აფხაზეთის ავტონომიური რესპუბლიკის რესპუბლიკური ბიუჯეტის დაფინანსებაზე მყოფი საბიუჯეტო ორგანიზაციების მიერ ბუღალტრული ანგარიშგების შედგენის და აფხაზეთის ავტონომიური რესპუბლიკის აღმასრულებელი ხელისუფლების ორგანოებში წარდგენის ვადების განსაზღვრის შესახებ

აფხაზეთის ავტონომიური რესპუბლიკის რესპუბლიკური ბიუჯეტის დაფინანსებაზე მყოფი საბიუჯეტო ორგანიზაციების მიერ ბუღალტრული ანგარიშგების შედგენის და აფხაზეთის ავტონომიური რესპუბლიკის აღმასრულებელი ხელისუფლების ორგანოებში წარდგენის ვადების განსაზღვრის შესახებ აფხაზეთის ავტონომიური რესპუბლიკის მთავრობის დადგენილება №42 2019 წლის 24 დეკემბერი ქ. თბილისი აფხაზეთის ავტონომიური რესპუბლიკის რესპუბლიკური ბიუჯეტის დაფინანსებაზე მყოფი საბიუჯეტო ორგანიზაციების მიერ ბუღალტრული ანგარიშგების შედგენის და აფხაზეთის ავტონომიური რესპუბლიკის აღმასრულებელი ხელისუფლების ორგანოებში წარდგენის ვადების განსაზღვრის შესახებ „აფხაზეთის ავტონომიური რესპუბლიკის მთავრობის სტრუქტურის, უფლებამოსილებისა და საქმიანობის წესის შესახებ“ აფხაზეთის ავტონომიური რესპუბლიკის კანონის მე-6 მუხლის, „ავტონომიური  რესპუბლიკის  და ადგილობრივი ხელისუფლების საბიუჯეტო ორგანიზაციების ბუღალტრული ანგარიშგების ფორმების დამტკიცების შესახებ“ საქართველოს ფინანსთა მინისტრის 2008 წლის 16 აპრილის №364 ბრძანების 3​4 პუნქტის შესაბამისად: მუხლი 1🔗 1. აფხაზეთის ავტონომიური რესპუბლიკის რესპუბლიკური ბიუჯეტის დაფინანსებაზე მყოფმა საბიუჯეტო ორგანიზაციებმა პერიოდული ბუღალტრული ანგარიშგება – 01 აპრილის, 01 ივლისის და 01 ოქტომბრის მდგომარეობით (ნაზარდი ჯამით), ზემდგომ/კონტროლის განმახორციელებელ ორგანოებში წარადგინონ შესაბამისი   საანგარიშგებო  პერიოდის   დასრულებიდან მომდევნო თვის არაუგვიანეს 10 რიცხვისა. 2. აფხაზეთის ავტონომიური რესპუბლიკის რესპუბლიკური ბიუჯეტის დაფინანსებაზე მყოფმა საბიუჯეტო ორგანიზაციებმა წლიური ბუღალტრული ანგარიშგება – საანგარიშო წლის 31 დეკემბრის მდგომარეობით, უნდა წარადგინონ საანგარიშგებო პერიოდის   დასრულებიდან მომდევნო თვის არაუგვიანეს 17 იანვრისა, ხოლო წლიური, კონსოლიდირებული (ნაერთი) ბუღალტრული ანგარიშგება უნდა წარადგინონ საანგარიშგებო  პერიოდის  დასრულებიდან მომდევნო თვის არაუგვიანეს 25 იანვრისა. 3. ეთხოვოს აფხაზეთის ავტონომიური რესპუბლიკის უმაღლეს საბჭოს, პერიოდული ბუღალტრული ანგარიშგება – 01 აპრილის, 01 ივლისის და 01 ოქტომბრის მდგომარეობით (ნაზარდი ჯამით), წარადგინოს აფხაზეთის ავტონომიური რესპუბლიკის ფინანსთა და დარგობრივი ეკონომიკის სამინისტროში, შესაბამისი საანგარიშგებო პერიოდის დასრულებიდან მომდევნო თვის არაუგვიანეს 10 რიცხვისა, ხოლო წლიური ბუღალტრული ანგარიშგება – საანგარიშგებო პერიოდის   დასრულებიდან მომდევნო თვის არაუგვიანეს 17 იანვრისა. 4. აფხაზეთის ავტონომიური რესპუბლიკის ფინანსთა და დარგობრივი ეკონომიკის სამინისტრომ მოამზადოს აფხაზეთის ავტონომიური რესპუბლიკის პერიოდული და წლიური კონსოლიდირებული (ნაერთი) ბუღალტრული ანგარიშგება შესაბამისი საანგარიშგებო პერიოდის დასრულებიდან მეორე თვის არაუგვიანეს 20 რიცხვისა და წარადგინოს აფხაზეთის ავტონომიური რესპუბლიკის მთავრობასა და სახელმწიფო აუდიტის სამსახურში. 5. კონსოლიდირებული (ნაერთი) ბუღალტრული ანგარიშგება მზადდება „ავტონომიური რესპუბლიკების და ადგილობრივი ხელისუფლების საბიუჯეტო ორგანიზაციების ბუღალტრული ანგარიშგების ფორმების დამტკიცების შესახებ“ საქართველოს ფინანსთა მინისტრის 2008 წლის 16 აპრილის №364 ბრძანების საფუძველზე. საბიუჯეტო ორგანიზაციებმა კონსოლიდაციისათვის კონსოლიდირებული (ნაერთი) ბუღალტრული ანგარიშგების სახელმძღვანელოდ უნდა გამოიყენონ და გაითვალისწინონ აფხაზეთის ავტონომიური რესპუბლიკის ფინანსთა და დარგობრივი ეკონომიკის სამინისტროს მიერ შემუშავებული წესი, რომლის მიხედვითაც საბიუჯეტო ორგანიზაციები, ბუღალტრულ ანგარიშგებასთან ერთად, წარმოადგენენ განმარტებით ბარათს. მუხლი 2🔗 „ნორმატიული აქტების შესახებ“ აფხაზეთის ავტონომიური რესპუბლიკის კანონის 22-ე მუხლის შესაბამისად, ძალადაკარგულად გამოცხადდეს „აფხაზეთის ავტონომიური რესპუბლიკის რესპუბლიკური ბიუჯეტის დაფინანსებაზე მყოფი საბიუჯეტო ორგანიზაციების მიერ ბუღალტრული ანგარიშგების შედგენის და აფხაზეთის ავტონომიური რესპუბლიკის აღმასრულებელი ხელისუფლების ორგანოებში წარდგენის ვადების განსაზღვრის შესახებ“ აფხაზეთის ავტონომიური რესპუბლიკის მთავრობის 2018 წლის 15 აგვისტოს №17 დადგენილება. მუხლი 3🔗 დადგენილება ამოქმედდეს გამოქვეყნებისთანავე.აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელირუსლან აბაშიძე