„ზუგდიდის მუნიციპალიტეტის მერიის ადმინისტრაციული სამსახურის დებულების დამტკიცების შესახებ“ ზუგდიდის მუნიციპალიტეტის საკრებულოს 2019 წლის 06 სექტემბრის №33 დადგენილებაში ცვლილების შეტანის შესახებ

 ა) პირველი  მუხლის პირველი პუნქტი ჩამოყალიბდეს შემდეგი რედაქციით:

„მუხლი 1. მერიის ადმინისტრაციული სამსახური

1. ზუგდიდის მუნიციპალიტეტის მერიის ადმინისტრაციული სამსახური (ტექსტში შემდგომ  „სამსახური“) არის ზუგდიდის მუნიციპალიტეტის მერიის სტრუქტურული ერთეული, რომელიც უზრუნველყოფს   ადგილობრივი თვითმმართველობის ორგანოებისა და მერიის სამსახურების საქმისწარმოებას, კომუნიკაციას ერთმანეთთან, ადამიანური რესურსების მართვას, მატერიალურ ტექნიკურ უზრუნველყოფას, მერიის ინტერესების დაცვას და სამართლებრივ მომსახურებას, ადგილობრივი თვითმმართველობის ორგანოების ურთიერთობის ორგანიზებას მოქალაქეებთან, იურიდიულ პირებთან და სხვა გაერთიანებებთან, სახელმწიფო ორგანოებთან, სხვა თვითმმართველ ერთეულებთან და საერთაშორისო ორგანიზაციებთან, საპროტოკოლო საკითხების მომზადებას, შრომის უსაფრთხოების ღონისძიებების დანერგვასა და მართვას, მერიის ოფიციალური ღონისძიებების დაგეგმვასა და ორგანიზებას.“

ბ) მე-2 მუხლის მე-8  პუნქტს დაემატოს შემდეგი შინაარის ,,ზ“ ქვეპუნქტი:

„ზ) შრომის უსაფრთხოების  განყოფილება.“

გ)   მე-3 მუხლს  დაემატოს შემდეგი შინაარის ,,შ¹ “პუნქტი:

„შ¹) შრომის უსაფრთხოების ნორმების დარღვევის პრევენციის მიზნით  შრომის უსაფრთხოების ღონისძიებების დანერგვასა და მართვას.”

დ) მე-9 მუხლის შემდეგ დაემატოს შემდეგი შინაარსის 9¹ მუხლი:

,,მუხლი  9¹. შრომის უსაფრთხოების  განყოფილება

განყოფილება დადგენილი წესით უზრუნველყოფს:

ა)  შრომის უსაფრთხოების სფეროში დასახული ამოცანების შესრულებას;

ბ) შრომის უსაფრთხოების ნორმების დარღვევის პრევენციის მიზნით შრომის უსაფრთხოების ღონისძიებების დანერგვასა და მართვას;

გ) სამუშაო სივრცეში შრომის უსაფრთხოების დაცვის ხარისხის ამაღლებასთან და მომეტებული საფრთხის შემცირებასთან/აღმოფხვრასთან დაკავშირებით წინადადებების მომზადებას.

დ)  ზუგდიდის მუნიციპალიტეტის მერიაში დასაქმებულთა და სამუშაო სივრცეში მყოფ სხვა პირთა ინფორმირებულობას მომეტებული საფრთხის, პრევენციული და საევაკუაციო ზომებისა და უსაფრთხოების ღონისძიებების შესახებ;

ე) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.”.