ქალაქ რუსთავის მუნიციპალიტეტის საკუთრებაში არსებული ქონების პირდაპირი განკარგვის წესის შესაბამისად მოსარგებლესთან გასაფორმებელი ხელშეკრულების ტიპური ფორმების დამტკიცების შესახებ

✨ ჰკითხე AI-ს ამ კანონის შესახებ
მუნიციპალიტეტის საკრებულოს დადგენილება მოქმედი ადგილობრივი მმართველობა მიწა/ქონებარუსთავი
მიღების თარიღი
25.11.2021 ბოლო ცვლილება 20.04.2022
გამომცემი ორგანო
ქალაქ რუსთავის მუნიციპალიტეტი
ნომერი
№278
სარეგისტრაციო კოდი
010260050.35.160.016714
გამოქვეყნების წყარო
matsne.gov.ge , 26/11/2021
🧬 მსგავსი 10
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

ცვლილებები (1)
1
„ქალაქ რუსთავის მუნიციპალიტეტის საკუთრებაში არსებული ქონების პირდაპირი განკარგვის წესის შესაბამისად მოსარგებლესთან გასაფორმებელი ხელშეკრულების ტიპური ფორმების დამტკიცების შესახებ“ ქალაქ რუსთავის მუნიციპალიტეტის საკრებულოს 2021 წლის 25 ნოემბრის N278 დადგენილებაში ცვლილების შეტანის შესახებ
20.04.2022
26.11.2021 20.04.2022

დოკუმენტის ტექსტი

 

ქალაქ რუსთავის მუნიციპალიტეტის საკრებულოს

დადგენილება №278

2021 წლის 25 ნოემბერი

ქ. რუსთავი

ქალაქ რუსთავის მუნიციპალიტეტის საკუთრებაში არსებული ქონების პირდაპირი განკარგვის წესის შესაბამისად მოსარგებლესთან გასაფორმებელი ხელშეკრულების ტიპური ფორმების დამტკიცების შესახებ
საქართველოს ორგანული კანონის „ადგილობრივი თვითმმართველობის კოდექსის“ მე-16 მუხლის მე-2 ნაწილის „ბ“ ქვეპუნქტის და მე-3 ნაწილის, 24-ე მუხლის პირველი ნაწილის „ე.ა“ ქვეპუნქტის, 61-ე მუხლის მე-2 ნაწილის, „საქართველოს სამოქალაქო კოდექსის“, „ნორმატიული აქტების შესახებ საქართველოს კანონის 25-ე მუხლის, „მუნიციპალიტეტის ქონების პრივატიზების, სარგებლობისა და მართვის უფლებებით გადაცემის საპრივატიზებო საფასურის განსაზღვრის და ანგარიშსწორების წესების დამტკიცების შესახებ“ საქართველოს მთავრობის 2014 წლის 08 დეკემბრის №669-ე დადგენილების გათვალისწინებით ქალაქ რუსთავის მუნიციპალიტეტის საკრებულო ადგენს:

მუხლი 1
დამტკიცდეს „ქალაქ რუსთავის მუნიციპალიტეტის პირდაპირი განკარგვის წესით გადაცემული სასყიდლიანი სარგებლობის ხელშეკრულების ტიპური ფორმა დანართი N1-ის შესაბამისად.
მუხლი 2
დამტკიცდეს „ქალაქ რუსთავის მუნიციპალიტეტის პირდაპირი განკარგვის წესით გადაცემული უსასყიდლო სარგებლობის ხელშეკრულების ტიპური ფორმა დანართი N2-ის შესაბამისად.
მუხლი 3
ამ დადგენილების დანართით დამტკიცებული ხელშეკრულებების ფორმის ტექსტი შესაძლებელია შეიცვალოს მოქმედი კანონმდებლობისა და გადასაცემი ობიექტის თავისებურებათა გათვალისწინებით
მუხლი 4
ამ დადგენილების დანართით დამტკიცებული ხელშეკრულებების ფორმით განსაზღვრული პირობების გარდა, სხვა დამატებითი სახელშეკრულებო პირობები ჩამოყალიბდეს და განისაზღვროს, გასაფორმებელი სარგებლობის ფორმისთვის სამოქალაქო კოდექსით გათვალისწინებული ნორმების/პირობების შესაბამისად, კერძოდ:

ა) აღნაგობის უფლების გაფორმებისას გათვალისწინებული უნდა იქნას საქართველოს სამოქალაქო კოდექსის 233-241 მუხლების ნორმები;

ბ) უზუფრუქტის უფლების გაფორმებისას გათვალისწინებული უნდა იქნას საქართველოს სამოქალაქო კოდექსის 242-246 მუხლების ნორმები;

გ) სერვიტუტის უფლების გაფორმებისას გათვალისწინებული უნდა იქნას საქართველოს სამოქალაქო კოდექსის 247-253 მუხლების ნორმები;

დ) ქირავნობის უფლების გაფორმებისას გათვალისწინებული უნდა იქნას საქართველოს სამოქალაქო კოდექსის 531-575 მუხლების ნორმები;

ე) იჯარის უფლების გაფორმებისას გათვალისწინებული უნდა იქნას საქართველოს სამოქალაქო კოდექსის 581-606 მუხლების ნორმები;

ვ) თხოვების უფლების გაფორმებისას გათვალისწინებული უნდა იქნას საქართველოს სამოქალაქო კოდექსის 615-622 მუხლების ნორმები;

ზ) საქართველოს სამოქალაქო კოდექსით გათვალისწინებული სარგებლობის ურთიერთობის მარეგულირებელი სხვა ნორმები.

მუხლი 5
დადგენილება ამოქმედდეს გამოქვეყნებისთანავე.

ქალაქ რუსთავის მუნიციპალიტეტის საკრებულოს თავმჯდომარის მოვალეობის შემსრულებელინინო ქავთარაძე