„საქართველოს თავდაცვის სამინისტროს მოსამსახურეთა შრომის ანაზღაურების, სოციალური დაცვისა და მატერიალური უზრუნველყოფის პირობების დამტკიცების შესახებ“ საქართველოს თავდაცვის მინისტრის 2018 წლის 15 იანვრის №1 ბრძანებაში ცვლილების შეტანის თაობაზე

✨ ჰკითხე AI-ს ამ კანონის შესახებ

მიღების თარიღი

10.02.2020

გამომცემი ორგანო

საქართველოს თავდაცვის მინისტრი

ნომერი

№19

სარეგისტრაციო კოდი

280120000.22.026.016761

გამოქვეყნების წყარო

matsne.gov.ge , 11/02/2020

🧬 მსგავსი 10 📎 დანართები 1

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს თავდაცვის მინისტრის

ბრძანება №19

2020 წლის 10 თებერვალი

ქ. თბილისი

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და 24-ე მუხლის საფუძველზე, ვბრძანებ:

მუხლი 1

„საქართველოს თავდაცვის სამინისტროს მოსამსახურეთა შრომის ანაზღაურების, სოციალური დაცვისა და მატერიალური უზრუნველყოფის პირობების დამტკიცების შესახებ“ საქართველოს თავდაცვის მინისტრის 2018 წლის 15 იანვრის №1 ბრძანებით (ვებგვერდი, 16/01/2018, სარეგისტრაციო კოდი: 280120000.22.026.016549) დამტკიცებულ საქართველოს თავდაცვის სამინისტროს მოსამსახურეთა შრომის ანაზღაურების, სოციალური დაცვისა და მატერიალური უზრუნველყოფის პირობებში შეტანილ იქნეს შემდეგი ცვლილება:

1. მე-5 მუხლის მე-2 პუნქტი ჩამოყალიბდეს შემდეგი რედაქციით:

„2. სამინისტროს თავდაცვის ძალების და სამინისტროს მმართველოს სფეროში მოქმედი საჯარო სამართლის იურიდიული პირების სამხედრო მოსამსახურეებს, სპეციალური წოდების მქონე და სამოქალაქო პირებს, რომლებსაც დაკისრებული აქვთ შესაბამის თანამდებობაზე მოვალეობის შესრულება, ანაზღაურება მიეცემათ შესაბამის თანამდებობაზე განსაზღვრული ფულადი/თანამდებობრივი სარგოსა და დანამატების ოდენობით.“.

2. მე-16 მუხლის ,,ბ“ ქვეპუნქტი ჩამოყალიბდეს შემდეგი რედაქციით:

„ბ) სამინისტროს თავდაცვის ძალების მოსამსახურეთა, ასევე სამინისტროს გენერალური ინსპექციისა და სამინისტროს საჯარო სამართლის იურიდიული პირების სამხედრო მოსამსახურეთა დანამატები (დანართი №7);“.

3. მე-16 მუხლს დაემატოს „ზ“ ქვეპუნქტი შემდეგი რედაქციით:

„ზ) საქართველოს თავდაცვის სამინისტროს თავდაცვის ძალების ჯარების ლოჯისტიკური უზრუნველყოფის სარდლობის ტოპოგრაფიული სამსახურის საინჟინრო გეოდეზიური განყოფილების მოსამსახურეთა დანამატები (დანართი N17).“.

4. 31-ე მუხლი ჩამოყალიბდეს შემდეგი რედაქციით:

,,მუხლი 31

სამინისტროს სისტემის სამხედრო და სახელმწიფო სპეციალური წოდების მქონე მოსამსახურეებს, აგრეთვე თავდაცვის ძალების სამოქალაქო პირებს (მათ შორის, ადმინისტრაციული და შრომითი ხელშეკრულებით დასაქმებულ პირებს), სამსახურებრივი მოვალეობის შესრულებისას დაჭრა-დასახიჩრების ან ტრამვის მიღების გამო, მინისტრის ინდივიდუალური ადმინისტრაციულ-სამართლებრივი აქტით დადგენილი კრიტერიუმების შესაბამისად, მიეცემა ყოველთვიური დანამატი 200-დან (ორასი) 800 (რვაასი) ლარამდე ოდენობით.“.

