შეზღუდული შესაძლებლობების მქონე პირთა საკითხებზე მომუშავე საბჭოს დებულების დამტკიცების შესახებ

შეზღუდული შესაძლებლობების მქონე პირთა საკითხებზე მომუშავე საბჭოს დებულების დამტკიცების შესახებ ლენტეხის მუნიციპალიტეტის საკრებულოს დადგენილება №9 2021 წლის 21 მაისი დაბა ლენტეხი შეზღუდული შესაძლებლობების მქონე პირთა საკითხებზე მომუშავე საბჭოს დებულების დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსი“ მე-16-ე მუხლის მე-2 პუნქტის „უ“ ქვეპუნქტის, 61-ე მუხლის მე-2 პუნქტის, „შეზღუდული შესაძლებლობის მქონე პირთა უფლებების შესახებ“ საქართველოს კანონის და ნორმატიული აქტების შესახებ  საქართველოს ორგანული კანონის 25-ე მუხლის პირველი პუნქტის შესაბამისად,ლენტეხის მუნიციპალიტეტის საკრებულო ადგენს: მუხლი 1🔗 დამტკიცდეს შეზღუდული შესაძლებლობების მქონე პირთა საკითხებზე მომუშავე საბჭოს დებულება დანართი №1-ის შესაბამისად. მუხლი 2🔗 ძალადაკარგულად გამოცხადდეს ლენტეხის მუნიციპალიტეტის საკრებულოს „შეზღუდული შესაძლებლობების  მქონე პირთა საკითხებზე მომუშავე საბჭოს  დებულების დამტკიცების შესახებ“ 2016 წლის 28 ნოემბრის  №25 დადგენილება.  მუხლი 3🔗 დადგენილება ამოქმედდეს გამოქვეყნებისთანავე. ლენტეხის მუნიციპალიტეტის საკრებულოს თავმჯდომარეგიორგი გაზდელიანი დანართი 1 შეზღუდული შესაძლებლობების მქონე პირთა საკითხებზე მომუშავე საბჭოს  დებულება მუხლი 1🔗. ზოგადი დებულებები შეზღუდული შესაძლებლობების მქონე პირთა საკითხებზე მომუშავე საბჭო (შემდგომში – საბჭო) წარმოადგენს ლენტეხის მუნიციპალიტეტის მერის სათათბირო ორგანოს, რომელიც თავისი კომპეტენციის ფარგლებში განიხილავს ლენტეხის მუნიციპალიტეტში შეზღუდული შესაძლებლობების მქონე (შემდგომში – შშმ) პირთა ღირსეული თანაცხოვრებისა და თანაბარი შესაძლებლობების უზრუნველყოფისათვის აუცილებელი პირობების შექმნის საკითხებს. მუხლი 2🔗. საბჭოს საქმიანობის სამართლებრივი საფუძვლები საბჭო ხელმძღვანელობს საქართველოს კონსტიტუციით, საერთაშორისო ხელშეკრულებებითა და შეთანხმებებით, საქართველოს ორგანული კანონით „ადგილობრივი თვითმმართველობის კოდექსი“ „შეზღუდული შესაძლებლობების მქონე პირთა სოციალური დაცვის შესახებ“ საქართველოს კანონით, ამ დებულებით და სხვა სამართლებრივი აქტებით. მუხლი 3🔗. საბჭოს შემადგენლობა 1. საბჭო შედგება 7( შვიდი)  წევრისაგან. 2. საბჭოს თავმჯდომარეა ლენტეხის მუნიციპალიტეტის მერი. 3. საბჭოს წევრთა შემადგენლობას განსაზღვრავს ლენტეხის მუნიციპალიტეტის მერი. 4. საბჭოს ჰყავს თავმჯდომარის  მოადგილე, რომელიც არის სოციალური საკითხების კურატორი – ლენტეხის მუნიციპალიტეტის მერის მოადგილე. თავმჯდომარის არ ყოფნის შემთხვევაში, მის უფლება-მოვალეობებს  ასრულებს თავმჯდომარის მოადგილე. 5. საბჭოს შემადგენლობაში თავმჯდომარისა და პირველი მოადგილის გარდა, შედიან: ა) ლენტეხის მუნიციპალიტეტის მერის სოციალური და ჯანმრთელობის დაცვის სამსახურის უფროსი; ბ) სპორტის   ახალგაზრდობისა და ტურიზმის განვითარების განყოფილების უფროსი; გ) სოციალური დაცვის  განყოფილების  უფროსი; დ) შეზღუდული შესაძლებლობების  მქონე პირის წარმომადგენელი; ე)  შეზღუდული შესაძლებლობების  მქონე პირის წარმომადგენელი.   