ქალაქ თბილისში, მთაწმინდის რაიონში, ოქროყანაში, ციურიხის ქუჩის, მასთან არსებული I ჩიხის და I შესახვევის სახელდების შესახებ

ქალაქ თბილისში, მთაწმინდის რაიონში, ოქროყანაში, ციურიხის ქუჩის, მასთან არსებული I ჩიხის და I შესახვევის სახელდების შესახებ ქალაქ თბილისის მუნიციპალიტეტის საკრებულოს განკარგულება №111 2020 წლის  15 მაისი  ქ. თბილისი ქალაქ თბილისში, მთაწმინდის  რაიონში, ოქროყანაში, ციურიხის ქუჩის, მასთან არსებული I  ჩიხის  და I  შესახვევის სახელდების შესახებ 1. საქართველოს ორგანული კანონის – „ადგილობრივი თვითმმართველობის კოდექსი“ 61-ე მუხლის მე-2 პუნქტისა და 68-ე მუხლის პირველი პუნქტის „გ“ ქვეპუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“, საქართველოს მთავრობის 2015 წლის 1 ივნისის №239 დადგენილებისა და „ქალაქ თბილისის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“, ქალაქ თბილისის მუნიციპალიტეტის საკრებულოს 2015 წლის 16 ივნისის №14-59 დადგენილების თანახმად,  ქალაქ თბილისის მუნიციპალიტეტის საკრებულომ დაადგინა: ა) მთაწმინდის  რაიონში,  ოქროყანაში, ციურიხის ქუჩას, მასთან არსებულ I ჩიხს და I შესახვევს მიენიჭოს ციურიხის  სახელი, ახალი რუკის თანახმად. ბ) ქალაქ თბილისის მუნიციპალიტეტის მერიამ, ოთხი თვის ვადაში, უზრუნველყოს ამ განკარგულების შესასრულებლად საჭირო ღონისძიებების განხორციელება. 2. განკარგულება, ერთი თვის ვადაში, შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით  აღმაშენებლის ხეივანი, №64). საკრებულოს თავმჯდომარე                                         გიორგი ტყემალაძე