5. 58-ე მუხლის მე-3 პუნქტი ჩამოყალიბდეს შემდეგი რედაქციით:

,,3. სამხედრო მოსამსახურეებს ორწლიანი, ოთხწლიანი ან რვაწლიანი კონტრაქტით სამსახურის პერიოდში, რომელიც ითვალისწინებდა ერთჯერადი დახმარების გაცემის ვალდებულებას, კონტრაქტი შეუწყდათ რვაწლიანი კონტრაქტის გაფორმების საფუძველზე, რვაწლიანი კონტრაქტის სრული ვადის ამოწურვის შემდეგ მიეცემათ ერთჯერადი დახმარება 14000 ლარის ოდენობით.“.

6. 58-ე მუხლს დაემატოს მე-5 პუნქტი შემდეგი რედაქციით:

,,5. ამ მუხლის მე-2 და მე-3 პუნქტებით განსაზღვრულ მოსამსახურეებს მიეცემათ შეწყვეტილი კონტრაქტის ფაქტობრივად ნამსახურები ვადის პროპორციული დახმარება. ჯამური ვადის გაანგარიშება ხდება სრული თვით. ამ მიზნით ერთ თვემდე ნამსახურები ვადა ითვლება სრული ერთი თვის სამსახურად.“.

7. 59-ე მუხლის მე-3 პუნქტი ჩამოყალიბდეს შემდეგი რედაქციით:

„3. სამინისტროს სისტემის სამხედრო მოსამსახურის დაღუპვის ან მიღებული ტრამვის შედეგად გამოწვეული ავადმყოფობით გარდაცვალების შემთხვევაში, მიუხედავად იმისა არსებობს თუ არა ამ ბრძანების 55-ე მუხლით გათვალისწინებული გარემოებები, სამხედრო მოსამსახურის ოჯახის წევრს მიეცემა ამავე ბრძანების 58-ე მუხლით განსაზღვრული ერთჯერადი დახმარება ფაქტობრივად ნამსახურები ვადის პროპორციულად. ამ პუნქტით გათვალისწინებული ერთჯერადი დახმარების გაცემისას გამოიყენება ამ ბრძანების 54-ე მუხლით განსაზღვრული წესი.“.

8. №2 დანართის მე-15 და მე-16 გრაფები ჩამოყალიბდეს შემდეგი რედაქციით:

„

15	ჯარების ლოჯისტიკური უზრუნველყოფის სარდლობის დისპეტჩერი	CP-9	860
16	ჯარების ლოჯისტიკური უზრუნველყოფის სარდლობის ავტომრეცხავი	CP-8	935

“.

9. №7 დანართის:

ა) სათაური ჩამოყალიბდეს შემდეგი რედაქციით:

„სამინისტროს თავდაცვის ძალების მოსამსახურეთა, ასევე სამინისტროს გენერალური ინსპექციისა და სამინისტროს საჯარო სამართლის იურიდიული პირების სამხედრო მოსამსახურეთა დანამატები“;

ბ) მე-10 და მე-11 გრაფები ჩამოყალიბდეს შემდეგი რედაქციით:

„

10	კურსების/კურსის უფროსი (ვიცე-პოლკოვნიკი), სსიპ – დავით აღმაშენებლის სახელობის ეროვნული თავდაცვის აკადემიის ბატალიონის შტაბის უფროსი და ინსტრუქტორთა განყოფილების უფროსი, სსიპ – დავით აღმაშენებლის სახელობის ეროვნული თავდაცვის აკადემიის ბაკალავრიატის ხელმძღვანელი (პოლკოვნიკი) და სსიპ – დავით აღმაშენებლის სახელობის ეროვნული თავდაცვის აკადემიის უზრუნველყოფის სამსახურის უფროსი; სსიპ – გენერალ გიორგი კვინიტაძის სახელობის კადეტთა სამხედრო ლიცეუმის დირექტორის მოადგილე აღმზრდელობით დარგში	425
11	სკოლის სერჟანტი (გარდა სპეციალური ოპერაციების ძალების სკოლისა და პოლკოვნიკ ბესიკ ქუთათელაძის სახელობის საჩხერის სამთო მომზადების სკოლის სერჟანტებისა), კურსების/კურსის უფროსი (გარდა სპეციალური ოპერაციების ძალებისა), ბაზის სერჟანტი, კურსების/კურსის სერჟანტი (გარდა სპეციალური ოპერაციების ძალებისა), ბატალიონის სერჟანტი, ესკადრილიის სერჟანტი, სამინისტროს თავდაცვის ძალების გენერალური შტაბის ადმინისტრაციულ დეპარტამენტში შემავალი საქართველოს თავდაცვის ძალების მეთაურის ადმინისტრაციული ჯგუფის საზოგადოებასთან ურთიერთობის სერჟანტი, სსიპ – დავით აღმაშენებლის სახელობის ეროვნული თავდაცვის აკადემიის კოლეჯის სერჟანტი, ცენტრის სერჟანტი; სამინისტროს გენერალური ინსპექციის: მთავარი ინსპექტორი, უფროსი ინსპექტორი, ინსპექტორი; სსიპ – გენერალ გიორგი კვინიტაძის სახელობის კადეტთა სამხედრო ლიცეუმის კურსების/კურსის სერჟანტი	375

