აჭარის ავტონომიური რესპუბლიკის ფინანსთა და ეკონომიკის სამინისტროს აპარატის მოხელეთა დამატებითი საკვალიფიკაციო მოთხოვნების დამტკიცების შესახებ

„საჯარო სამსახურის შესახებ“ საქართველოს კანონის 28-ე მუხლის მე-3 პუნქტის, საქართველოს ზოგადი ადმინისტრაციული კოდექსის 61-ე მუხლისა და „აჭარის ავტონომიური რესპუბლიკის ფინანსთა და ეკონომიკის სამინისტროს დებულების დამტკიცების შესახებ“ აჭარის ავტონომიური რესპუბლიკის მთავრობის 2017 წლის 04 აპრილის №7 დადგენილების მე-4 მუხლის მე-3 პუნქტის „ზ“ ქვეპუნქტის  შესაბამისად, ვბრძანებ:

დამტკიცდეს აჭარის ავტონომიური რესპუბლიკის ფინანსთა და ეკონომიკის სამინისტროს აპარატის მოხელეთა დამატებითი საკვალიფიკაციო მოთხოვნები, თანახმად დანართისა.

ძალადაკარგულად გამოცხადდეს „აჭარის ავტონომიური რესპუბლიკის ფინანსთა და ეკონომიკის სამინისტროს საჯარო მოხელეთა დამატებითი საკვალიფიკაციო მოთხოვნების დამტკიცების შესახებ“ 2018 წლის 15 მარტის №01-01-6/22 ბრძანება.

ადმინისტრაციულმა დეპარტამენტმა (ა. სირაბიძე) უზრუნველყოს კანონმდებლობით დადგენილი წესით ბრძანების შესაბამისი პირებისათვის გაცნობა. 

ბრძანების გასაჩივრება შესაძლებელია აჭარის ავტონომიური რესპუბლიკის მთავრობაში (მის.: ქ. ბათუმი, კ. გამსახურდიას ქუჩა №9) და ბათუმის საქალაქო სასამართლოში (მის.: ქ. ბათუმი, ს. ზუბალაშვილის ქუჩა N30) მისი კანონმდებლობით დადგენილი წესით გაცნობიდან 1 (ერთი) თვის ვადაში.

ბრძანება ძალაშია 2023 წლის 01 მარტიდან.