სამშენებლო საქმიანობის დარღვევის შესახებ მითითების, შემოწმების აქტის, უწყების, დადგენილების და სააღსრულებლო ფურცლის ფორმების დამტკიცების შესახებ

სამშენებლო საქმიანობის დარღვევის შესახებ მითითების, შემოწმების აქტის, უწყების, დადგენილების და სააღსრულებლო ფურცლის ფორმების დამტკიცების შესახებ ბორჯომის მუნიციპალიტეტის საკრებულოს დადგენილება №17 2023 წლის 24 მარტი ქ. ბორჯომი სამშენებლო საქმიანობის დარღვევის შესახებ მითითების, შემოწმების აქტის, უწყების, დადგენილების და სააღსრულებო ფურცლის ფორმების დამტკიცების შესახებ „ნორმატიული აქტების შესახებ“ საქართველოს ორგანული კანონის მე-20 მუხლის მე-2 პუნქტის,  25-ე მუხლის პირველი პუნქტის „ბ“ ქვეპუნქტის, საქართველოს ორგანული კანონის „ადგილობრივი თვითმმართველობის კოდექსი“ 61-ე მუხლის მე-2 ნაწილისა და საქართველოს კანონის „საქართველოს სივრცის დაგეგმარების, არქიტექტურული და სამშენებლო საქმიანობის კოდექსი“ 118-ე მუხლისა და XIV თავის შესაბამისად, ბორჯომის მუნიციპალიტეტის საკრებულო ადგენს: მუხლი 1🔗 დამტკიცდეს სამშენებლო საქმიანობის დარღვევის შესახებ: ა) მითითების ფორმა (დანართი №1); ბ) შემოწმების აქტი – მითითებით გათვალისწინებული პირობების შესრულების მდგომარეობის შესახებ (დანართი №2); გ) უწყების ფორმა (დანართი №3); დ) სამშენებლო სამართალდარღვევის საქმის წარმოების დაწყების შესახებ შემოწმების აქტის ფორმა (დანართი №4); ე) ადმინისტრაციულ-სამართლებრივი აქტი – დადგენილების ფორმა დაჯარიმების შესახებ (დანართი №5); ვ) ადმინისტრაციულ-სამართლებრივი აქტი – დადგენილების ფორმა უნებართვო მშენებლობის ან სანებართვო პირობების დარღვევით მიმდინარე მშენებლობის შეჩერების შესახებ ან/და უკანონოდ წარმოებული მშენებლობის დემონტაჟის შესახებ (დანართი №6); ზ) ადმინისტრაციულ-სამართლებრივი აქტი – დადგენილების ფორმა სამშენებლო სამართალდარღვევის საქმის წარმოების შეწყვეტის შესახებ (დანართი №7); თ) ადმინისტრაციულ-სამართლებრივი აქტი – დადგენილების ფორმა დაჯარიმების და კანონმდებლობის დარღვევით აშენებული შენობა-ნაგებობის მთლიანად ან ნაწილობრივ შეჩერების და დემონტაჟის შესახებ (დანართი №8); ი) სააღსრულებო ფურცელი (დანართი №9). მუხლი 2🔗 ძალადაკარგულად გამოცხადდეს „სამშენებლო საქმიანობის დარღვევის შესახებ მითითების, შემოწმების აქტის, უწყების, დადგენილების და სააღსრულებო ფურცლის ფორმების დამტკიცების თაობაზე“ ბორჯომის მუნიციპალიტეტის საკრებულოს 2013 წლის 18 ოქტომბრის №29 დადგენილება (www.matsne.gov.ge, 28/10/2013 წელი, 010250020.35.139.016102). მუხლი 3🔗 დადგენილება ამოქმედდეს 2023 წლის 1 აპრილიდანბორჯომის მუნიციპალიტეტის საკრებულოს თავმჯდომარედავით ზაალიშვილი