“საქართველოს ცენტრალური საარჩევნო კომისიის ზოგიერთი დადგენილების ძალადაკარგულად ჩათვლის თაობაზე”

სახელმწიფო სარეგისტრაციო კოდი 010.190.020.13.007.005.000

საქართველოს ცენტრალური საარჩევნო კომისიის

დადგენილება №6/2001

2001 წლის 3 ოქტომბერი

ქ. თბილისი

საქართველოს ცენტრალური საარჩევნო კომისიის ზოგიერთი დადგენილების ძალადაკარგულად ჩათვლის თაობაზე

საქართველოს ცენტრალური საარჩევნო კომისია ადგენს:

ძალადაკარგულად ჩაითვალოს საქართველოს ცენტრალური საარჩევნო კომისიის:

1. 1999 წლის 4 აგვისტოს დადგენილება №22/1999 „არჩევნებში პარლამენტის წევრობის კანდიდატის მხარდამჭერთა სიაში ხელმომწერთა ნამდვილობის შემოწმების წესის შესახებ“

2. 1999 წლის 10 აგვისტოს დადგენილება №25/1999 „საოლქო საარჩევნო კომისიებში კომისიის წევრობის კანდიდატების დანიშვნის თაობაზე მიღებული წარდგინების განხილვის წესის შესახებ“.

3. 1999 წლის 10 აგვისტოს №26/1999 დადგენილება „საოლქო საარჩევნო კომისიების მიერ საუბნო საარჩევნო კომისიებში ვაკანტური ადგილების შევსების წესის შესახებ“.

4. 1999 წლის 17 აგვისტოს დადგენილება №36/1999 „პარტიების (საარჩევნო ბლოკების) მიერ საოლქო და საუბნო საარჩევნო კომისიებში წევრის დანიშვნის თაობაზე მიღებული დოკუმენტების განხილვის წესის შესახებ ინსტრუქციის დამტკიცების თაობაზე“.

5. 1999 წლის 25 აგვისტოს დადგენილება №51/1999 „საარჩევნო კომისიების მუშაობის წესის შესახებ“.

6. 1999 წლის 15 სექტემბრის დადგენილება №77/ 1999 „საარჩევნო ოლქში პარლამენტის წევრობის კანდიდატთა წარდგენის, მათი რეგისტრაციისა და რეგისტრაციაზე უარის თქმის ზოგიერთი ღონისძიებების შესახებ ინსტრუქციის დამტკიცების თაობაზე“.

7. 1999 წლის 4 ოქტომბრის დადგენილება №108/1999 „საქართველოს პარლამენტის 1999 წლის 31 ოქტომბრის არჩევნების მომზადებისა და ჩატარების პერიოდში საარჩევნო კომისიების სხდომებსა და ხმის მისაცემ შენობებში დასწრების უფლების მისაღებად უცხო ქვეყნისა და უცხოეთის საერთაშორისო ორგანიზაციების მეთვალყურეთა რეგისტრაციის წესის შესახებ“.

8. 1999 წლის 4 ოქტომბრის დადგენილება №110/1999 „საქართველოს პარლამენტის წევრობის კანდიდატების რეგისტრაციაში გატარებაზე უარის თქმის კრიტერიუმების დადგენის შესახებ“.

კომისიის თავმჯდომარე

ჯუმბერ ლომინაძე

კომისიის მდივანი

მამუკა კოპალეიშვილი