“.

10. ბრძანებით დამტკიცებული დანართი №13 ჩამოყალიბდეს თანდართული რედაქციით.

11. დამტკიცდეს დანართი №17 თანდართული რედაქციით.

მუხლი 2

ეს ბრძანება ამოქმედდეს გამოქვეყნებისთანავე, ამასთან ამ ბრძანების პირველი მუხლის:

ა) მე-2, მე-9 და მე-10 პუნქტების მოქმედება გავრცელდეს 2020 წლის პირველი იანვრიდან წარმოშობილ სამართლებრივ ურთიერთობებზე;

ბ) პირველი, მე-3, მე-8 და მე-11 პუნქტების მოქმედება გავრცელდეს 2020 წლის პირველი თებერვლიდან წარმოშობილ სამართლებრივ ურთიერთობებზე.

საქართველოს თავდაცვის მინისტრი

ირაკლი ღარიბაშვილი

📎 დანართები (1)

19-2.doc ⬇

„დანართი №13

საზღვარგარეთ საქართველოს დიპლომატიურ წარმომადგენლობებსა და

საერთაშორისო ორგანიზაციებში მივლინებული თავდაცვის ატაშეების, საქართველოს თავდაცვის სამინისტროს წარმომადგენლებისა და მათი აპარატების თანამდებობის პირთა ანაზღაურებისა და შენახვის ხარჯების ყოველთვიური ნორმები

