„საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილებაში ცვლილების შეტანის თაობაზე

1. მე-7 პუნქტის პრეამბულა ჩამოყალიბდეს შემდეგი რედაქციით:

„7. 21-ე მუხლის პირველი პუნქტით განსაზღვრული სტაციონარული მომსახურება (გარდა ნეონატალური ასაკის (ნეონატალურ ასაკში დაწყებული) ინტენსიური მოვლისა/მკურნალობისა (№1.2 დანართის მე-2 პუნქტის „ა“ ქვეპუნქტი) და სხვა სტაციონარული მომსახურებისა, კომბუსტიოლოგიის (დანართი №1.2-ის მე-2 პუნქტის „ბ“ ქვეპუნქტი) ონკოლოგიური დაავადებების მკურნალობისა (დანართი №1.1-ის პირველი პუნქტის „ბ.გ“, დანართი №1.3-ის პირველი პუნქტის „გ.გ“ და მე-2 პუნქტის „გ.გ“, დანართი №1.4-ის პირველი პუნქტის „ბ.გ“ ქვეპუნქტები), მშობიარობისა/საკეისრო კვეთისა (დანართ №1.5-ის პირველი პუნქტის „გ“ და „დ“ ქვეპუნქტები და მე-2 პუნქტი), გულის თანდაყოლილი მანკების მკურნალობისა (დანართი №1.11), თრომბოლიზისის/თრომბექტომიისა (ინსულტის შემთხვევაში) და დანართი №1.12-ით („სტომატოლოგიური მომსახურება ზოგადი ანესთეზიით“) განსაზღვრული მომსახურებისა) ფინანსდება დიაგნოზთან შეჭიდული ჯგუფების დაფინანსების (DRG) მეთოდით, ამასთან:“.

2. 7³ პუნქტის შემდეგ დაემატოს შემდეგი შინაარსის 7⁴ პუნქტი:

„7⁴_. ნეონატალური ასაკის (ნეონატალურ ასაკში დაწყებული) სტაციონარული მომსახურების (გარდა №1.2 დანართის მე-2 პუნქტის „ა“ ქვეპუნქტისა) ანაზღაურება ხდება ფაქტობრივი ხარჯის მიხედვით, მაგრამ არაუმეტეს განმახორციელებლის მიერ დადგენილი ტარიფისა, რომელიც მტკიცდება სააგენტოს მიერ შესაბამისი ადმინისტრაციულ-სამართლებრივი აქტით, სამინისტროსთან შეთანხმებით.“.