,,შეზღუდული შესაძლებლობის სტატუსის მქონე ბავშვი” დადგენის წესის შესახებ ინსტრუქციის დამტკიცების თაობაზე” საქართველოს შრომის, ჯანმრთელობისა და სოციალური დაცვის მინისტრის 2003 წლის 17 მარტის №62/ნ ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:

1. მე-14 მუხლის პირველი პუნქტის:

ა) „ა“ ქვეპუნქტის:

ა.ა) „ა.ა“ ქვეპუნქტი ჩამოყალიბდეს შემდეგი რედაქციით:

„ა.ა) მყარი მოძრაობითი დარღვევები (ორი ან მეტი კიდურის ზომიერად გამოხატული პარეზი; მყარი გენერალიზებული ჰიპერკინეზები; კოორდინაციის დარღვევები), რომლებიც შენარჩუნებულია 2 და მეტი თვის განმავლობაში;“;

ა.ბ) „ა.გ“ ქვეპუნქტი ჩამოყალიბდეს შემდეგი რედაქციით:

„ა.გ) მყარი თერაპიულად რეზისტენტული ეპილეფსია, რაც მოითხოვს ხანგრძლივ მკურნალობას ანტიკონვულსანტებით;“;

ა.გ) „ა.თ“ ქვეპუნქტი ჩამოყალიბდეს შემდეგი რედაქციით:

„ა.თ) სხვა გონებრივი ჩამორჩენილობა, რომელიც თან ახლავს სმენის ან მხედველობის  ან მეტყველების ან საყრდენ-მამოძრავებელი აპარატის გამოხატულ დარღვევებსა და ქცევის პათოლოგიურ ფორმებს (ბავშვებში 3 წლის ასაკიდან);“;

ბ) „ბ“ ქვეპუნქტის  „ბ.ა“ ქვეპუნქტი ჩამოყალიბდეს შემდეგი რედაქციით:

„ბ.ა) მხედველობის სიმახვილის მყარი დაქვეითება უკეთმხედველ თვალში 0,09-0.1-მდე (კორექციით), ან მხედველობის ველის კონცენტრული შევიწროება უკეთმხედველ თვალში 15⁰-მდე, ფიქსაციის წერტილიდან ყველა მიმართულებით.“;

გ) „გ“ ქვეპუნქტის  „გ.ე“ ქვეპუნქტი:

„გ.ე) დამოუკიდებელი სუნთქვის შეუძლებლობა ტრაქეოსტომიული მილის გარეშე ხორხისა და სასულის თანდაყოლილი ან შეძენილი დაავადებების დროს;“.

2. მე-15 მუხლის პირველი პუნქტის:

ა) „ა“ ქვეპუნქტის  „ა.გ“ ქვეპუნქტი ჩამოყალიბდეს შემდეგი რედაქციით:

ა.გ) ერთი ან მეტი კიდურის თანდაყოლილი განუვითარებლობა, ფუნქციის მყარად გამოხატული მნიშვნელოვანი მოშლით;“;

ბ) „გ“ ქვეპუნქტის  „გ.ბ“ ქვეპუნქტი ჩამოყალიბდეს შემდეგი რედაქციით:

„გ.ბ) ლიმფოგრანულომატოზი (ჰოჯკინის ლიმფომა), ლიმფოსარკომა (არაჰოჯკინის ლიმფომა I-A, II-A სტადია).“.

3. მე-16 მუხლის პირველი პუნქტის:

ა) „გ“ ქვეპუნქტი ჩამოყალიბდეს შემდეგი რედაქციით:

„გ) მხედველობის ორგანოების დაავადებები და დეფექტები:

გ.ა) შეუქცევადი მორფოლოგიური ცვლილებებით განპირობებული მხედველობის სიმახვილის დაქვეითება უკეთ მხედველ თვალში 0,08-მდე (კორექციით), ან მხედველობის ველის კონცენტრული შევიწროება უკეთმხედველ თვალში 15⁰-მდე, ფიქსაციის წერტილიდან ყველა მიმართულებით;

გ.ბ) შეუქცევადი მორფოლოგიური ცვლილებებით განპირობებული ერთი თვალის სრული ან პრაქტიკული სიბრმავე (მხედველობის სიმახვილე კორექციით 0,04 და ნაკლები, ან მხედველობის ველის კონცენტრული შევიწროება 10⁰-მდე) ან ანოფთალმი.“;

ბ) „დ“ ქვეპუნქტის:

ბ.ა) „დ.ბ“ ქვეპუნქტი  ჩამოყალიბდეს შემდეგი რედაქციით:

„დ.ბ) სუნთქვის ორგანოების დაავადებები და განვითარების მანკები:

დ.ბ.ა) სუნთქვის III ხარისხის მყარი უკმარისობით;

დ.ბ.ბ) დამოუკიდებელი სუნთქვის შეუძლებლობა ტრაქეოსტომური მილის გარეშე ხორხისა და სასულის თანდაყოლილი ან შეძენილი დაავადებების დროს.“;

ბ.ბ) „დ.გ“ ქვეპუნქტის შემდეგ დაემატოს შემდეგი შინაარსის   „დ.დ“–„დ.ვ“  ქვეპუნქტები:

„დ.დ) კარდიოსტიმულატორის არსებობა;

დ.ე) გულის ანევრიზმა;

დ.ვ) თირკმლის ქრონიკული დაავადება III, IV და V სტადია.“; 

გ) „ზ“ ქვეპუნქტის „ზ.დ“ ქვეპუნქტი  ჩამოყალიბდეს შემდეგი რედაქციით:

„ზ.დ) ლიმფოგრანულომატოზი (ჰოჯკინის ლიმფომა III-A, IV-A, I-B, II-B, III-B, IV-B სტადია), ლიმფოსარკომა (არაჰოჯკინის ლიმფომა III-A, IV-A, I-B, II-B, III-B, IV-B  სტადია).“;

დ) „ი“ ქვეპუნქტს დაემატოს შემდეგი შინაარსის   „ი.გ“ ქვეპუნქტი:

„ი.გ) ქრონიკული ოსტეომიელიტი ფისტულოვან-დესტრუქციული ფორმა.“;

ე) „ლ“ ქვეპუნქტი ჩამოყალიბდეს შემდეგი რედაქციით:

„ლ) გენეტიკური  და თანდაყოლილი დაავადებები:

ლ.ა) ანჰიდროტული ექტოდერმური დისპლაზია (კრისტ-სიმენს-ტურენის სინდრომი);

ლ.ბ) დაუნის სინდრომი.“;

ვ) „ლ“ ქვეპუნქტის შემდეგ დაემატოს „მ“ და „ნ“ ქვეპუნქტები შემდეგი რედაქციით:

„მ) კანის დაავადებები:

მ.ა) მძიმე ფორმის ვულგარული ფსორიაზი, რომლის ხანგრძლივობა აღემატება 6 თვეს;

მ.ბ)  გიგანტური პიგმენტური ნევუსი (ლოკალიზებული ხილულ არეებზე – სახეზე და ზედა კიდურებზე, ზომით 20 სმ და მეტი დიამეტრის;

მ.გ) ბულოზური ეპიდერმოლიზი;

მ.დ) თანდაყოლილი იქთიოზი;

მ.ე) თანდაყოლილი პოიკილოდერმია;

მ.ვ) ექტოდერმალური დისპლაზია;

მ.ზ) ვულგარული პემფიგუსი.

ნ) გადანერგილი ორგანო(ები):

ნ.ა) გადანერგილი გული;

ნ.ბ) გადანერგილი ღვიძლი;

ნ.გ) გადანერგილი თირკმელი.“.