,,საქართველოს საგარეო საქმეთა სამინისტროს ადმინისტრაციულ დეპარტამენტში სტაჟირების გავლის წესის დამტკიცების თაობაზე“ საქართველოს საგარეო საქმეთა მინისტრის 2022 წლის 30 დეკემბრის N01-500 ბრძანებაში ცვლილების შეტანის შესახებ

საქართველოს საგარეო საქმეთა მინისტრის

ბრძანება №01-687

2023 წლის 29 ნოემბერი

ქ. თბილისი

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად,  ვბრძანებ:

ა) წესის მე-4 მუხლის პირველი პუნქტი ჩამოყალიბდეს შემდეგი რედაქციით:

„1. ადმინისტრაციულ დეპარტამენტში სტაჟიორად მიიღება საქართველოს ქმედუნარიანი მოქალაქე, რომელიც ფლობს სახელმწიფო ენას, აქვს უმაღლესი განათლება და აკმაყოფილებს შემდეგ საკვალიფიკაციო მოხოვნებს:

ა) უმაღლესი განათლება სასურველია იყოს ერთ-ერთი შემდეგი მიმართულებით:

ა.ა) ვიწრო სფერო – ბიზნესი და ადმინისტრირება;

ა.ბ) ვიწრო სფერო – სოციალური მეცნიერებები;

ა.გ) დეტალური სფერო – ეკონომიკა;

ბ) სპეციალური განათლება ფინანსების მიმართულებით, სამართალი;

გ) სავალდებულოა უცხო ენის ცოდნა B1 დონეზე;

დ) სასურველი უმაღლესი განათლების არქონის შემთხვევაში, სავალდებულოა სამუშაო გამოცდილება ფინანსების დარგში – მინიმუმ 2 წელი. ხოლო თუ განათლება შეესაბამება სასურველ სპეციალობებს, სავალდებულოა სამუშაო გამოცდილება ფინანსების დარგში – 1 წელი. გამოცდილებად ჩაითვლება ამავე მიმართულებით გავლილი სტაჟირება;

ე) სავალდებულოა საოფისე კომპიუტერული პროგრამების მაღალ დონეზე ცოდნა და ORIS-ის სერტიფიკატის ფლობა შესაბამისი დონის მითითებით.“;

ბ) მე-5 მუხლის პირველი პუნქტის „ი“ ქვეპუნქტი ჩამოყალიბდეს შემდეგი რედაქციით:

„ი) ORIS -ის სერტიფიკატი;“.