დასახელება		უცხოური ვალუტის დასახელება	შენახვის ხარჯების ნორმები	სამედიცინო დაზღვევა	სულ
1	სამოქალაქო წარმომადგენლის აპარატი ნატოსა და ევროკავშირში
1.1	სამოქალაქო წარმომადგენელი ნატოსა და ევროკავშირში– აპარატის უფროსი	ევრო	4,650	700	5,350
1.2	ნატოსა და ევროკავშირში სამოქალაქო წარმომადგენლი – აპარატის უფროსის მოადგილე	ევრო	3,400	700	4,100
1.3	ნატოსა და ევროკავშირში სამოქალაქო წარმომადგენლის მრჩეველი	ევრო	2,950	700	3,650
2	სამხედრო წარმომადგენლის აპარატი ნატოსა და ევროკავშირში
2.1	სამხედრო წარმომადგენელი ნატოსა და ევროკავშირში – აპარატის უფროსი	ევრო	4,450	700	5,150
2.2	ნატოსა და ევროკავშირში სამხედრო წარმომადგენლის მოადგილე – აპარატის უფროსის მოადგილე	ევრო	3,400	700	4,100
2.3	უფროსი მეკავშირე ოფიცერი ნატოს ოპერაციების გაერთიანებულ სარდლობაში	ევრო	3,450	700	4,150
2.4	უფროსი მეკავშირე ოფიცერი ნატოს ტრანსფორმაციის გაერთიანებულ სარდლობაში	აშშ დოლარი	4,400	900	5,300
3	თავდაცვის ატაშეს აპარატი აშშ-სა და კანადაში
3.1	თავდაცვის ატაშე აშშ-სა და კანადაში	აშშ დოლარი	6,950	1,000	7,950
3.2	თავდაცვის ატაშეს მოადგილე აშშ-სა და კანადაში	აშშ დოლარი	4,300	1,000	5,300
3.3	თავდაცვის ატაშეს თანაშემწე აშშ-სა და კანადაში	აშშ დოლარი	4,616	700	5,316
3.4	უფროსი მეკავშირე ოფიცერი აშშ-ს ცენტრალურ სარდლობაში	აშშ დოლარი	2,600	900	3,500
4	თავდაცვის ატაშეს აპარატი შვედეთის სამეფოში, ნორვეგიის სამეფოში, დანიის სამეფოსა და ფინეთის რესპუბლიკაში
4.1	თავდაცვის ატაშე შვედეთის სამეფოში, ნორვეგიის სამეფოში, დანიის სამეფოსა და ფინეთის რესპუბლიკაში	ევრო	4,450	700	5,150
5	თავდაცვის ატაშეს აპარატი გერმანიის ფედერაციულ რესპუბლიკასა და შვეიცარიის კონფედერაციაში
5.1	თავდაცვის ატაშე გერმანიის ფედერაციულ რესპუბლიკასა და შვეიცარიის კონფედერაციაში	ევრო	4,350	700	5,050
5.2	თავდაცვის ატაშეს თანაშემწე გერმანიის ფედერაციულ რესპუბლიკასა და შვეიცარიის კონფედერაციაში	ევრო	3,050	700	3,750
6	თავდაცვის ატაშეს აპარატი საფრანგეთის რესპუბლიკაში, ბელგიის სამეფოსა და ნიდერლანდების სამეფოში
6.1	თავდაცვის ატაშე საფრანგეთის რესპუბლიკაში,ბელგიის სამეფოსა და ნიდერლანდების სამეფოში	ევრო	4,450	700	5,150
7	თავდაცვის ატაშეს აპარატი თურქეთის რესპუბლიკასა და ალბანეთის რესპუბლიკაში
7.1	თავდაცვის ატაშე თურქეთის რესპუბლიკასა და ალბანეთის რესპუბლიკაში	ევრო	4,250	700	4,950
7.2	თავდაცვის ატაშეს მოადგილე თურქეთის რესპუბლიკასა და ალბანეთის რესპუბლიკაში	ევრო	2,950	700	3,650
8	თავდაცვის ატაშეს აპარატი დიდი ბრიტანეთისა და ჩრდ. ირლანდიის გაერთიანებულ სამეფოსა და ირლანდიაში
8.1	თავდაცვის ატაშე დიდი ბრიტანეთისა და ჩრდ. ირლანდიის გაერთიანებულ სამეფოსა და ირლანდიაში	ინგლისური გირვანქა სტერლინგი	4,650	500	5,150
9	თავდაცვის ატაშეს აპარატი აზერბაიჯანის რესპუბლიკაში
9.1	თავდაცვის ატაშე აზერბაიჯანის რესპუბლიკაში	აშშ დოლარი	4,100	900	5,000
9.2	თავდაცვის ატაშეს მოადგილე აზერბაიჯანის რესპუბლიკაში	აშშ დოლარი	3,377	500	3,877
10	თავდაცვის ატაშეს აპარატი ლიეტუვას რესპუბლიკაში, ლატვიის რესპუბლიკასა და ესტონეთის რესპუბლიკაში
10.1	თავდაცვის ატაშე ლიეტუვას რესპუბლიკაში, ლატვიის რესპუბლიკასა და ესტონეთის რესპუბლიკაში	ევრო	4,450	700	5,150
10.2	თავდაცვის ატაშეს მოადგილე ლიეტუვას რესპუბლიკაში, ლატვიის რესპუბლიკასა და ესტონეთის რესპუბლიკაში	ევრო	2,950	700	3,650
11	თავდაცვის ატაშეს აპარატი პოლონეთის რესპუბლიკაში, ჩეხეთის რესპუბლიკაში, სლოვაკეთის რესპუბლიკასა და უნგრეთის რესპუბლიკაში
11.1	თავდაცვის ატაშე პოლონეთის რესპუბლიკაში, ჩეხეთის რესპუბლიკაში, სლოვაკეთის რესპუბლიკასა და უნგრეთის რესპუბლიკაში	ევრო	4,450	700	5,150
12	თავდაცვის ატაშეს აპარატი უკრაინასა და ბელარუსის რესპუბლიკაში
12.1	თავდაცვის ატაშე უკრაინასა და ბელარუსის რესპუბლიკაში	აშშ დოლარი	4,400	900	5,300
12.2	თავდაცვის ატაშეს თანაშემწე უკრაინასა და ბელარუსის რესპუბლიკაში	აშშ დოლარი	2,950	700	3,650
13	თავდაცვის ატაშეს აპარატი სომხეთის რესპუბლიკასა და ირანის ისლამურ რესპუბლიკაში
13.1	თავდაცვის ატაშე სომხეთის რესპუბლიკასა და ირანის ისლამურ რესპუბლიკაში	აშშ დოლარი	4,250	900	5,150
14	თავდაცვის ატაშეს აპარატი რუმინეთში, ბულგარეთის რესპუბლიკასა და მოლდოვას რესპუბლიკაში
14.1	თავდაცვის ატაშე რუმინეთში, ბულგარეთის რესპუბლიკასა მოლდოვას რესპუბლიკაში	ევრო	4,450	700	5,150
15	თავდაცვის ატაშეს აპარატი ყაზახეთის რესპუბლიკაში, ყირგიზეთის რესპუბლიკაში, უზბეკეთის რესპუბლიკასა და თურქმენეთში
15.1	თავდაცვის ატაშე ყაზახეთის რესპუბლიკაში, ყირგიზეთის რესპუბლიკაში, უზბეკეთის რესპუბლიკასა და თურქმენეთში	აშშ დოლარი	4,100	900	5,000
15.2	თავდაცვის ატაშეს მოადგილე ყაზახეთის რესპუბლიკაში, ყირგიზეთის რესპუბლიკაში, უზბეკეთის რესპუბლიკასა და თურქმენეთში	აშშ დოლარი	2,950	700	3,650
16	თავდაცვის ატაშეს აპარატი ესპანეთის სამეფოში, იტალიის რესპუბლიკასა და პორტუგალიის რესპუბლიკაში
16.1	თავდაცვის ატაშე ესპანეთის სამეფოში, იტალიის რესპუბლიკასა და პორტუგალიის რესპუბლიკაში	ევრო	4,450	700	5,150
17	ეუთოში სამხედრო წარმომადგენლის აპარატი
17.1	სამხედრო წარმომადგენლი ეუთოში	ევრო	4,350	700	5,050