6. საბჭოს ჰყავს მდივანი, რომელიც არ არის საბჭოს წევრი. 7. საბჭოს სხდომებს ორგანიზებას უწევს საბჭოს მდივანი. 8. საბჭოს მდივანს ნიშნავს და ათავისუფლებს საბჭოს თავმჯდომარე. 9. საბჭოს აქვს უფლება მოიწვიოს სპეციალისტები და ექსპერტები, განსახილველი საკითხის სპეციფიკიდან გამომდინარე, სამუშაო პროცესში მონაწილეობის მისაღებად, სათათბირო ხმის გარეშე. 10. საბჭოს წევრების უფლებამოსილების შეწყვეტის საფუძველია პირადი განცხადება ან/ და ამ დებულების მე-9 მუხლის მე-4 პუნქტით გათვალისწინებული შემთხვევა. მუხლი 4🔗. საბჭოს ამოცანები 1.საბჭოს ამოცანებია: ა) ლენტეხის მუნიციპალიტეტში შეზღუდული შესაძლებლობების მქონე პირთა საკითხებზე ერთიანი პოლიტიკის შემუშავება, დანერგვა და კოორდინაცია; ბ) კომპეტენციის ფარგლებში  დაიცვას შშმ პირთა უფლებები და არ დაუშვას ამ ნიშნით მათი დისკრიმინაცია; გ) ხელი შეუწყოს შშმ პირთა ღირსეულ თანაცხოვრებას და ამ მიზნით შეიმუშაოს შესაბამისი წინადადებები, გეგმები და ა.შ.; დ) ითანამშრომლოს არასამთავრობო და სამთავრობო სექტორთან შშმ პირთა უფლებების დაცვისა და თანაბარი შესაძლებლობების  უზრუნველყოფის მიზნით; ე) შეიმუშაოს შესაბამისი წინადადებები შშმ პირებისათვის შესაბამისი ინკლუზიური გარემოს შესაქმნელად; ვ) ხელი შეუწყოს შშმ პირთა შრომითი, საგანმანათლებლო, სოციალური და სხვა ხასიათის უფლებების რეალიზებას; ზ) ხელი შეუწყოს შშმ პირთა (მათი წარმომადგენელი ორგანიზაციების)  მონაწილეობას  იმ საკითხებზე გადაწყვეტილების მიღებისას, რომელმაც შეიძლება გავლენა მოახდინოს თანაბარი შესაძლებლობების უზრუნველყოფაზე. მუხლი 5🔗. საბჭოს უფლებამოსილება 1.საბჭოს უფლებამოსილებას განეკუთვნება: ა) რეკომენდაციების შემუშავება შშმ პირთა უფლებების დაცვისა და თანაბარი შესაძლებლობების უზრუნველყოფის მიზნით; ბ) ლენტეხის მუნიციპალიტეტის მერიის შესაბამისი სტრუქტურული ერთეულების და არასამთავრობო ორგანიზაციების აქტიურად ჩაბმის უზრუნველყოფა შშმ პირთა ინტეგრაციის კუთხით; გ) არასამთავრობო და დონორი ორგანიზაციების  მოზიდვა არსებული პროექტების დაფინანსებისა და ხელშეწყობის მიზნით; დ) ლენტეხის მუნიციპალიტეტის მერიის შესაბამის სტრუქტურულ ერთეულებთან ერთად შშმ პირთა საცხოვრებელი, სატრანსპორტო  საზოგადოებრივი, და სხვა საკითხების გადასაჭრელად რეკომენდაციების განხილვა მიღება; ე) შშმ პირთა სოციალურ-საყოფაცხოვრებო, მათ შორის სურსათ სანოვაგით და საყოფაცხოვრებო მოხმარების  საგნებით  უზრუნველყოფის საკითხების გადაჭრისათვის რეკომენდაციების მომზადება შესაბამის სტრუქტურულ ერთეულებთან ერთად; ვ) შშმ პირთა და მათ მიერ შექმნილი საზოგადოებრივი გაერთიანების გაძლიერებისა და განვითარების ხელშეწყობა; ზ) შესაბამის სტრუქტურულ ერთეულებთან და არასამთავრობო ორგანიზაციებთან და ერთად შშმ  პირთათვის