ბუნებრივი გაზის გატარების ტარიფის დადგენის მიზნით წარმოსადგენი სატარიფო განაცხადის ფორმის დამტკიცების შესახებ

ბუნებრივი გაზის გატარების ტარიფის დადგენის მიზნით წარმოსადგენი სატარიფო განაცხადის ფორმის დამტკიცების შესახებ საქართველოს ეკონომიკისა და მდგრადი განვითარების სამინისტრო საჯარო სამართლის იურიდიული პირის  – ნავთობისა და გაზის სახელმწიფო სააგენტოს უფროსის ბრძანება №11/040 2021 წლის 7 ივნისი ქ. თბილისი ბუნებრივი გაზის გატარების ტარიფის დადგენის მიზნით წარმოსადგენი სატარიფო განაცხადის ფორმის დამტკიცების შესახებ „ნავთობისა და გაზის შესახებ“ საქართველოს კანონის 25​4 მუხლისა და „ნორმატიული აქტების შესახებ“ საქართველოს ორგანული კანონის მე-14 მუხლის საფუძველზე, ვბრძანებ: 1. ბუნებრივი გაზის გატარების ტარიფის დადგენის მიზნით დამტკიცდეს სატარიფო განაცხადის ფორმა დანდართული დანართი №1-ის სახით;  2. დამტკიცდეს ბუნებრივი გაზის ტრანსპორტირების ლიცენზიანტის სატარიფო განაცხადის ფინანსური ანგარიშის ფორმები თანდართული სახით:  ა) საწარმოს რეკვიზიტები – დანართი №2; ბ) ინფორმაცია საწარმოს შესახებ – დანართი №3; გ) ფინანსური მონაცემები (მოგება-ზარალის ანგარიშგება, საბუღალტრო ბალანსი, ფულადი სახსრების მოძრაობის ანგარიშგება, კაპიტალის მოძრაობის ანგარიშგება, აქტივების ბაზა) – დანართი №4; დ) ფაქტობრივი და დაგეგმილი ინვესტიციები – დანართი №5; ე) ბუნებრივი გაზის ბალანსი და კომერციული მონაცემები – დანართი №6. 3. დამტკიცდეს სატარიფო განაცხადთან წარმოსადგენი დოკუმენტების ჩამონათვალი, თანდართული დანართი №7-ის სახით. 4. ბრძანება ამოქმედდეს გამოქვეყნებისთანავე. სააგენტოს უფროსიგიორგი ტატიშვილი