“2000 წლის საპრეზიდენტო არჩევნებში პრეზიდენტობის კანდიდატის მხარდამჭერთა სიაში ხელმოწერათა ნამდვილობის შემოწმების წესის შესახებ”

სახელმწიფო სარეგისტრაციო კოდი                           010.008.004.336

საქართველოს ცენტრალური საარჩევნო კომისიის

დადგენილება №18/2000

2000 წლის 10 თებერვალი

ქ. თბილისი

2000 წლის საპრეზიდენტო არჩევნებში პრეზიდენტობის კანდიდატის მხარდამჭერთა სიაში ხელმოწერათა ნამდვილობის შემოწმების წესის შესახებ

საქართველოს ცენტრალური საარჩევნო კომისია ადგენს:

1. ბათილად იქნეს ცნობილი არჩევნებში პრეზიდენტობის კანდიდატის მხარდამჭერთა სიებში ხელმოწერა, თუ:

ა) სახელი და გვარი არასრულადაა მოცემული;

ბ) მითითებული არა აქვს დაბადების წელი. 1982 წელს დაბადებულ პირს დამატებით მითითებული არ აქვს დაბადების თვე და რიცხვი;

გ) მითითებული არ არის ან არასწორად არის მითითებული საქართველოს მოქალაქის პირადობის მოწმობის, ან პასპორტის, ან პირადი ნომერი, ანდა ყოფილი საბჭოთა კავშირის სიმბოლიკიანი პასპორტის სერია და ნომერი;

დ) სრულად არ არის მითითებული მისამართი (დასახლებული პუნქტი, ქუჩა, სახლისა და ბინის ნომერი);

ე) ხელმოწერის თარიღი არ ემთხვევა მხარდამჭერთა სიების ფორმათა წარმოდგენის იმ ვადას, რომელიც განსაზღვრულია „საქართველოს პარლამენტის არჩევნების შესახებ“ საქართველოს ორგანული კანონით;

ვ) აკლია მხარდამჭერის ხელმოწერა.

2. ბათილად იქნეს ცნობილი მთელი ფურცელი, თუ:

არ არის ხელმოწერის შეგროვებაზე პასუხისმგებელი პირის სრული მონაცემი.

3. ეს დადგენილება ამოქმედდეს გამოქვეყნებისთანავე.

კომისიის თავმჯდომარე                                                                                         ჯ.  ლომინაძე