„საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე

✨ ჰკითხე AI-ს ამ კანონის შესახებ

საქართველოს მინისტრის ბრძანება მოქმედი სამართლდამცავი ორგანოები

მიღების თარიღი

01.09.2020

გამომცემი ორგანო

საქართველოს შინაგან საქმეთა მინისტრი

ნომერი

№131

სარეგისტრაციო კოდი

140130000.22.034.017060

გამოქვეყნების წყარო

matsne.gov.ge , 02/09/2020

🧬 მსგავსი 10

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს შინაგან საქმეთა მინისტრის

ბრძანება №131

2020 წლის 1 სექტემბერი

ქ. თბილისი

„საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ:

მუხლი 1

„საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში (www.matsne.gov.ge, 31/12/2013, 140130000.22.034.016246) შეტანილ იქნეს ცვლილება და ბრძანებით დამტკიცებული წესის:

1. 21-ე მუხლის:

ა) პირველი და 1¹ პუნქტები ჩამოყალიბდეს შემდეგი რედაქციით:

„1. სპეციალური კონკურსის სახეებია:

ა) ღია სპეციალური კონკურსი;

ბ) შიდა სპეციალური კონკურსი.

1¹. ღია სპეციალური კონკურსი ტარდება სამინისტროს სისტემაში მოსამსახურის შტატით გათვალისწინებულ ვაკანტურ თანამდებობაზე სახელმწიფო სპეციალური წოდებით მისაღები პირებისთვის, გარდა ამ მუხლის 1² ან/და 11¹-11³ პუნქტებით გათვალისწინებული შემთხვევებისა. ღია სპეციალურ კონკურსში მონაწილეობის უფლება აქვს ნებისმიერ პირს, რომელიც აკმაყოფილებს საქართველოს კანონმდებლობით დადგენილ მოთხოვნებს.“;

ბ) 1¹ პუნქტის შემდეგ დაემატოს შემდეგი შინაარსის 1²და 1³ პუნქტები:

„1². შიდა სპეციალური კონკურსი ტარდება ამ წესის 27² მუხლით გათვალისწინებულ შემთხვევებში.

1³. პოლიციელად მისაღებ კანდიდატს არჩევს სამინისტროს ადამიანური რესურსების მართვის ერთეული და სპეციალური საკონკურსო კომისია, რომელიც ამოწმებს კანდიდატის ჯანმრთელობის მდგომარეობას, ფიზიკურ მომზადებას, განათლებასა და საქმიან თვისებებს.“.

2. 27-ე მუხლის შემდეგ დაემატოს შემდეგი შინაარსის 27² მუხლი:

„მუხლი 27². შიდა სპეციალური კონკურსი

1. სამინისტრო ან სსიპ-ი, მისი ორგანიზაციული განვითარების მიზნით, უფლებამოსილია გამოაცხადოს შიდა სპეციალური კონკურსი სამინისტროს ან სსიპ-ის ვაკანტურ თანამდებობაზე (გარდა ამ წესის 75-ე მუხლის პირველი პუნქტით გათვალისწინებული თანამდებობებისა).

2. შიდა სპეციალურ კონკურსში მონაწილეობის უფლება აქვს სამინისტროს სისტემის მოსამსახურეს.

3. შიდა სპეციალურ კონკურსს ატარებს ის სპეციალური საკონკურსო კომისია, რომლის კომპეტენციასაც წარმოადგენს დანაყოფში არსებულ ვაკანტურ თანამდებობაზე პირის შერჩევა.

4. თუ ამ მუხლით სხვა რამ არ არის გათვალისწინებული, შიდა სპეციალური კონკურსი მოიცავს კონკურსის იმავე ეტაპებსა და წესებს, რაც ამ წესით არის დადგენილი დანაყოფში არსებული ვაკანტური თანამდებობის დასაკავებლად.

5. შიდა სპეციალურ კონკურსში მონაწილე კანდიდატი, არ ექვემდებარება ამ წესის 26-ე მუხლის პირველი პუნქტის „დ“-„ვ“ ქვეპუნქტებით გათვალისწინებული ეტაპების გავლას, თუ მას დადგენილი წესით გავლილი აქვს აღნიშნული ეტაპები და მათი გავლიდან არ არის გასული ერთი წელი და მეტი.

6. შიდა სპეციალური კონკურსის შესაბამისი ეტაპების წარმატებით გავლის შემთხვევაში, ამ მუხლის მე-3 პუნქტით გათვალისწინებული კომისია იღებს გადაწყვეტილებას, კანდიდატის სპეციალური წოდებით ან საჯარო მოხელედ/სამოქალაქო პირად თანამდებობაზე დანიშვნის შესახებ.

7. შიდა სპეციალური კონკურსი ჩაითვლება ჩაშლილად, თუ მასში მონაწილეობის მისაღებად არ იქნა წარდგენილი არც ერთი განცხადება/აპლიკაცია ან ვერცერთმა კანდიდატმა ვერ გადალახა შიდა კონკურსის ეტაპები.

8. შიდა სპეციალური კონკურსის გამოცხადების შესახებ ინფორმაცია თავსდება სამინისტროს შიდა საინფორმაციო პორტალზე.“.

მუხლი 2

ეს ბრძანება ამოქმედდეს გამოქვეყნებისთანავე.

საქართველოს შინაგან საქმეთა მინისტრი

ვახტანგ გომელაური

ხშირად დასმული კითხვები

მოქმედებს თუ არა „საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე?: დიახ, საქართველოს მინისტრის ბრძანება „საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე ამჟამად ძალაშია. ბოლო კონსოლიდირებული რედაქცია — 01.09.2020.
როდის იქნა მიღებული „საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე?: „საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე მიღებულია 01.09.2020. მიმღები ორგანო — საქართველოს შინაგან საქმეთა მინისტრი. დოკუმენტის ნომერი — №131. სარეგისტრაციო კოდი — 140130000.22.034.017060.
რამდენი მუხლისგან შედგება „საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე?: დოკუმენტი შედგება 2 მუხლისგან. თითოეული მუხლი ხელმისაწვდომია ცალკე ბმულით.
სად არის „საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე-ის ოფიციალური ტექსტი?: ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 01.09.2020 მდგომარეობით.

როგორ დავიმოწმოთ

საქართველოს მინისტრის ბრძანება „საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე, №131, 01.09.2020, სარეგისტრაციო კოდი 140130000.22.034.017060 (კონსოლიდირებული რედაქცია 01.09.2020). ხელმისაწვდომია: https://legali.ge/law/4982628/