შენიშვნა:

1. შენახვის ხარჯების ნორმები მოიცავს სხვადასხვა ხარჯებს, მათ შორის, სადღეღამისო ნორმის, ბინის დაქირავებისა და სამსახურებრივ მოვალეობასთან დაკავშირებულ წარმომადგენლობით, სატრანსპორტო საშუალებების დაზღვევისა და მიმდინარე რემონტის, ინვენტარისა და მოწყობილობების ექსპლუატაციის ხარჯებს.

2. სავალდებულოა შემდეგი დოკუმენტაციის წარმოდგენა:

ა) ბინის დაქირავების ხელშეკრულების და გადახდის დამადასტურებელი დოკუმენტაცია;

ბ) სატრანსპორტო საშუალებების დაზღვევის ხელშეკრულების და გადახდის დამადასტურებელი დოკუმენტაცია;

გ) სამედიცინო დაზღვევის ხელშეკრულების და გადახდის დამადასტურებელი დოკუმენტაცია;

დ) ოფისის დაქირავების (ასეთის არსებობის შემთხვევაში) ხელშეკრულების და გადახდის დამადასტურებელი დოკუმენტაცია;

ე) სამსახურებრივ მოვალეობასთან დაკავშირებული წარმომადგენლობითი, სატრანსპორტო საშუალებების მოვლა-შენახვის, ინვენტარისა და მოწყობილობების ექსპლუატაციის ხარჯების გადახდის დამადასტურებელი დოკუმენტაცია.

3. ოფისის დაქირავების ხარჯების (ასეთის არსებობის შემთხვევაში) ანაზღაურება ხორციელდება შესაბამისი სამსახურის მიერ წარმოდგენილი დაანგარიშების მიხედვით (გაფორმებული კონტრაქტის პირობების თანახმად).

