“საქართველოს შინაგან საქმეთა სამინისტროს აჭარის ავტონომიური რესპუბლიკის შინაგან საქმეთა მთავარი სამმართველოს დებულების დამტკიცების შესახებ" საქართველოს შინაგან საქმეთა მინისტრის 2005 წლის 27 აპრილის №412 ბრძანებაში ცვლილებების შეტანის თაობაზე"

სახელმწიფო სარეგისტრაციო კოდი 010.320.020.22.034.007.534

საქართველოსშინაგანსაქმეთამინისტრის

ბრძანება №691

2005 წლის 6 ივლისი

ქ. თბილისი

,,საქართველოს შინაგან საქმეთა სამინისტროს აჭარის ავტონომიური რესპუბლიკის შინაგან საქმეთა მთავარი სამმართველოს დებულების დამტკიცების შესახებ” საქართველოს შინაგან საქმეთა მინისტრის 2005 წლის 27 აპრილის №412 ბრძანებაში ცვლილებების შეტანის თაობაზე

 

,,ნორმატიული აქტების შესახებ” საქართველოს კანონის 36-ე მუხლის პირველი პუნქტისა და ,,საქართველოს შინაგან საქმეთა სამინისტროს დებულების დამტკიცების შესახებ” საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის ,,ა” და ,,ნ” ქვეპუნქტების საფუძველზე, ვბრძანებ:

1. ,,საქართველოს შინაგან საქმეთა სამინისტროს აჭარის ავტონომიური რესპუბლიკის შინაგან საქმეთა მთავარი სამმართველოს დებულების დამტკიცების შესახებ” საქართველოს შინაგან საქმეთა მინისტრის 2005 წლის 27 აპრილის №412 ბრძანებით (სსმ III, 28.04.2005წ., №52, მუხ. 563) დამტკიცებულ დებულებაში შეტანილ იქნეს შემდეგი ცვლილებები:

ა) დებულების მე-10 მუხლის მე-2 პუნქტი ჩამოყალიბდეს შემდეგი რედაქციით:

,,2. მთავარი სამმართველოს უფროსს ჰყავს სამი მოადგილე, რომელთაც თანამდებობაზე ნიშნავს და თანამდებობიდან ათავისუფლებს შინაგან საქმეთა მინისტრი.”;

ბ) დებულების მე-11 მუხლი ჩამოყალიბდეს შემდეგი რედაქციით:

,,მუხლი 11.

მთავარი სამმართველოს სტრუქტურული ერთეულებია:

ა) მთავარი სამმართველოს ადმინისტრაცია;

ბ) ოპერატიულ-სამორიგეო ნაწილი;

გ) საინფორმაციო-ანალიტიკური განყოფილება;

დ) კრიმინალური პოლიციის სამმართველო;

ე) საკადრო და ორგანიზაციული უზრუნველყოფის სამმართველო;

ვ) ბათუმის შინაგან საქმეთა სამმართველო;

ზ) ქობულეთის შინაგან საქმეთა რაიონული განყოფილება;

თ) ხელვაჩაურის შინაგან საქმეთა რაიონული განყოფილება;

ი) ქედის შინაგან საქმეთა რაიონული განყოფილება;

კ) შუახევის შინაგან საქმეთა რაიონული განყოფილება;

ლ) ხულოს შინაგან საქმეთა რაიონული განყოფილება.”;

გ) დებულების მე-15 მუხლი ჩამოყალიბდეს შემდეგი რედაქციით:

,,კრიმინალური პოლიციის სამმართველოს ფუნქციებია:

ა) დანაშაულის წინააღმდეგ ბრძოლა და ამ მიზნით სისხლისსამართლებრივი დევნისა და წინასწარი გამოძიების განხორციელება იმ დანაშაულის საქმეზე, რომელიც არ განეკუთვნება წინასწარი გამოძიების უფლებამოსილების მქონე სხვა ორგანოთა კომპეტენციას;

ბ) დანაშაულის თავიდან ასაცილებლად და აღსაკვეთად საქართველოს სისხლის სამართლის საპროცესო კანონმდებლობით დადგენილი წესით საგამოძიებო მოქმედებების ჩატარება;

გ) საქართველოს სისხლის სამართლის საპროცესო კანონმდებლობით დადგენილი საფუძვლებითა და წესით სისხლის საპროცესო სამართლებრივი იძულების ღონისძიებების გამოყენება;

დ) ოპერატიულ-სამძებრო ღონისძიებების განხორციელება;

ე) ეჭვმიტანილთა, ბრალდებულთა, დამნაშავეთა და უგზო-უკვლოდ დაკარგულ პირთა ძებნის უზრუნველყოფა, დადგენა-დაკავება;

ვ) არასრულწლოვანთა შორის სამართალდარღვევათა და დანაშაულის აღკვეთა-აცილება;

