„გორის მუნიციპალიტეტის მერიის პირველადი სტრუქტურული ერთეულის – სოციალური და ჯანდაცვის სამსახურის დებულების დამტკიცების შესახებ“ გორის მუნიციპალიტეტის საკრებულოს 2017 წლის 14 ნოემბრის №18 დადგენილებაში ცვლილების შეტანის თაობაზე

ა) დადგენილებით დამტკიცებული დებულების მე-5 მუხლს დაემატოს „ვ¹“ ქვეპუნქტი შემდეგი რედაქციით:

„ვ¹. „სოციალური მუშაობის შესახებ“ საქართველოს კანონის 56-ე მუხლის შესაბამისად  მუნიციპალიტეტისათვის დელეგირებულ უფლებამოსილებათა ფარგლებში სოციალური მუშაობის ჩატარებას, კოორდინაციას და ადმინისტრირებას.“

ბ) დადგენილებით დამტკიცებული დებულების მე-7 მუხლს დაემატოს „ვ¹“ ქვეპუნქტი შემდეგი რედაქციით:

„ვ¹. სოციალური საფრთხის წინაშე მყოფი პირების აქტიურ იდენტიფიცირებას, მათი საჭიროებების განსაზღვრასა და შეფასებას, პრობლემის იდენტიფიცირებას და შესაბამისი დარგობრივი დაწესებულებისთვის ინფორმაციის მიწოდებას;“

გ) დადგენილებით დამტკიცებული დებულების მე-7 მუხლს დაემატოს „ვ²“ ქვეპუნქტი შემდეგი რედაქციით:

„ვ². საქართველოს კანონმდებლობით გათვალისწინებულ შემთხვევებში, როდესაც აუცილებელია საფრთხის თავიდან აცილება, ბენეფიციართა საქართველოს კანონმდებლობით გათვალისწინებულ სოციალურ მომსახურებებში ჩართვას და ამის შესახებ შესაბამისი ორგანოსთვის დაუყოვნებლივ შეტყობინებას;“

დ) დადგენილებით დამტკიცებული დებულების მე-7 მუხლს დაემატოს „ვ³“ ქვეპუნქტი შემდეგი რედაქციით:

„ვ³. ოჯახში ძალადობის ფაქტის იდენტიფიცირებას და მასზე შესაბამის რეაგირებას.“

ე) დადგენილებით დამტკიცებული დებულების მე-7 მუხლს დაემატოს „ვ⁴“ ქვეპუნქტი შემდეგი რედაქციით:

„ვ4. ბენეფიციარებისათვის შესაბამისი სოციალური, სამედიცინო, შეღავათიანი მომსახურებების თაობაზე ინფორმაციის მიწოდებას და მათში ჩართვის ხელშეწყობას;“

ვ) დადგენილებით დამტკიცებული დებულების მე-7 მუხლს დაემატოს „ვ⁵“ ქვეპუნქტი შემდეგი რედაქციით:

„ვ5. მიზნობრივი ჯგუფებისა და მათი ოჯახებისათვის შესაბამისი აუცილებელი ინფორმაციის მიწოდებას და კონსულტაციის გაწევას;“

ზ) დადგენილებით დამტკიცებული დებულების მე-7 მუხლს დაემატოს „ვ⁶“ ქვეპუნქტი შემდეგი რედაქციით:

„ვ6.  ადრეული და სკოლამდელი აღზრდის დაწესებულებებში სოციალური მუშაობის ჩატარებას;“

თ) დადგენილებით დამტკიცებული დებულების მე-7 მუხლს დაემატოს „ვ⁷“ ქვეპუნქტი შემდეგი რედაქციით:

„ვ7. საქართველოს ორგანული კანონით „ადგილობრივი თვითმმართველობის კოდექსი“ დადგენილი დელეგირებული უფლებამოსილებების ფარგლებში სოციალური მუშაობის ჩატარებას.“.