დუშეთის მუნიციპალიტეტის ტერიტორიაზე, ადგილობრივი მნიშვნელობის ზოგიერთ საავტომობილო გზაზე მოძრაობის ორგანიზების შესახებ
ჰკითხე AI-ს ამ კანონის შესახებ
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
|
დუშეთის მუნიციპალიტეტის საკრებულოს დადგენილება №28 |
|
2019 წლის 26 დეკემბერი ქ. დუშეთი |
დუშეთის მუნიციპალიტეტის ტერიტორიაზე, ადგილობრივი მნიშვნელობის ზოგიერთ საავტომობილო გზაზე მოძრაობის ორგანიზების შესახებ
„ადგილობრივი თვითმმართველობის კოდექსი” საქართველოს ორგანული კანონის 61-ე მუხლის პირველი და მე-2 პუნქტების, მე-16 მუხლის მე-2 პუნქტის „კ” ქვეპუნქტისა და 24-ე მუხლის მე-2 პუნქტის შესაბამისად, დუშეთის მუნიციპალიტეტის საკრებულო ადგენს:
მუხლი 1
1. დაწესდეს შეზღუდვა ადგილობრივი მნიშვნელობის გზებზე, გუდაურის ტერიტორიის იმ ნაწილზე, რომელიც მოქცეულია დუშეთის მუნიციპალიტეტის ადმინისტრაციულ საზღვრებში. კერძოდ, ზამთრის სეზონის ოფიციალური გახსნიდან სეზონის ოფიციალურ დახურვამდე, ყოველი პარასკევი დილის 10:00 საათიდან ორშაბათი დილის 10:00 საათამდე ეკონომიკური საქმიანობის განხორციელების მიზნით შეიზღუდოს სატვირთო ავტომობილების (№1, №2, №3 კატეგორიების) გადაადგილება.
2. აღნიშნული შეზღუდვა ვრცელდება ყველა ადგილობრივი მნიშვნელობის საავტომობილო გზაზე, რომელიც მდებარეობს გუდაურის ტერიტორიის დუშეთის მუნიციპალიტეტის ადმინისტრაციულ საზღვრებში მოქცეულ ნაწილზე. მათ შორის საერთაშორისო მნიშვნელობის გზიდან სასტუმრო მარკო-პოლომდე მიმავალ საავტომობილო გზაზე და საერთაშორისო მნიშვნელობის გზიდან გონდოლებამდე მისასვლელ გზაზე;
მუხლი 2
ამ დადგენილების პირველ მუხლში განსაზღვრულ ადგილობრივი მნიშვნელობის გზებზე, ეკონომიკური საქმიანობის განხორციელების მიზნით, სატვირთო ავტომობილის მიერ განსაზღვრული დროის/ადგილის დარღვევით მოძრაობა გამოიწვევს საქართველოს კანონით „ადმინისტრაციულ სამართალდარღვევათა კოდექსით” გათვალისწინებული სანქციების დაკისრებას.
მუხლი 3
დადგენილება ამოქმედდეს 2020 წლის 1 იანვრიდან.
|