“საქართველოს საფოსტო მარკების მიმოქცევაში გაშვების შესახებ”

სახელმწიფო სარეგისტრაციო კოდი 320.110.000.11.115.004.956

საქართველოს ტრანსპორტისა და კომუნიკაციების მინისტრის

ბრძანება№77

2001 წლის 3 სექტემბერი

ქ. თბილისი

საქართველოს საფოსტო მარკების მიმოქცევაში გაშვების შესახებ

„კავშირგაბმულობისა და ფოსტის შესახებ” საქართველოს კანონის მე-12 მუხლის, საქართველოს პრეზიდენტის 2000 წლის 29 ივნისის №279 ბრძანებულებით დამტკიცებულ, “საქართველოს ტრანსპორტისა და კომუნიკაციების სამინისტროს დებულების” მე-4 მუხლის მე-2 პარაგრაფის „თ” ქვეპუნქტის და საქართველოს კავშირგაბმულობისა და ფოსტის მინისტრის 1999 წლის 24 მარტის №01/27 ბრძანებით დამტკიცებული ,,საქართველოს საფოსტო საგადასახადო ნიშნების შესახებ დებულების” 1-ლი მუხლის „დ” ქვეპუნქტის შესაბამისად, ვბრძანებ:

1. 2001 წლის 10 სექტემბრიდან დადგენილ და გაშვებულ იქნეს მიმოქცევაში შემდეგი ნიმუშების საქართველოს საფოსტო მარკები:

ა. რიწის ტბა 1 მარკა – ავტორი ბ. ქობლიანიძე; ბეჭდვა ოფსეტური; მრავალფეროვანი; ზომა 29X42 მმ; ნომინალური ღირებულება 0,4 ლარი; მარკის ტირაჟი 100 ათასი, აქედან 40 ათს. ბუკლეტების (სასუვენირო ფურცლები) სახით.

ბ. ბორჯომის პარკი 1 მარკა – ავტორი ბ. ქობლიანიძე; ბეჭდვა ოფსეტური; მრავალფეროვანი; ზომა 29X42 მმ; ნომინალური ღირებულება 0,8 ლარი; მარკის ტირაჟი 100 ათასი., აქედან 40 ათს. ბუკლეტების (სასუვენირო ფურცლები) სახით.

2. ბრძანება ძალაში შედის გამოქვეყნების დღიდან.

მ. ადეიშვილი

მარკა №284 მარკა №285

ნომინალი 0,4 ლარი ნომინალი 0,8 ლარი

 

 

 

ბუკლეტი (სასუვენირო ფურცელი)