„ქალაქ რუსთავის მუნიციპალიტეტის ტერიტორიაზე სასაფლაოების მოწყობისა და მოვლა-პატრონობის წესის დამტკიცების შესახებ“ ქალაქ რუსთავის მუნიციპალიტეტის საკრებულოს 2015 წლის 17 ივლისის №97 დადგენილებაში ცვლილების შეტანის თაობაზე

1.1 წესის მე-4 მუხლის მე-2 პუნქტი ჩამოყალიბდეს შემდეგი რედაქციით:

„2. ჭირისუფლის მიერ სასაფლაოების მმართველი ორგანიზაციისთვის მიმართვის შემდეგ გაიცემა საფლავი შემდეგი საფასურის გადახდის შემთხვევაში:

ა)   ერთადგილიანი – 50 ლარი;

ბ)   ორადგილიანი – 100 ლარი;

გ)   სამადგილიანი – 200 ლარი;

დ)  ოთხადგილიანი – 300 ლარი;

ე)  ერთი ადგილის მომატება – 150 ლარი;

ვ) სამარხზე მომსახურება  (მიწის გათხრის სამუშაოები) –  120 ლარი.“

1.2 წესის მე-4 მუხლს დაემატოს 2¹ და 2² პუნქტები და ჩამოყალიბდეს შემდეგი რედაქციით:

„2¹.ათზე მეტ ადგილიანი საფლავის შეძენის სურვილის შემთხვევაში მუნიციპალიტეტის მიერ განსაზღვრული ორგანიზაცია მომართავს  ქალაქ რუსთავის მუნიციპალიტეტის მერიას შეთანხმების მიზნით.“

„2². მუნიციპალიტეტის მხარდაჭერით სარიტუალო მომსახურების შეღავათით სარგებლობა შესაძლებელია ქალაქ რუსთავის მუნიციპალიტეტის ბიუჯეტით გათვალისწინებული სოციალური უზრუნველყოფის ქვეპროგრამების განხორციელების წესების დამტკიცების შესახებ“ ქალაქ რუსთავის მუნიციპალიტეტის საკრებულოს 2018 წლის 24 დეკემბრის №85 დადგენილების პირველი მუხლით დამტკიცებული „სარიტუალო მომსახურებები“ (პროგრამული კოდი 06 02 02) ქვეპროგრამის განხორციელების წესის“ შესაბამისად.“.