,,დამხმარე საშუალებებით მომსახურების მინიმალური სტანდარტების დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2021 წლის 29 აპრილის №01-43/ნ ბრძანებაში ცვლილების შეტანის თაობაზე

ყავარჯნებით, ხელჯოხ-ყავარჯნებითა და გადასაადგილებელი ჩარჩოებით მომსახურების მინიმალური სტანდარტი

1. მოსალოდნელი შედეგი – მომსახურების მიწოდება ხორციელდება ისეთ გარემოში, რომელიც შეესაბამება მომსახურების შინაარსს, დანიშნულებას და სათანადოდ აკმაყოფილებს მომხმარებლის საჭიროებებს. მომსახურება ხორციელდება კეთილმოწყობილ, სუფთა და უსაფრთხო გარემოში. მომსახურების მიზანია  გეოგრაფიული ხელმისაწვდომობის გათვალისწინებით სამიზნე ჯგუფის ფუნქციური დამოუკიდებლობის ხარისხის გაუმჯობესება და მათი საზოგადოებაში ინტეგრაციის პროცესის ხელშეწყობა.

2. მომსახურების მიმწოდებელი ვალდებულია, დამხმარე საშუალების  შერჩევის, მორგების/რეგულირების მიზნით უზრუნველყოს მომსახურების მიწოდება მომხმარებლისთვის გეოგრაფიულად ხელმისაწვდომ ადგილზე შემდეგი ეტაპების გათვალისწინებით:

ა) მომხმარებლის რეგისტრაცია;

ბ) გადაადგილების დამხმარე საშუალების საჭიროების მქონე პირის შეფასება პირისპირ შეხვედრის საფუძველზე;

გ) გადაწყვეტილების მიღება შესაბამისი მოდელის დამხმარე საშუალებასთან დაკავშირებით;

დ) შესაბამისი მოდელისა და სახეობის დამხმარე საშუალების   მომხმარებლისთვის მიწოდება და მორგება გეოგრაფიული ხელმისაწვდომობის გათვალისწინებით პირისპირ შეხვედრის საფუძველზე;

ე) დამხმარე საშუალების მომხმარებლის და/ან მისი კანონიერი წარმომადგენლის ტრენინგი მოხმარებისა და მოვლის საკითებში;

ვ) მომხმარებლის მდგომარეობის შემდგომი შეფასება, საჭიროებების გამოვლენა, მიდევნება, ხელახალი მორგება.

3. მომსახურების მიმწოდებელი ვალდებულია უზრუნველყოს მომსახურების ხარისხიანი მიწოდებისთვის შესაბამისი ფართი და აღჭურვილობა:

მუხლი 2. მოთხოვნები პერსონალის მიმართ (სტანდარტი №2)

1. მოსალოდნელი შედეგი – მომხმარებელთა მომსახურებას ახორციელებენ საკმარისი რაოდენობისა და კვალიფიკაციის თანამშრომლები.

2. მომსახურების მიმწოდებელი ვალდებულია:

ა) უზრუნველყოს თანამშრომელთა რეგულარული ზედამხედველობა, მათთვის პროფესიული განვითარებისა და უწყვეტი განათლების მიღების შესაძლებლობა;

ბ) მომსახურების მიწოდებისთვის უზრუნველყოს შესაბამისი სერტიფიკატისა  (დამხმარე პროდუქტების მიწოდების სერვისის ტრენინგების (თეორია და პრაქტიკა)  დამადასტურებელი სერტიფიკატი: „დამხმარე პროდუქტების გაცნობა“; „გადაადგილებაში დამხმარე პროდუქტები“; „სიარულში დამხმარე პროდუქტები“ (WHO, TAP პლატფორმა)) და კვალიფიკაციის  მქონე  სპეციალისტების ჩართულობა.

დანართი №6

უსინათლოთა ხელჯოხებით მომსახურების მინიმალური სტანდარტი

1. მოსალოდნელი შედეგი – მომსახურების მიწოდება ხორციელდება ისეთ გარემოში, რომელიც შეესაბამება მომსახურების შინაარსს, დანიშნულებას და სათანადოდ აკმაყოფილებს მომხმარებლის საჭიროებებს. მომსახურება ხორციელდება კეთილმოწყობილ, სუფთა და უსაფრთხო გარემოში. მომსახურების მიზანია  სამიზნე ჯგუფის უსინათლოთა თეთრი ხელჯოხებით უზრუნველყოფა და მათი ფუნქციური დამოუკიდებლობის ხარისხის გაუმჯობესება. 

2. მომსახურების მიმწოდებელი ვალდებულია დამხმარე საშუალების  შერჩევის, მორგების/რეგულირების მიზნით უზრუნველყოს მომსახურების მიწოდება მომხმარებლისთვის ხელმისაწვდომ ადგილზე შემდეგი ეტაპების გათვალისწინებით:

ა) მომხმარებლის რეგისტრაცია;

ბ) თეთრი ხელჯოხის საჭიროების მქონე პირის შეფასება პირისპირ შეხვედრის საფუძველზე;

გ) გადაწყვეტილების მიღება შესაბამისი მოდელის დამხმარე საშუალებასთან დაკავშირებით;

დ) შესაბამისი მოდელისა და სახეობის დამხმარე საშუალების მომხმარებლისთვის მიწოდება და ინდივიდუალური მორგება პირისპირ შეხვედრის საფუძველზე;

ე) თეთრი ხელჯოხის გამოყენებასთან დაკავშირებული სარეკომენდაციო-საკონსულტაციო და ტექნიკური მომსახურების გაწევა. ასევე, შესაბამისი ტრენინგების ჩატარება;

ვ) მომხმარებლის მდგომარეობის შემდგომი შეფასება, საჭიროებების გამოვლენა, მიდევნება, ხელახალი მორგება.

3. მომსახურების მიმწოდებელი ვალდებულია უზრუნველყოს მომსახურების ხარისხიანი მიწოდებისთვის შესაბამისი ფართი და აღჭურვილობა:

მუხლი 2. მოთხოვნები პერსონალის მიმართ (სტანდარტი №2)

1. მოსალოდნელი შედეგი – მომხმარებელთა მომსახურებას ახორციელებენ საკმარისი რაოდენობისა და კვალიფიკაციის თანამშრომლები.

2. მომსახურების მიმწოდებელი ვალდებულია:

ა) უზრუნველყოს თანამშრომელთა რეგულარული ზედამხედველობა, მათთვის პროფესიული განვითარებისა და უწყვეტი განათლების მიღების შესაძლებლობა;

ბ) მომსახურების მიწოდებისთვის უზრუნველყოს შესაბამისი სერტიფიკატისა და კვალიფიკაციის  მქონე  სპეციალისტების ჩართულობა.