„ვერცხლისწყლის შესახებ მინამატის კონვენციის“ რატიფიცირების თაობაზე

2. „ვერცხლისწყლის შესახებ მინამატის კონვენციის“ რატიფიცირებისას გათვალისწინებულ იქნეს შემდეგი დეკლარაციები:

ა) დეკლარაცია №1 – კონვენციის 25-ე მუხლის მე-2 პუნქტთან   დაკავშირებით:

კონვენციის 25-ე მუხლის მე-2 პუნქტის შესაბამისად საქართველო ამ პუნქტში მითითებულ დავის გადაწყვეტის ორივე საშუალებას აღიარებს სავალდებულოდ ნებისმიერი მხარის მიმართ, რომელიც აღიარებს დავის გადაწყვეტის ერთ-ერთ ან ორივე საშუალებას;

ბ) დეკლარაცია №2  – კონვენციის 30-ე მუხლის მე-5 პუნქტთან   დაკავშირებით:

საქართველო აცხადებს, რომ კონვენციის 30-ე მუხლის მე-5 პუნქტის შესაბამისად  კონვენციის დანართში შეტანილი ნებისმიერი ცვლილება საქართველოსთვის ძალაში შევა  მხოლოდ კონვენციის  რატიფიცირების, მიღების ან დამტკიცების ან კონვენციასთან შეერთების სიგელის დეპონირების შემდეგ;

გ) დეკლარაცია №3  – კონვენციის განხორციელებასთან დაკავშირებით:

საქართველო აცხადებს, რომ საქართველოს რეგიონების – აფხაზეთისა და ცხინვალის რეგიონის/სამხრეთი ოსეთის მიმართ, რომლებიც  რუსეთის ფედერაციის უკანონო სამხედრო აგრესიის შედეგად მის მიერ არის ოკუპირებული, კონვენციისა და მისი დანართების გამოყენება დაიწყება ამ რეგიონებში – ოკუპირებულ ტერიტორიებზე საქართველოს იურისდიქციის დე ფაქტო სრულად აღდგენის შემდეგ.