„ქალაქ თბილისის მუნიციპალიტეტის სასმელი წყლის რეზერვუარის (თბილისის წყალსაცავის) სანიტარიული დაცვის ზონის დადგენისა და მართვის წესის დამტკიცების შესახებ“ ქალაქ თბილისის მუნიციპალიტეტის საკრებულოს 2020 წლის 1 ოქტომბრის №64-103 დადგენილებაში ცვლილების შეტანის თაობაზე

„დ) მესამე სარტყლის I არეალში ტერიტორიის განვითარება განაშენიანების რეგულირების გეგმის ფარგლებში დასაშვებია მხოლოდ სარეკრეაციო ზონა 2-ის პარამეტრებით, გარდა ინდივიდუალური საცხოვრებელი სახლებისა. საპროექტო არეალის მინიმალური ფართობი უნდა შეადგენდეს 50 000 მ²-ს, რომლის 70% უნდა მოიცავდეს სარეკრეაციო სივრცეს;

ე) ამ მუხლის მე-2 პუნქტის „დ“ ქვეპუნქტით გათვალისწინებული განაშენიანების რეგულირების გეგმის ფარგლებში საპროექტო ტერიტორია შეიძლება მოიცავდეს სახელმწიფო/მუნიციპალიტეტის საკუთრებაში არსებულ მიწის ნაკვეთებს არაუმეტეს 10%-ისა;

ვ) ამ მუხლის მე-2 პუნქტის „დ“ ქვეპუნქტით გათვალისწინებულ განაშენიანების რეგულირების გეგმაში გათვალისწინებული უნდა იყოს სასმელი წყლის დაბინძურების პრევენციული ღონისძიებები შესაბამისი თანმიმდევრობით, რომელიც შეთანხმებული უნდა იყოს შესაბამის უწყებასთან.

ზ) ამ მუხლის მე-2 პუნქტის „ვ“ ქვეპუნქტით გათვალისწინებული სასმელი წყლის დაბინძურების პრევენციული ღონისძიებები უნდა გატარდეს მშენებლობის უფლების მიღებამდე იმ თანმიმდევრობით რომელიც შეთანხმებულია შესაბამის უწყებასთან.