ზ) საქართველოს შინაგან საქმეთა სამინისტროს აჭარის ავტონომიური რესპუბლიკის შინაგან საქმეთა საქალაქო სამმართველოსა და რაიონული განყოფილებების ოპერატიული სამსახურების საქმიანობის კოორდინაცია და მათთვის საჭირო პრაქტიკული დახმარების გაწევა;

თ) დამხმარე ძალებთან მუშაობის ორგანიზაცია;

ი) საზოგადოებრივი წესრიგის დაცვის ღონისძიებებში მონაწილეობა;

კ) საზოგადოებრივი წესრიგის მასობრივი დარღვევების აღკვეთა ფიზიკური იძულებისა და სპეციალური საშუალებების გამოყენებით;

ლ) თავისი კომპეტენციის ფარგლებში მიტინგების, დემონსტრაციებისა და მოქალაქეთა მშვიდობიანი მასობრივი ღონისძიებების მონაწილეთა უსაფრთხოების უზრუნველყოფა;

მ) თავისი კომპეტენციის ფარგლებში უკანონო მიტინგების, დემონსტრაციების, პიკეტირების და სხვაგვარი აქციების აღკვეთა, აგრეთვე იმ მშვიდობიანი აქციების აღკვეთა, რომელიც საფრთხეს უქმნის საზოგადოებრივ უშიშროებას, პიროვნების სიცოცხლეს, ჯანმრთელობას, საკუთრებას და კანონით დაცულ სხვა უფლებებს;

ნ) სპეციალური საშუალებების გამოყენებით მთავარი სამმართველოს სისტემის ოპერატიული სამსახურებისათვის დანაშაულის წინააღმდეგ ბრძოლაში ხელის შეწყობა;

ო) წინასწარი გამოძიება და სისხლისსამართლებრივი დევნის განხორციელება.”;

დ) დებულების მე-16 მუხლი ჩამოყალიბდეს შემდეგი რედაქციით:

,,საკადრო და ორგანიზაციული უზრუნველყოფის სამმართველოს ფუნქციებია:

ა) პირადი შემადგენლობის სამსახურში მიღებისა და გათავისუფლების გაფორმება;

ბ) კომპეტენციის ფარგლებში, პირადი შემადგენლობისათვის მორიგი სახელმწიფო სპეციალური წოდების მისანიჭებლად შესაბამისი დოკუმენტაციის მომზადება;

გ) პირადი შემადგენლობის სახელმწიფო ხელისუფლების ორგანოებსა და ტერიტორიულ ორგანოებში მივლინების უზრუნველყოფა;

დ) პირადი შემადგენლობისათვის შვებულების გაფორმება;

ე) უსაფუძვლოდ დათხოვნილი თანამშრომლების სამსახურში აღდგენის საკითხების განხილვა;

ვ) პირადი შემადგენლობის წელთა ნამსახურობის დადგენა და შრომის სტაჟის გამოთვლა;

ზ) თანამშრომელთა დისციპლინარული წესით დასჯისა და წახალისების საკითხების მომზადება;

თ) პირადი საქმეების შედგენის აღრიცხვა და მოხელეთა და პოლიციელთა რეზერვის შექმნა;

ი) სხვა საკადრო ღონისძიებების განხორციელება;

კ) საქართველოს საკანონმდებლო და კანონქვემდებარე აქტების სრულყოფის შესახებ წინადადებების მოზადება; შიდა სამართლებრივი აქტების მომზადებაში მონაწილეობის მიღება;

ლ) მთავარი სამმართველოს ხარჯთაღრიცხვის პროექტის მომზადება;

მ) საბუღალტრო აღრიცხვა;

ნ) მთავარი სამმართველოს სტრუქტურული ქვედანაყოფების ფუნქციონირებისათვის მათი ფინანსური და მატერიალურ-ტექნიკური უზრუნველყოფა;

ო) მთავარი სამმართველოს კავშირგაბმულობის საშუალებებით უზრუნველყოფა;

პ) პირადი შემადგენლობისათვის კანონმდებლობით დაწესებული სოციალური დაცვის გარანტიების უზრუნველყოფა;

ჟ) შეიარაღების მდგომარეობაზე ზრუნვა და კონტროლი;

რ) სამმართველოს ერთეულების ფინანსური და მატერიალურ-ტექნიკურ უზრუნველყოფა;

ს) სამმართველოს უზრუნველყოფა ავტოტრანსპორტით;

ტ) სამმართველოსათვის გამოყოფილი მომარაგების განაწილება, მათი ხარჯვის კონტროლი და ანგარიშგება;

უ) სამმართველოს ხარჯთაღრიცხვის პროექტის მომზადება;

ფ) სხვა საფინანსო ღონისძიებების განხორციელება.”.

2. ბრძანება ამოქმედდეს გამოქვეყნებისთანავე.

მინისტრის მოვალეობის

შემსრულებელი                         ლ. გვაზავა