თეთრიწყაროს მუნიციპალიტეტის, მუნიციპალიტეტის მიერ დაფუძნებული არასამეწარმეო (არაკომერციული)იურიდიული პირებისა და კერძო სამართლის იურიდიული პირების ბალანსზე რიცხული, ფინანსურ ანგარიშგებაში აღიარებული აქტიური მოხმარებისგან გამოსული, გამოყენებისგან უვარგისი აქტივების ჩამოწერისა და მის შედეგად მიღებული ქონების განკარგვის წესის შესახებ

თეთრიწყაროს მუნიციპალიტეტისა და მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირებისა და კერძო სამართლის იურიდიული პირების ბალანსზე რიცხული, ფინანსურ ანგარიშგებაში აღიარებული, აქტიური მოხმარებისგან გამოსული, გამოყენებისგან უვარგისი აქტივების ჩამოწერისა და მის შედეგად მიღებული ქონების განკარგვის წესი (შემდგომში – წესი) განსაზღვრავს თეთრიწყაროს მუნიციპალიტეტისა და მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირებისა და კერძო სამართლის იურიდიული პირების ბალანსზე რიცხული ფინანსურ ანგარიშგებაში აღიარებული, აქტიური მოხმარებისგან გამოსული, გამოყენებისგან უვარგისი აქტივების ჩამოწერისა და მის შედეგად მიღებული ქონების განკარგვის პროცედურებს.

1. ქონება – თეთრიწყაროს მუნიციპალიტეტის, მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირებისა და კერძო სამართლის იურიდიული პირების ბალანსზე რიცხული, ფინანსურ ანგარიშგებაში აღიარებული მცირეფასიანი და ძირითადი აქტივები;

2. დაწესებულება – თეთრიწყაროს მუნიციპალიტეტის ორგანოები (საკრებულო, მერი) და თეთრიწყაროს მუნიციპალიტეტის მიერ დაფუძნებული იურიდიული პირები (ა(ა)იპ და შპს)

3. ჩამოსაწერი ქონება – საინვენტარიზაციო კომისიის მიერ ინვენტარიზაციის ბოლოს დაწესებულების ხელმძღვანელისთვის წარდგენილი „გამოუყენებელი, უვარგისი აქტივების საინვენტარიზაციო აღწერაში“ (ინვ-14) მითითებული ქონება.

4. ჩამოსაწერი ქონების კომისია – ფინანსურ ანგარიშგებაში აღიარებული, აქტიური მოხმარებისგან გამოსული, გამოყენებისგან უვარგისი აქტივების ჩამოწერის მიზნით თეთრიწყაროს მუნიციპალიტეტისა და მის მიერ შექმნილ იურიდიულ პირებში, შპს-ებსა და ა(ა)იპ-ში, შექმნილი კომისია.

1. თეთრიწყაროს მუნიციპალიტეტის ბალანსზე რიცხული ფინანსურ  ანგარიშგებაში აღიარებული, აქტიური მოხმარებისგან გამოსული და გამოყენებისგან უვარგისი აქტივების ბალანსიდან ჩამოწერა ხორციელდება, ამ წესის მე-4 მუხლის მე-2 პუნქტის პროცედურების განხორციელების შემდგომ:

ა) მცირეფასიანი აქტივების მუნიციპალიტეტის მერის ან მის მიერ უფლებამოსილი, მისი მოადგილის გადაწყვეტილებით;

ბ) ძირითადი აქტივების მუნიციპალიტეტის მერის ან მის მიერ უფლებამოსილი, მისი მოადგილის გადაწყვეტილებით, მუნიციპალიტეტის საკრებულოსთან შეთანხმებით.

2. მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირებისა და კერძო სამართლის იურიდიული პირების (შემდგომში – დაწესებულება) ბალანსზე რიცხული ფინანსურ ანგარიშგებაში აღიარებული, აქტიური მოხმარებისგან გამოსული, გამოყენებისგან უვარგისი აქტივების ბალანსიდან ჩამოწერა ხორციელდება ამ წესის მე-4 მუხლის მე-2 პუნქტის პროცედურების განხორციელების შემდგომ:

ა) მცირეფასიანი აქტივების (500 (ხუთასი) ლარამდე ქონების) – დაწესებულების ხელმძღვანელი პირის ან მის მიერ უფლებამოსილი, მისი მოადგილის გადაწყვეტილებით.

ბ) ძირითადი აქტივების – დაწესებულების ხელმძღვანელის წარდგინებით მუნიციპალიტეტის მერის ან მის  მიერ უფლებამოსილი მისი მოადგილის გადაწყვეტილებით, მუნიციპალიტეტის საკრებულოს თანხმობით.