შესაბამისი სპორტის სახეობების დანერგვისა და პარაოლიმპიური  მოძრაობის განვითარებისათვის ხელშეწყობა; თ) შშმ პირთათვის საგანმანათლებლო ღონისძიებების გატარებასა და მათ დანერგვაში ხელშეწყობა; ი) შშმ  პირებთან დაკავშირებით ლენტეხის მუნიციპალიტეტში არსებული მდგომარეობის შესწავლა და ანალიზი; კ) შშმ პირებთან  დაკავშირებით  ლენტეხის მუნიციპალიტეტის მერის  კონსულტირება; ლ) შშმ პირებთან დაკავშირებით სტრატეგიული და სხვა სახელმძღვანელო  დოკუმენტების, ერთიანი წესების, პირობების არსებული ვითარებისა და მისი გაუმჯობესების ღონისძიებათა შესახებ საკითხებისა და რეკომენდაციების შემუშავება  და ლენტეხის მუნიციპალიტეტის მერისათვის  წარდგენა; მ) შშმ პირებთან დაკავშირებული პროგრამების  რეალიზაციის მონიტორინგი, შეფასება ზედამხედველობა და კორდინაცია; ნ) შშმ  პირებთან  დაკავშირებით  მომზადებული ლენტეხის მუნიციპალიტეტის საკრებულოს ნორმატიული აქტების  პროექტების განხილვა და დასკვნების მომზადება. 2. ამ მუხლის პირველი პუნქტით  გათვალისწინებული ფუნქციების განსახორციელებლად საბჭოს უფლება აქვს გამოითხოვოს სახელმწიფო დაწესებულებებიდან, არასამთავრობო ორგანიზაციებიდან, ლენტეხის მუნიციპალიტეტის მერიის სტრუქტურული ერთეულებიდან ოფიციალური მონაცემები და დოკუმენტები. მუხლი 6🔗. საბჭოს თავმჯდომარის უფლებამოსილება 1. საბჭოს თავმჯდომარე ა) ხელმძღვანელობს საბჭოს მუშაობას,  იწვევს და უძღვება( მორიგ და რიგგარეშე) სხდომებს; ბ) წარმოადგენს   საბჭოს და საბჭოს სახელით აწარმოებს  მიმოწერას; გ) დავალებებს აძლევს საბჭოს ცალკეულ წევრებს; დ) ამტკიცებს საბჭოს სხდომის დღის წესრიგს და სამუშაო გეგმას; ე) ულებამოსილია თავმჯდომარის  მოადგილეზე მოახდინოს ცალკეული უფლებამოსილებების დელეგირება. მუხლი 7🔗. საბჭოს თავმჯდომარის მოადგილე 1. თავმჯდომარის არყოფნის შემთხვევაში  ახორციელებს  მის უფლებამოსილებას. 2. კანონმდებლობის  შესაბამისად ასრულებს თავმჯდომარის ცალკეულ დავალებებს. 3. ამ დებულებიდან გამომდინარე, ახორციელებს სხვა  უფლება-მოვალეობებს. მუხლი 8🔗. საბჭოს მდივანი 1. პასუხისმგებელია  საბჭოს სხდომის ოქმის  სწორად და ზუსტად  შედგენაზე, სხდომათა მასალების შენახვისა და დაცვაზე; 2. საბჭოს წევრებს წარუდგენს განსახილველი  საკითხების ნუსხას; 3. საბჭოზე განსახილველ საკითხთა ჩამონათვალს ურიგებს საბჭოს  წევრებს  და უწევს კონტროლს დოკუმენტაციის შეგროვებასა და  დამუშავებას; 4. აწარმოებს საბჭოს სხდომების საოქმო დოკუმენტაციას; 5. ახორციელებს საჭოს დებულებით გათვალისწინებულ და მინიჭებულ სხვა უფლებამოსილებას. მუხლი 9🔗. საბჭოს წევრის უფლებამოსილება 1. საბჭოს წევრს უფლება აქვს: ა) საბჭოს სხდომაზე  წამოაყენოს საკითხი და წინადადებები, მიიღოს მონაწილეობა  მათ განხილვასა და კანჭისყრაში; ბ) წერილობით აცნობოს საბჭოს თავმჯდომარეს თავისი პოზიცია იმ საკითხებთან დაკავშირებით, რომელზეც მისი აზრი  პრინციპულად განსხვავდება საბჭოს სხდომაზე მიღებული წინადადებების, დასკვნის  ან რეკომენდაციისაგან; გ) საბჭოს გადაწყვეტილებით იყოს მისი  ოფიციალური  წარმომადგენელი; დ) პირადი განცხადების საფუძველზე უარი თქვას საბჭოს წევრობაზე. 