„ეროვნული კვალიფიკაციების ჩარჩოსა და სწავლის სფეროების კლასიფიკატორის დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 10 აპრილის №69/ნ ბრძანებაში ცვლილების შეტანის თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
|
საქართველოს განათლებისა და მეცნიერების მინისტრის ბრძანება №102/ნ |
|
2021 წლის 24 დეკემბერი ქ. თბილისი |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ: |
| მუხლი 1 |
„ეროვნული კვალიფიკაციების ჩარჩოსა და სწავლის სფეროების კლასიფიკატორის დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 10 აპრილის №69/ნ ბრძანებაში (www.matsne.gov.ge, სარეგისტრაციო კოდი: 430010000.22.022.017693, 12/04/2019) შეტანილ იქნეს ცვლილება და ბრძანებით დამტკიცებული „სწავლის სფეროების კლასიფიკატორის“ (დანართი №2):
1. მე-4 მუხლის მე-2 პუნქტით გათვალისწინებული ცხრილის მე-2 სვეტს, ზოგადი აღმნიშვნელის – „ბიზნეს ადმინისტრირების მაგისტრის Master of Business Administration/MBA“ შემდეგ, დაემატოს ზოგადი აღმნიშვნელი – „აღმასრულებელი ბიზნეს ადმინისტრირების მაგისტრი Executive Master of Business Administration/EMBA“; 2. მე-4 მუხლის მე-11 პუნქტით გათვალისწინებული ცხრილის „0411 – 0414, 0416, 0418 – 0419“ კოდებით წარმოდგენილ „დეტალურ სფეროებში შემავალი სწავლის სფეროს შესაბამისი კვალიფიკაციის დასახელებების ფორმულირებების“ „ა“ ქვეპუნქტს დაემატოს კვალიფიკაცია „აღმასრულებელი ბიზნეს ადმინისტრირების მაგისტრი დეტალური სწავლის სფეროს მითითებით Executive Master of Business Administration(EMBA) – Field of study“. |
| მუხლი 2 |
ეს ბრძანება ამოქმედდეს გამოქვეყნებისთანავე.
|
|