სსიპ – ანზორ ერქომაიშვილის სახელობის საქართველოს ხალხური სიმღერის ანსამბლ „მართვეს“ დაფუძნების შესახებ

სსიპ – ანზორ ერქომაიშვილის სახელობის საქართველოს ხალხური სიმღერის ანსამბლ „მართვეს“ დაფუძნების შესახებ საქართველოს მთავრობის დადგენილება №227 2022 წლის 27 აპრილი    ქ. თბილისი სსიპ – ანზორ ერქომაიშვილის სახელობის საქართველოს ხალხური სიმღერის ანსამბლ „მართვეს“ დაფუძნების შესახებ მუხლი 1🔗 „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, დაფუძნდეს სსიპ – ანზორ ერქომაიშვილის სახელობის საქართველოს ხალხური სიმღერის ანსამბლი „მართვე“ (შემდგომში – ანსამბლი), სსიპ – საქართველოს ხალხური სიმღერისა და ცეკვის სახელმწიფო აკადემიურ ანსამბლ „რუსთავის“ სტრუქტურული ერთეულის – ანზორ ერქომაიშვილის სახელობის ხელოვნების აკადემია „მართვეს“ ბაზაზე. მუხლი 2🔗 ანსამბლი განისაზღვროს სსიპ – საქართველოს ხალხური სიმღერისა და ცეკვის სახელმწიფო აკადემიურ ანსამბლ „რუსთავის“ უფლებამონაცვლედ, აღნიშნული საჯარო სამართლის იურიდიული პირის სტრუქტურულ ერთეულთან – ანზორ ერქომაიშვილის სახელობის ხელოვნების აკადემია „მართვესთან“ დაკავშირებულ საკითხებში. მუხლი 3🔗 ანსამბლის უფლებამოსილება განისაზღვრება ანსამბლის დებულებით, რომელსაც ამტკიცებს საქართველოს კულტურის, სპორტისა და ახალგაზრდობის მინისტრი. მუხლი 4🔗 საქართველოს კულტურის, სპორტისა და ახალგაზრდობის სამინისტრომ განახორციელოს ანსამბლის სახელმწიფო კონტროლი და უზრუნველყოს ანსამბლის წარმომადგენლობაზე უფლებამოსილი პირის დანიშვნა. მუხლი 5🔗 1. ანსამბლს ფუნქციონირებისათვის გადაეცეს სსიპ – საქართველოს ხალხური სიმღერისა და ცეკვის სახელმწიფო აკადემიურ ანსამბლ „რუსთავის“ სარგებლობაში არსებული/ბალანსზე რიცხული შესაბამისი ქონება, კანონმდებლობით დადგენილი წესით. 2. ანსამბლის 2022 წლის ბიუჯეტი განისაზღვროს სსიპ – საქართველოს ხალხური სიმღერისა და ცეკვის სახელმწიფო აკადემიურ ანსამბლ „რუსთავის“ 2022 წლის საბიუჯეტო ასიგნებებში მისი სტრუქტურული ერთეულის – ანზორ ერქომაიშვილის სახელობის ხელოვნების აკადემია „მართვესათვის“ განკუთვნილი ასიგნებების ოდენობით. მუხლი 6🔗 დადგენილება ამოქმედდეს გამოქვეყნებისთანავე. პრემიერ-მინისტრიირაკლი ღარიბაშვილი