1. დაწესებულების ბალანსზე რიცხული, ფინანსურ ანგარიშგებაში აღიარებული, აქტიური მოხმარებისგან გამოსული, გამოყენებისგან უვარგისი აქტივების ჩამოწერის მიზნით, დაწესებულების ხელმძღვანელის ინდივიდუალური ადმინისტრაციულ-სამართლებრივი აქტის საფუძველზე იქმნება ჩამოსაწერი ქონების კომისია (შემდგომში კომისია). კომისია უნდა შედგებოდეს არანაკლებ ხუთი წევრისაგან, მათ შორის: თავმჯდომარე, მოადგილე, მდივანი, ბუღალტერი (აღრიცხვა-ანგარიშგებაზე პასუხისმგებელი პირი) და წევრ(ებ)ი, კომისიის დასაკომპლექტებლად საშტატო ერთეულების არასაკმარისი რიცხოვნობის შემთხვევაში ჩამოსაწერი ქონების კომისიის შემადგენლობა მტკიცდება მათი მაქსიმალური რაოდენობიდან გამომდინარე, მაგრამ არანაკლებ სამი წევრისა.

2. კომისია ვალდებულია დაწესებულებაში ინვენტარიზაციის პროცესის დასრულებისთანავე მიმართოს დაწესებულების ხელმძღვანელს მოთხოვნით, გადასცეს დაწესებულებაში ჩატარებული ინვენტარიზაციის შემდგომ წარდგენილი, საინვენტარიზაციო კომისიის მიერ გამოუყენებელი და აქტიური მოხმარებიდან გასული ქონების გამოვლენის მიზნით შედგენილი, გამოუყენებელი, უვარგისი აქტივების საინვენტარიზაციო აღწერის უწყისი „ფორმა ინვ-14“.

3. დაწესებულების ხელმძღვანელი ავალებს ბუღალტერიას ან/და აღრიცხვა-ანგარიშგებაზე პასუხისმგებელ სამსახურს, კომისიას გადასცეს საინვენტარიზაციო კომისიის მიერ შედგენილი „ფორმა ინვ-14“ გამოყენებისგან უვარგისი აქტივების საინვენტარიზაციო აღწერის შესახებ.

4. კომისია სწავლობს ჩამოსაწერი ქონების ფაქტობრივ მდგომარეობას, შესაბამისი გადაწყვეტილებით ასაბუთებს ძირითადი აქტივების ჩამოწერის აუცილებლობას, ავსებს ამ დებულების თანდართული ჩამოსაწერი ძირითადი აქტივების ღირებულების დადგენის აქტს (№1 დანართი) და ძირითადი აქტივების ლიკვიდაციის აქტებს (№2 დანართი), თითოეულ ძირითად აქტივზე ცალ-ცალკე. ასევე ავსებს მცირეფასიანი გრძელვადიანი აქტივებისა და მატერიალური მარაგების ჩამოწერის აქტს (№3 დანართი). საჭიროების შემთხვევაში კომისიამ შესაძლებელია გამოიყენოს დარგის სპეციალისტის დასკვნა (შესაბამისი აუდიტორული ან საექსპერტო) ჩამოსაწერი ქონების შეფასების შესახებ.

5. კომისია ქონების ჩამოწერის შესახებ დასკვნას ზემო აღნიშნულ დოკუმენტაციასთან ერთად წარუდგენს დაწესებულების ხელმძღვანელს, რომლის გადაწყვეტილების შესაბამისად განხორციელდება ამავე დადგენილების მე-3 მუხლში განსახორციელებელი პროცედურები.

1. დაწესებულების ბალანსზე რიცხული, ფინანსურ ანგარიშგებაში აღიარებული, აქტიური მოხმარებისგან გამოსული, გამოყენებისგან უვარგისი აქტივების ჩამოწერის პროცედურის დასრულების შემდეგ, ამ წესის №3 დანართის საფუძველზე ჩამოწერის შედეგად მიღებული ქონება (ჯართი, სამშენებლო მასალა, ვარგისი ნაწილები და სხვ.) აისახება ბალანსში მარაგების სახით, ამ წესის მე-4 მუხლის მე-2 პუნქტით გათვალისწინებული აქტებით დადგენილი ღირებულების შესაბამისად.

2. ჩამოწერის შედეგად მიღებული და მარაგების სახით ბალანსზე აღრიცხული ქონების (ჯართი, სამშენებლო მასალა, ვარგისი ნაწილები და სხვ.) განკარგვას დაწესებულება ახორციელებს მოქმედი კანონმდებლობის შესაბამისად.

1. ძირითადი აქტივების ჩამოწერის შედეგად მიღებული ქონება, რომლის რაიმე დანიშნულებით გამოყენება შეუძლებელია, დაწესებულების ხელმძღვანელის გადაწყვეტილების საფუძველზე ექვემდებარება განადგურებას, რომელიც ხორციელდება კანონმდებლობით დადგენილი წესით.

2. განადგურების პროცესს ესწრება ამავე ქონების ჩამოწერის მიზნით შექმნილი კომისიის სრული შემადგენლობის სულ ცოტა ნახევარზე მეტი და დგება ჩამოწერილი ქონების განადგურების აქტი.

3. ჩამოწერის შედეგად მიღებული ქონების განადგურება უნდა განხორციელდეს ამ მიზნისათვის კანონმდებლობით გამოყოფილ ადგილებში.

დანართი №1

დანართი №  2

დანართი № 3