„დაგროვებითი საპენსიო სქემის სპეციალიზებული დეპოზიტარის მარეგულირებელი წესის დამტკიცების თაობაზე“ საქართველოს ეროვნული ბანკის პრეზიდენტის 2018 წლის 30 ნოემბრის №259/04 ბრძანებაში ცვლილების შეტანის შესახებ

საქართველოს ეროვნული ბანკის პრეზიდენტის

2021 წლის 16 სექტემბერი

ქ. თბილისი

ა) მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) უნდა უზრუნველყოს, საქართველოს კანონმდებლობით განსაზღვრული მოთხოვნების შესაბამისად, საპენსიო აქტივების მიღება და შენახვა;“;

ბ) მე-2 პუნქტს დაემატოს შემდეგი შინაარსის „ა¹“ ქვეპუნქტი:

„ა¹) უნდა შეამოწმოს და დაადასტუროს, რომ ყველა საპენსიო აქტივი სწორად არის რეგისტრირებული დაგროვებითი საპენსიო სქემის ან სქემის სახელით/სასარგებლოდ მოქმედი საპენსიო სააგენტოს/აქტივების მმართველი კომპანიის სახელზე; სპეციალიზებული დეპოზიტარი ვალდებულია აწარმოოს ყველა საპენსიო აქტივის აღრიცხვა (რეესტრის წარმოება) და შესაბამისი ჩანაწერების განახლება;“;

გ) მე-2 პუნქტის შემდეგ დაემატოს შემდეგი შინაარსის „2¹“ პუნქტი:

„2¹. საქართველოს ეროვნული ბანკის წინასწარი თანხმობის საფუძველზე, ცალკეულ საპენსიო აქტივებზე შესაძლებელია არ გავრცელდეს ამ მუხლის მე-2 პუნქტის „ა“ ქვეპუნქტით გათვალისწინებული მოთხოვნა. აღნიშნულის მიუხედავად, სპეციალიზებული დეპოზიტარი ვალდებულია შეამოწმოს და დაადასტუროს, რომ ასეთი აქტივები სწორად არის რეგისტრირებული დაგროვებითი საპენსიო სქემის ან სქემის სახელით/სასარგებლოდ მოქმედი საპენსიო სააგენტოს/აქტივების მმართველი კომპანიის სახელზე და აწარმოოს მათი რეესტრი ამ მუხლის მე-2 პუნქტის „ა¹“ ქვეპუნქტის შესაბამისად.“;

დ) მე-4 პუნქტი ჩამოყალიბდეს შემდეგი რედაქციით:

„4. სპეციალიზებულმა დეპოზიტარმა უნდა უზრუნველყოს, რომ არ  მოხდეს  საპენსიო აქტივების  გასხვისება  ან გადაცემა  სპეციალიზებული  დეპოზიტარის ჩართულობის/ინფორმირებულობის გარეშე;  აგრეთვე,  მან მუდმივად  უნდა  ამოწმოს საპენსიო სააგენტოსა და აქტივების მმართველი კომპანიის არსებულ  ჩანაწერებსა და საკუთარ ჩანაწერებს შორის შესაბამისობა.“.