„სამკურნალო/სამედიცინო მიზნებისათვის განკუთვნილი საქონლის ნუსხის განსაზღვრის შესახებ, რომლის მიწოდება ან/და იმპორტი გათავისუფლებულია დამატებული ღირებულების გადასახადისგან ჩათვლის უფლების გარეშე“ საქართველოს შრომის, ჯანმრთელობისა და სოციალური დაცვის მინისტრისა და საქართველოს ფინანსთა მინისტრის 2017 წლის 15 დეკემბრის №01-69/ნ/№451 ერთობლივ ბრძანებაში ცვლილების შეტანის თაობაზე

1. ბრძანების სათაური ჩამოყალიბდეს შემდეგი რედაქციით:

„სამკურნალო/სამედიცინო მიზნებისათვის განკუთვნილი საქონლის ნუსხის განსაზღვრის შესახებ, რომლის მიწოდება ან/და იმპორტი გათავისუფლებულია დამატებული ღირებულების გადასახადისგან“.

2. ბრძანების პრეამბულა ჩამოყალიბდეს შემდეგი რედაქციით:

„საქართველოს საგადასახადო კოდექსის 168-ე მუხლის პირველი ნაწილის „კ¹“ ქვეპუნქტის და 309-ე მუხლის 127-ე ნაწილის „ბ“ ქვეპუნქტის საფუძველზე, ვბრძანებთ:“

3. 1¹ მუხლი ჩამოყალიბდეს შემდეგი რედაქციით:

„მუხლი 1¹. ამ ბრძანების პირველი მუხლის მე-3 პუნქტში მოცემული საქონლის იმპორტი ან/და მიწოდება (გარდა 1² მუხლით გათვალისწინებული მიწოდებისა) დღგ-ისაგან ჩათვლის უფლების გარეშე გათავისუფლებულია 2020 წლის 1 აპრილიდან 2020 წლის 1 ოქტომბრამდე.“.

4. 1¹ მუხლის შემდეგ დაემატოს შემდეგი შინაარსის 1² მუხლი:

„მუხლი 1².  ამ ბრძანების პირველი მუხლის მე-3 პუნქტში მოცემული საქონლის მიწოდება 2020 წლის 1 მარტიდან 2021 წლის 1 იანვრამდე გათავისუფლებულია დღგ-ისაგან ჩათვლის უფლებით, თუ იგი წარმოებულია საქართველოში.“.