„ხაშურის მუნიციპალიტეტის მერიის პირველადი სტრუქტურული ერთეულის – ადმინისტრაციული სამსახურის დებულების დამტკიცების შესახებ“ ხაშურის მუნიციპალიტეტის საკრებულოს 2017 წლის 4 დეკემბრის №38 დადგენილებაში ცვლილების შეტანის თაობაზე

ა) დადგენილებით დამტკიცებული დანართი №1-ის 1-ლი მუხლის 1-ლი პუნქტი ჩამოყალიბდეს შემდეგი რედაქციით:

„1. მერიის ადმინისტრაციული სამსახური (შემდგომ – ადმინისტრაციული სამსახური) არის მუნიციპალიტეტის მერიის პირველადი სტრუქტურული ერთეული, რომელიც უზრუნველყოფს ადგილობრივი თვითმმართველობის ორგანოებისა და მერიის სამსახურების საქმისწარმოებას, მათ კომუნიკაციას ერთმანეთთან; შესყიდვების ორგანიზებასა და განხორციელებას, მატერიალურ-ტექნიკურ უზრუნველყოფას; ადამიანური რესურსების მართვას; ადგილობრივი თვითმმართველობის ორგანოების ურთიერთობის ორგანიზებას მოქალაქეებთან, იურიდიულ პირებთან და სხვა გაერთიანებებთან, სახელმწიფო ორგანოებთან, სხვა თვითმმართველ ერთეულებთან და საერთაშორისო ორგანიზაციებთან; მერიის ოფიციალური ღონისძიებების დაგეგმვასა და ორგანიზებას, მერის წარმომადგენლების საქმიანობის ხელშეწყობას და კოორდინირებას. აგრეთვე საქართველოს კანონით „ბავშვის უფლებათა კოდექსი“ გათვალისწინებული ბავშვის უფლებების დაცვის ღონისძიებების განხორციელება საკუთარი უფლებამოსილების ფარგლებში, დელეგირებული უფლებამოსილებების ფარგლებში ბავშვის მხარდაჭერის სახელმწიფო პროგრამების განხორციელება, განხორციელების პროცესის მონიტორინგი და შეფასება. შესაბამისი მუნიციპალური პროგრამების მომზადება, მათი განხორციელება, განხორციელების პროცესის მონიტორინგი, შეფასება და სხვა“.

ბ) დადგენილებით დამტკიცებული დანართი №1-ის მე-2 მუხლის 1-ლი პუნქტი ჩამოყალიბდეს შემდეგი რედაქციით:

„1. ადმინისტრაციული სამსახური შედგება ადმინისტრაციული სამსახურის ხელმძღვანელის, სამსახურის მოხელეების (ბავშვისა და ოჯახის სოციალური მუშაკი, ბავშვის დაცვის ინსპექტორი, კოორდინატორი) და მეორადი სტრუქტურული ერთეულებისგან – განყოფილებებისაგან“.

გ) დადგენილებით დამტკიცებული დანართი №1-ის მე-2 მუხლს დაემატოს შემდეგი შინაარსის „3¹“ პუნქტი:

„3¹. ადმინისტრაციული სამსახურის მოხელეების (ბავშვისა და ოჯახის სოციალური მუშაკი, ბავშვის დაცვის ინსპექტორი, კოორდინატორი) ფუნქციები განისაზღვრება ამ დებულებით და შესაბამისი სამუშაოთა აღწერილობებით”.

დ) დადგენილებით დამტკიცებული დანართი №1-ის მე-3 მუხლს დაემატოს შემდეგი შინაარსის „პ¹“ პუნქტი:

„პ¹. საქართველოს კანონით „ბავშვის უფლებათა კოდექსი“ გათვალისწინებული ბავშვის უფლებების დაცვის ღონისძიებების განხორციელება, საკუთარი უფლებამოსილების ფარგლებში“.

ე) დადგენილებით დამტკიცებული დანართი №1-ის მე-3 მუხლს დაემატოს შემდეგი შინაარსის „პ²“ პუნქტი:

„პ². საქართველოს კანონით „ბავშვის უფლებათა კოდექსი“ გათვალისწინებული ბავშვის მხარდაჭერის სახელმწიფო პროგრამების განხორციელება, განხორციელების მონიტორინგი და შეფასება დელეგირებული უფლებამოსილებების ფარგლებში“.

ვ) დადგენილებით დამტკიცებული დანართი №1-ის მე-3 მუხლს დაემატოს შემდეგი შინაარსის „პ³“ პუნქტი:

„პ³. ბავშვის მხარდაჭერის შესაბამისი მუნიციპალური პროგრამების მომზადება, მათი განხორციელება, განხორციელების პროცესის მონიტორინგი და შეფასება“.

ზ) დადგენილებით დამტკიცებული დანართი №1-ის მე-3 მუხლს დაემატოს შემდეგი შინაარსის „პ⁴“ პუნქტი:

„პ⁴. საქართველოს ადმინისტრაციულ სამართალდარღვევათა კოდექსით მინიჭებული უფლებამოსილების ფარგლებში ადმინისტრაციული სამართალდარღვევების გამოვლენა, შესაბამისი ოქმების შედგენა და სახდელის შეფარდებისათვის მუნიციპალიტეტის მერისათვის გადაგზავნა“.

თ) დადგენილებით დამტკიცებული დანართი №1-ის მე-3 მუხლს დაემატოს შემდეგი შინაარსის „პ⁵“ პუნქტი:

„პ⁵. ბავშვის უფლებების დაცვისა და მხარდაჭერის დამტკიცებული პროგრამების შესაბამისად სტატისტიკური ინფორმაციის წარმოება; ბავშვთა დაცვისა და მხარდაჭერის მონაცემთა ერთიანი ბაზის შექმნა და წარმოება“.

ი) დადგენილებით დამტკიცებული დანართი №1-ს დაემატოს შემდეგი შინაარსის 3¹ მუხლი:

„მუხლი 3¹. სამსახურის მოხელეები (კოორდინატორი, ბავშვისა და ოჯახის სოციალური მუშაკი, ბავშვის დაცვის ინსპექტორი)

1. კოორდინატორი უზრუნველყოფს ბავშვის დაცვისა და მხარდაჭერის საკითხების მართვას, კოორდინაციას და სხვა.

2. ბავშვისა და ოჯახის სოციალური მუშაკი ახორციელებს ბავშვის მდგომარეობის შეფასებას ბავშვისა და ოჯახის საჭიროებათა და ზიანის რისკის შეფასების სამართლებრივი ინსტრუმენტების გამოყენებით, შეიმუშავებს სამოქმედო გეგმას, უზრუნველყოფს ინდივიდუალური მხარდაჭერის გეგმით დადგენილი მომსახურებებისადმი ბავშვის ხელმისაწვდომობას. მონიტორინგს უწევს ბავშვის დაცვისა და მხარდაჭერის ღონისძიებების განხორციელების პროცესს და ადგენს ანგარიშს, ახორციელებს სხვა უფლებამოსილებებს.

3. ბავშვის დაცვის ინსპექტორი ზედამხედველობს მუნიციპალიტეტის ტერიტორიაზე ბავშვთა დაცვის მარეგულირებელი კანონმდებლობის შესრულებას, სამართალდართვევის გამოვლენის შემთხვევაში ადგენს სამართალდარღვევის ოქმს, რომელსაც წარუდგენს სამსახურის ხელმძღვანელს და სხვა.

4. სამსახურის მოხელეები ანგარიშვალდებულნი არიან სამსახურის ხელმძღვანელის წინაშე“.