„საქონლის ექსპორტისა და იმპორტის საბაჟო გაფორმებისთვის საჭირო საბუთებისა და ცნობების ნუსხის დამტკიცების შესახებ" საქართველოს საგადასახადო შემოსავლების მინისტრის 2001 წლის 21 ნოემბრის №798 ბრძანებაში ცვლილებების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
სახელმწიფო სარეგისტრაციო კოდი 200.220.010.22.033.007.516
საქართველოს ფინანსთა მინისტრის
ბრძანება №486
2005 წლის 29 ივნისი
ქ. თბილისი
,,საქონლის ექსპორტისა და იმპორტის საბაჟო გაფორმებისათვის საჭირო საბუთებისა და ცნობების ნუსხის დამტკიცების შესახებ” საქართველოს საგადასახადო შემოსავლების მინისტრის 2001 წლის 21 ნოემბრის №798 ბრძანებაში ცვლილებების შეტანის თაობაზე
საქართველოს საბაჟო კოდექსის 89-ე მუხლის მე-2 ნაწილისა და ,,საქართველოს ფინანსთა სამინისტროს დებულების დამტკიცების შესახებ” საქართველოს მთავრობის 2004 წლის 21 მაისის №39 დადგენილებით დამტკიცებული დებულების მე-4 მუხლის მე-3 პუნქტის ,,ლ” ქვეპუნქტის საფუძველზე, ვბრძანებ:
მუხლი 1
,,საქონლის ექსპორტისა და იმპორტის საბაჟო გაფორმებისათვის საჭირო საბუთებისა და ცნობების ნუსხის დამტკიცების შესახებ” საქართველოს საგადასახადო შემოსავლების მინისტრის 2001 წლის 21 ნოემბრის №798 ბრძანებით (სსმ III, 2001 წ., №124, მუხლი 888) დამტკიცებულ დანართში შეტანილ იქნეს შემდეგი ცვლილებები:
1. პირველი პუნქტის „თ” ქვეპუნქტი ჩამოყალიბდეს შემდეგი რედაქციით:
,,თ) თუ საქონლის ექსპორტისათვის ან იმპორტისათვის საჭიროა ლიცენზიის და/ან ნებართვის მიღება – უფლებამოსილი ორგანოს მიერ გაცემული ლიცენზია და/ან ნებართვა;”.
2. ამოღებულ იქნეს მე-4 პუნქტი.
მუხლი 2
საბაჟო დეპარტამენტმა უზრუნველყოს ამ ბრძანების პირველი მუხლის პირველ პუნქტში მითითებული საქონლის ნუსხის შედგენა და პერიოდული განახლება ნებართვის და/ან ლიცენზიის გამცემი ადმინისტრაციული ორგანოებისაგან მიღებული ინფორმაციის საფუძველზე.
მუხლი 3
ბრძანება ამოქმედდეს გამოქვეყნებისთანავე.
ვ. ჩეჩელაშვილი