობილების შესყიდვაზე. მუხლი 6🔗. წესით განსაზღვრულისაგან განსხვავებული პირობების დადგენა დაწესებულების სპეციფიკიდან, თავისებურებიდან და საჭიროებიდან გამომდინარე, წინამდებარე წესიდან გამონაკლისების შესახებ მსჯელობს და გადაწყვეტილებებს იღებს აბაშის მუნიციპალიტეტის საკრებულო მერიის შესაბამისი დასაბუთებული მიმართვის საფუძველზე. მუხლი 7🔗 ცხრილი N1 მსუბუქი ავტომობილები ცხენის ძალა არანაკლებ 75 გადაცემათა კოლოფი მექანიკური, არანაკლებ 5- საფეხურიანი სიგრძე არანაკლებ 3840 სიგანე არანაკლებ 1695 სიმაღლე არანაკლებ 1450 საგარანტიო პირობები  5 წელი ძირითად აგრეგატებზე (ძრავა, ხიდი, გადაცემათა კოლოფი), 3 წელი ან 150000 კილომეტრი (რომელიც ადრე შესრულდება) სრულ ავტომანქანაზე, გარდა სწრაფცვეთადი ნაწილებისა (ანტიფრიზი, ფრეონი, ელექტრონათურები, ელექტრომცველები, შუშის საწმენდი ჯაგრისები, გადაბმულობის ქურო, საყრდენი დისკი, მომჭიმი საკისარი, ელექტრომცველები და საბურავები) უსაფრთხოების დამადასტურებელ დოკუმენტად ჩაითვალოს: შემოთავაზებული მარკის ავტომობილის ნებისმიერ მოდელზე აღებული შესაბამისი ქრაშტესტის სერტიფიკატი NCAP (ევრო ქრაშტესტი) ან IIHS (ამერიკული ქრაშტესტი) ან JNCAP (იაპონური ქრაშტესტი) ელექტროშუშები მინიმუმ წინა ორი აუცილებელი მოთხოვნა სათადარიგო საბურავი აუცილებელი მოთხოვნა წინა 2 უსაფრთხოების ბალიში აუცილებელი მოთხოვნა კონდიციონერი აუცილებელი მოთხოვნა აუდიოსისტემა, უკანა საქარე მინის ელ. გათბობა აუცილებელი მოთხოვნა საჭის გამაძლიერებელი ცხრილი №2 მაღალი გამავლობის მსუბუქი ავტომობილები ცხენის ძალა არანაკლებ 82 გადაცემათა კოლოფი მექანიკური, არანაკლებ 5-საფეხურიანი სიგრძე არანაკლებ 3 665 სიგანე არანაკლებ 1 600 სიმაღლე არანაკლებ 1575 საგარანტიო პირობები 5 წელი ძირითად აგრეგატებზე (ძრავა, ხიდი, გადაცემათა კოლოფი), 3 წელი ან 150000 კილომეტრი (რომელიც ადრე შესრულდება) სრულ ავტომანქანაზე, გარდა სწრაფცვეთადი ნაწილებისა (ანტიფრიზი, ფრეონი, ელექტრონათურები, ელექტრომცველები, შუშის საწმენდი ჯაგრისები, გადაბმულობის ქურო, საყრდენი დისკი, მომჭიმი საკისარი, ელექტრომცველები და საბურავები) უსაფრთხოების დამადასტურებელ დოკუმენტად ჩაითვალოს: შემოთავაზებული მარკის ავტომობილის ნებისმიერ მოდელზე აღებული შესაბამისი ქრაშტესტის სერტიფიკატი NCAP (ევრო ქრაშტესტი) ან IIHS (ამერიკული ქრაშტესტი) ან JNCAP (იაპონური ქრაშტესტი) ელექტროშუშები მინიმუმ წინა ორი აუცილებელი მოთხოვნა სათადარიგო საბურავი აუცილებელი მოთხოვნა წინა 2 უსაფრთხოების ბალიში აუცილებელი მოთხოვნა კონდიციონერი აუცილებელი მოთხოვნა აუდიოსისტემა, უკანა საქარე მინის ელ. გათბობა აუცილებელი მოთხოვნა საჭის გამაძლიერებელი აუცილებელი მოთხოვნა ABS აუცილებელი მოთხოვნა 4X4