,,საჯარო სამართლის იურიდიული პირის – ივანე ბერიტაშვილის ექსპერიმენტული ბიომედიცინის ცენტრის წესდების დამტკიცების შესახებ” საქართველოს განათლებისა და მეცნიერების მინისტრის 2010 წლის 18 ნოემბრის №114/ნ ბრძანებაში ცვლილების შეტანის თაობაზე

საქართველოს განათლებისა და მეცნიერების მინისტრის

2023 წლის 11 აგვისტო

ქ. თბილისი

1. პირველი მუხლის მე-2 პუნქტი ჩამოყალიბდეს შემდეგი რედაქციით:

,,2. ცენტრის სახელმწიფო კონტროლს ახორციელებს საქართველოს განათლებისა და მეცნიერების სამინისტრო (შემდგომ – სამინისტრო).“.

2. მე-6 მუხლის მე-2 პუნქტის ,,ა¹“ ქვეპუნქტი ჩამოყალიბდეს შემდეგი რედაქციით:

,,ა​¹) სიითი შემადგენლობის უმრავლესობით, ღია კონკურსის საფუძველზე ირჩევს ცენტრის დირექტორს და არჩევიდან 7 დღის ვადაში, თანამდებობაზე დანიშვნის მიზნით, წარუდგენს საქართველოს განათლებისა და მეცნიერების მინისტრს (შემდგომ – მინისტრი).“.

3. მე-11 მუხლის მე-2 პუნქტის ,,კ“ ქვეპუნქტი ჩამოყალიბდეს შემდეგი რედაქციით:

,,კ) არაუმეტეს საკუთარი უფლებამოსილების ვადით ნიშნავს დირექტორის მოადგილეს/მოადგილეებს და ინდივიდუალური ადმინისტრაციულ-სამართლებრივი აქტით განსაზღვრავს იმ მოადგილეს, რომელიც მისი არყოფნისას (შვებულებაში, მივლინებაში ან საავადმყოფო ფურცელზე ყოფნის პერიოდში) ასრულებს დირექტორის უფლებამოსილებებს. დირექტორის მოადგილის/მოადგილეების არყოფნის შემთხვევაში (შვებულებაში, მივლინებაში ან საავადმყოფო ფურცელზე ყოფნის პერიოდში) დირექტორი თავისი მოვალეობის შესრულებას ინდივიდუალური ადმინისტრაციულ-სამართლებრივი აქტით აკისრებს ერთ-ერთი ლაბორატორიის ხელმძღვანელს.’’.