4. სამედიცინო დაზღვევის თანხა ანაზღაურდება დადგენილი ნორმების ფარგლებში, ფაქტობრივად გაწეული ხარჯის მიხედვით, მინისტრის ბრძანების შესაბამისად.

5. მინისტრის ინდივიდუალური ადმინისტრაციულ-სამართლებრივი აქტის მიხედვით, მოთხოვნების შესაბამისად, ხორციელდება ინვენტარის, მოწყობილობებისა და სატრანსპორტო საშუალებების შესაძენად თანხების, აგრეთვე, საჭიროების შემთხვევაში დამატებით შენახვის ხარჯების გამოყოფა.

6. საზღვარგარეთ საქართველოს დიპლომატიურ წარმომადგენლობებსა და საერთაშორისო ორგანიზაციებში მივლინებული თავდაცვის ატაშეების, სამინისტროს წარმომადგენლებისა და მათი აპარატების თანამდებობის პირთა როტაციასთან დაკავშირებული პირველადი მოწყობის ხარჯები (საოჯახო ინვენტარი, მოწყობილობა და სხვა) გაიცემა ერთჯერადი დახმარების სახით ,,პროფესიული საჯარო მოხელის სამსახურებრივი მივლინებით გაგზავნის წესის, მისი სამსახურებრივი მივლინების ხარჯების ანაზღაურებისა და კომპენსაციის ოდენობისა და პირობების განსაზღვრის შესახებ” საქართველოს მთავრობის 2017 წლის 25 აპრილის №211 დადგენილების №1 დანართით განსაზღვრული ქვეყნის ფარგლებს გარეთ მოკლევადიანი მივლინების დროს უცხოური ვალუტით ანაზღაურების შესაბამისი სადღეღამისო ნორმის სამოცმაგი ოდენობით.

7. საზღვარგარეთ საქართველოს დიპლომატიურ წარმომადგენლობებსა და საერთაშორისო ორგანიზაციებში მივლინებულ თავდაცვის ატაშეებს, სამინისტროს წარმომადგენლებს და მათი აპარატების თანამდებობის პირებს, გამოყოფილი ასიგნებების ფარგლებში, საჭიროების შემთხვევაში, ავანსის სახით მიეცეთ ბინის დაქირავებასთან დაკავშირებით საავანსო თანხები არაუმეტეს სამი თვის ბინის ქირის ოდენობისა.

8. საზღვარგარეთ საქართველოს დიპლომატიურ წარმომადგენლობებსა და საერთაშორისო ორგანიზაციებში მივლინებული თავდაცვის ატაშეების, სამინისტროს წარმომადგენლებისა და მათი აპარატების თანამდებობის პირთა მოკლევადიანი მივლინებისას ანაზღაურდება მხოლოდ მგზავრობისა და განთავსების ხარჯები.

9. საზღვარგარეთ საქართველოს დიპლომატიურ წარმომადგენლობებსა და საერთაშორისო ორგანიზაციებში მივლინებულ თავდაცვის ატაშეებს, სამინისტროს წარმომადგენლებსა და მათი აპარატების თანამდებობის პირებს და მათი ოჯახის თითოეულ წევრს აუნაზღაურდებათ:

ა) როტაციის წესით სამუშაო მივლინებით წარგზავნისას – საქართველოსა და მივლინების ადგილს შორის მგზავრობის ხარჯები ეკონომკლასის ავიაბილეთის ღირებულებით და პირადი ტვირთის გადაზიდვის ხარჯები ერთ სულზე არაუმეტეს 200 ევროს ოდენობით;

ბ) როტაციის წესით სამუშაო მივლინების ვადის გასვლის გამო ან ვადამდე გამოწვევისას – მივლინების ადგილსა და საქართველოს შორის მგზავრობის ხარჯები ეკონომკლასის ავიაბილეთის ღირებულებით და პირადი ტვირთის გადაზიდვის ხარჯები ერთ სულზე არაუმეტეს 200 ევროს ოდენობით;

გ) როტაციის წესით სამუშაო მივლინების პერიოდში შვებულებით სარგებლობისას – მგზავრობის ხარჯები (წელიწადში ერთხელ), არაუმეტეს მივლინების ადგილსა და საქართველოს შორის მგზავრობის ეკონომკლასის ავიაბილეთების ღირებულებისა.

