„ლაგოდეხის მუნიციპალიტეტის მერიის საფინანსო სამსახურის დებულების დამტკიცების შესახებ“ ლაგოდეხის მუნიციპალიტეტის საკრებულოს 2017 წლის 22 დეკემბრის №53 დადგენილებაში ცვლილების შეტანის თაობაზე

1. დებულების მე-2 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სამსახური შედგება სამსახურის უფროსისა და სამსახურის საჯარო მოსამსახურეებისაგან.“;

ბ) მე-2, მე-4 და მე-5 პუნქტები ამოღებულ იქნეს.

2. დებულების მე-3 მუხლის „ქ“ ქვეპუნქტის შემდეგ დაემატოს შმდეგი შინაარსის „ქ^1“-„ქ⁸“ ქვეპუნქტები:

ქ¹) ეკონომიკური კლასიფიკაციის მიხედვით დაფინანსებაზე მყოფი საბიუჯეტო ორგანიზაციების პირველადი ბუღალტრული აღრიცხვა-ანგარიშგების წარმოებასა და კოორდინაციას;

ქ²) აღრიცხვა-ანგარიშების მიმდინარეობის, ფულადი სახსრებისა და მატერიალური ფასეულობების დაცულობას, ადგილობრივი ბიუჯეტით გამოყოფილი სახსრების სწორად და ეკონომიურად ხარჯვის სისტემატური კონტროლს;

ქ³) მუნიციპალიტეტის მიერ აღებული და გაცემული სესხების მართვას;

ქ⁴) მუნიციპალიტეტის საჯარო მოსამსახურეთა ხელფასების, სამივლინებო ხარჯების და სხვა გადასახდელების გაცემას;

ქ⁵) მუნიციპალიტეტის საგადასახადო საინფორმაციო ბაზის შექმნასა და განახლებას;

ქ⁶) მუნიციპალიტეტის მიერ დაფუძნებული იურიდიული პირების მიერ გაწეული ხარჯების მიზნობრიობის, მიზანშეწონილობისა და ეფექტიანობის შეფასებას, შესაბამისი დასკვნებისა და რეკომენდაციების შემუშავებას;

ქ⁷) ადგილობრივი ბიუჯეტის საკასო შესრულებაზე ზედამხედველობას;

ქ⁸) მუნიციპალური პროგრამებისა და პროექტების საფინანსო მონიტორინგს;“

3. დადგენილების მე-4 მუხლი ამოღებულ იქნეს.