„მაღალი რისკის შემცველი სამედიცინო საქმიანობის ტექნიკური რეგლამენტის დამტკიცების თაობაზე“ საქართველოს მთავრობის 2010 წლის 22 ნოემბრის №359 დადგენილებაში ცვლილების შეტანის შესახებ

„1

ინფრასტრუქტურა და საშუალებები პირადი ჰიგიენის დაცვისთვის, შენობის დასუფთავებისა და დეზინფექციისათვის (წყალმომარაგება, საპირფარეშო, ჰიგიენისა და სადეზინფექციო საშუალებების მარაგი)   

ა) ინფრასტრუქტურის მიმართ მოთხოვნები აუცილებელ პირობას არ წარმოადგენს  „სოფლის ექიმის“ სახელმწიფო პროგრამით განსაზღვრული მომსახურების იმ მიმწოდებლებისათვის, რომლებიც იმუნიზაციის სერვისს აწვდიან სოფლის მოსახლეობას;

ბ) ყველა სერვისისთვის სავალდებულოა ხელის ჰიგიენის გამართული საშუალებებით (ხელსაბანი ნიჟარა, თხევადი საპონი, ხელის გასამშრალებელი ერთჯერადი ხელსახოცები) უზრუნველყოფა.“;

„11

შესაბამისი სერვისის მიწოდებისთვის საჭირო ინდივიდუალური დაცვის საშუალებების (იდს) მარაგი საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანებით განსაზღვრული მოთხოვნების შესაბამისად“;

 „1

სტომატოლოგიური კაბინეტისათვის ფართობი უნდა შეადგენდეს ძირითად სტომატოლოგიურ სავარძელზე − არანაკლებ 12 მ²-ს და ყოველ დამატებით სავარძელზე − არანაკლებ 6 მ²-ს

ა) სტომატოლოგიური კაბინეტის ფართობი − იზოლირებული სამუშაო სივრცის ფართობი, სადაც უშუალოდ განლაგებულია სტომატოლოგიური სავარძელი/სავარძლები;

ბ) სავარძლებს შორის უზრუნველყოფილია არანაკლებ 2 მ დაშორება.

შენიშვნა: ზოგადი ანესთეზიით სტომატოლოგიური საქმიანობის/მომსახურების განხორციელება შესაძლებელია „სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებით შესაბამისი საქმიანობისთვის განსაზღვრული პირობებისა და შესაბამისი სანებართვო დანართის ფლობის შემთხვევაში.“;

„XI

ნარკოლოგიური სერვისის (ჩანაცვლებითი თერაპია) მიწოდების შემთხვევაში, დამატებით აუცილებელია

1

სპეციალურად გამოყოფილი სამარაგო ოთახი, რომელიც უნდა აკმაყოფილებდეს შემდეგ პირობებს:

 შენიშვნა:

ა) იმ შემთხვევაში, თუ  ერთისა და იმავე  დაწესებულების რამდენიმე განყოფილება (მათ შორის, საპროცედურო) განთავსებულია ერთ შენობაში, დასაშვებია მათ  გააჩნდეთ ერთი  (საერთო) სამარაგო, საიდანაც თითოეულ განყოფილებაზე  სამკურნალო საშუალების გაცემა ხორციელდება კანონმდებლობით განსაზღვრული წესით;

ბ) სამარაგოში შესაძლებელია არაუმეტეს 6 თვის სავარაუდო მარაგის შენახვა

1.1

არ აქვს ფანჯრები;

1.2

აქვს კაპიტალური კედლები;

1.3

აქვს რკინის კარები;

1.4

აქვს ადგილობრივი შუქხმოვანი და

24-საათიანი პოლიციასთან დაკავშირებული სიგნალიზაცია;

1.5

უზრუნველყოფილია ვიდეოთვალით, რომლის ჩანაწერი ინახება ერთი თვის განმავლობაში

2

სამარაგოში უზრუნველყოფილია მასში განთავსებული სამკურნალო საშუალებების საგნობრივ-რაოდენობრივი აღრიცხვის წარმოება, კანონმდებლობით განსაზღვრული წესით

შენიშვნა: დაწესებულება სამკურნალო საშუალებით მარაგდება იმპორტირებული სამკურნალო საშუალების შემნახველი იურიდიული პირის ავტორიზებული აფთიაქიდან, კანონმდებლობით განსაზღვრული წესის შესაბამისად

3

პაციენტებზე  სამკურნალო საშუალებების გაცემა ხორციელდება სპეციალურად გამოყოფილი ოთახიდან (საპროცედურო), რომელიც აკმაყოფილებს შემდეგ პირობებს:

შენიშვნა:

ა) პაციენტისათვის დანიშნული  სამკურნალო  საშუალების  დოზის ყოველი ცვლილება ფიქსირდება ავადმყოფის   სამედიცინო  ბარათში;

ბ) პაციენტი არ დაიშვება საპროცედუროში;

გ) სამკურნალო საშუალების გაცემა დანიშნული დოზით ხორციელდება საპროცედუროს მედდის მიერ ერთჯერადი ჭიქით;

დ) პაციენტის მიერ სამკურნალო საშუალების დანიშნულებისამებრ მოხმარება კონტროლდება დაცვის თანამშრომლის ან მედდის მიერ, რაც ვიდეოთვალის მეშვეობით იწერება და ინახება ერთი თვის განმავლობაში;

ე) საპროცედუროში  ნებადართულია სამკურნალო  საშუალებების არაუმეტეს  7  დღის სავარაუდო მარაგის შენახვა.“.

3.1

აქვს ადგილობრივი შუქხმოვანი და

24-საათიანი პოლიციასთან დაკავშირებული სიგნალიზაცია;

3.2

უზრუნველყოფილია ვიდეოთვალით, რომლის ჩანაწერი ინახება ერთი თვის განმავლობაში;

3.3

საპროცედუროში წარმოებს სამკურნალო საშუალებების საგნობრივ-რაოდენობრივი აღრიცხვა, კანონმდებლობით განსაზღვრული წესით;

3.4

საპროცედუროს აქვს სპეციალური სარკმელი სამკურნალო საშუალების გასაცემად