10. საზღვარგარეთ საქართველოს დიპლომატიურ წარმომადგენლობებსა და საერთაშორისო ორგანიზაციებში მივლინებული თავდაცვის ატაშეების, სამინისტროს წარმომადგენლებისა და მათი აპარატების თანამდებობის პირების როტაციის წესით სამუშაო მივლინების ვადაზე ადრე შეწყვეტის (მათ შორის, სამსახურიდან დათხოვნის/გათავისუფლების გამო მივლინების შეწყვეტისას) ან სამუშაო მივლინების ვადის გასვლის გამო გამოწვევის შემთხვევაში, გამოწვევასთან დაკავშირებული ადმინისტრაციულ-ორგანიზაციული საკითხების მოგვარების მიზნით, პირის გამოწვევა შესაძლებელია განხორციელდეს თანამდებობიდან გათავისუფლების/დათხოვნის თარიღიდან არაუმეტეს 30 კალენდარული დღის ვადაში, მინისტრის ინდივიდუალური ადმინისტრაციულ-სამართლებრივი აქტის შესაბამისად.

11. ამ შენიშვნის მე-10 პუნქტით გათვალისწინებულ პირებს მიეცემათ ამ დანართით გათვალისწინებული გრძელვადიანი მივლინების ანაზღაურებისა და შენახვის ხარჯები შენიშვნის მე-10 პუნქტით გათვალისწინებული მინისტრის ინდივიდუალური ადმინისტრაციულ-სამართლებრივი აქტით დადგენილი ვადის განმავლობაში.

12. მინისტრის ინდივიდუალური ადმინისტრაციულ-სამართლებრივი აქტით განისაზღვრება საზღვარგარეთ საქართველოს დიპლომატიურ წარმომადგენლობებსა და საერთაშორისო ორგანიზაციებში მივლინებული თავდაცვის ატაშეების, სამინისტროს წარმომადგენლებისა და მათი აპარატების თანამდებობის პირთა ვადამდე გამოწვევის შემთხვევაში (გარდა იმ შემთხვევებისა, როდესაც ვადამდე გამოწვევასთან ერთად ხდება მოსამსახურის სამსახურიდან გათავისუფლება/დათხოვნა პირადი განცხადების (გარდა „სამხედრო მოსამსახურის სტატუსის შესახებ“ საქართველოს კანონის 21-ე მუხლის მე-2 პუნქტის „ი“ ქვეპუნქტისა და „საჯარო სამსახურის შესახებ“ საქართველოს კანონის 52-ე მუხლით გათვალისწინებული შემთხვევებისა), დისციპლინური გადაცდომის ან შეუსაბამობის გამო) ბინის ქირავნობის ხელშეკრულების ვადამდე შეწყვეტის გამო ანაზღაურებული ან ასანაზღაურებელი ჯარიმის/საურავის (სხვა სახის პასუხისმგებლობის ზომის) ოდენობა და ამ თანხების გადახდის წინაპირობები.

13. შვებულებაში (მათ შორის, ორსულობისა და მშობიარობის გამო შვებულებაში) ყოფნისას ან შრომისუუნარობის გამო სამსახურში არყოფნის შემთხვევაში, პირს უნარჩუნდება ამ დანართით გათვალისწინებული ნორმები. თუ არყოფნის პერიოდი წელიწადის განმავლობაში ზედიზედ ან კალენდარული წლის მანძილზე 30 კალენდარულ დღეზე მეტი ხნით გრძელდება, პირს შენახვის ხარჯების ნორმა 30 კალენდარული დღის შემდეგ უმცირდება ბინის დაქირავების ხარჯებამდე.”.

„დანართი №17

საქართველოს თავდაცვის სამინისტროს თავდაცვის ძალების ჯარების ლოჯისტიკური უზრუნველყოფის სარდლობის ტოპოგრაფიული სამსახურის საინჟინრო გეოდეზიური განყოფილების მოსამსახურეთა დანამატები

(ლარებში)

თანამდებობის დასახელება

დანამატი

თვეში

მთავარი სპეციალისტი

190

უფროსი სპეციალისტი

220

“.