2. საბჭოს წევრი ვალდებულია: ა) მონაწილეობა მიიღოს საბჭოს სხდომებში და  არ გამოტოვოს სხდომები არასაპატიო მიზეზით; ბ) შეასრულოს საბჭოს დავალებები  და დაიცვას ამ დებულებით განსაზღვრული მოთხოვნები; გ) წარუდგინოს საბჭოს ანგარიში  მისთვის დაკისრებული  დავალებების შესრულების შესახებ. 3. საბჭოს წევრს შეიძლება მიეცეს აცილება საკითხის განხილვაში მონაწილეობისაგან, თუ ცნობილი გახდა ან დადასტურდა მისი პირდაპირი ან ირიბი, კერძო ან უწყებრივი დაინტერესება  საბჭოში განსახილველ საკითხთან დაკავშირებით. 4. საბჭოს წევრის უფლებამოსილების შეწყვეტის საფუძველია თუ: ა) თუ იგი ზედიზედ 3-ჯერ გააცდენს სხდომას არასაპატიო მიზეზით; ბ) მის მიმართ კანონიერ ძალაში შევიდა  საბოლოო ინსტანციის სასამართლოს გამამტყუნებელი განაჩენი ან გავიდა კანონიერ ძალაში შესული სასამართლოს გამამტყუნებელი განაჩენის ზემდგომი ინსტანციის სასამართლოში გასაჩივრების ვადა; გ) სასამართლომ აღიარა ქმედუუნაროდ ან უგზო-უკვლოდ დაკარგულად ან გამოაცხადა გარდაცვლილად; დ) გარდაიცვალა. მუხლი 10🔗.  საბჭოს სხდომები  1. საბჭოს სხდომები იმართება ორ თვეში ერთხელ ან საჭიროებისამებრ. 2. საბჭოს სხდომის ორგანიზებისა და მისი მიმდინარეობის წესი განისაზღვრება საქართველოს ზოგადი ადმინისტრაციული კოდექსის შესაბამისად. 3. საბჭოს  სხდომაზე  მოწვეული უნდა იქნეს მისი ყველა წევრი. 4. საბჭოზე არ შეიძლება განხილულ იქნეს საკითხი, გარდა შიდა საორგანიზაციო და საპროცედურო საკითხებისა, თუკი ასეთი წინასწარ არ არის შეტანილი საბჭოს წევრებთან შეთანხმებულ დღის წესრიგში. 5. საბჭოს წევრს უფლება აქვს სხდომის დაწყების წინ წერილობით წარუდგინოს თავისი პოზიცია თავმჯდომარეს სხდომაზე განსახილველ საკითხებთან დაკავშირებით. 6. საბჭოს სხდომა ფორმდება ოქმის სახით, რომელშიც უნდა მიეთითოს; ა) ოქმის გამომცემი ორგანოს დასახელება. ბ) სხდომის დრო და ადგილი; გ) სხდომის თავმჯდომარის  და წევრების ვინაობა; დ) განხილვის საგანი; ე) კენჭისყრის შედეგები; ვ) მიღებული გადაწყვეტილება; ზ) განსხვავებული მოსაზრება, ასეთის არსებობის შემთხვევაში. 7. სხდომის ოქმს ხელმოწერით ადასტურებენ სხდომის თავმჯდომარე და საბჭოს მდივანი. 8. საბჭოს სხდომაზე ხდება დამსწრეთა რეგისტრაცია. საბჭოს გადაწყვეტილება უნარიანია, თუ მას ესწრება წევრთა ნახევარზე მეტი გადაწყვეტილება მიიღება დამსწრეთა ხმების უმრავლესობით. ხმების თანაბრად განაწილებისას გადამწყვეტია საბჭოს  თავმჯდომარის ხმა. 9. საბჭო იღებს გადაწყვეტილებებს, რომელიც სარეკმენდაციო ხასიათისაა. მუხლი 11🔗. საბჭოს დებულებაში ცვლილებების შეტანა შეზღუდული შესაძლებლობების მქონე პირთა საკითხებზე მომუშავე საბჭოს დებულებაში ცვლილებების შეტანის შესახებ გადაწყვეტილებას (დადგენილებას) მერის (საბჭოს თავმჯდომარის) წარდგინების  საფუძველზე იღებს ლენტეხის მუნიციპალიტეტის საკრებულო).