„საჯარო სამართლის იურიდიული პირის – საჯარო რეესტრის ეროვნული სააგენტოს დებულების დამტკიცების შესახებ“ საქართველოს იუსტიციის მინისტრის 2016 წლის 3 მაისის №134 ბრძანებაში ცვლილების შეტანის თაობაზე

საქართველოს იუსტიციის მინისტრის

2024 წლის 18 მარტი

ქ. თბილისი

1. მე-6 მუხლის პირველი პუნქტის:

ა) „ა.ე“ ქვეპუნქტი ჩამოყალიბდეს შემდეგი რედაქციით:

„ა.ე) ხარისხის მართვის სამსახური;“;

ბ) „ა.ე“ ქვეპუნქტს დაემატოს შემდეგი შინაარსის „ა.ვ“ ქვეპუნქტი:

„ა.ვ) ანალიტიკური სამსახური;“.

2. მე-11 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. დეპარტამენტის ამოცანებია: ანალიტიკური საქმიანობის განხორციელება, სააგენტოს საქმიანობის ადმინისტრაციულ-ორგანიზაციული უზრუნველყოფა, საქმისწარმოების სისტემის ორგანიზება და სააგენტოს მიზნებიდან გამომდინარე საქმიანობის კოორდინაცია, სხვადასხვა სახელმწიფო დაწესებულებასთან, საჯარო და კერძო სამართლის იურიდიულ პირებთან, საერთაშორისო და არასამთავრობო ორგანიზაციებთან ურთიერთობა,  ინოვაციური პროდუქტების შექმნა, სააგენტოს ხარისხის მართვის სტანდარტების დანერგვა, აგრეთვე, საზოგადოებისათვის მნიშვნელოვანი ინფორმაციის მიზნობრივი აუდიტორიისათვის, სათანადო ფორმით, სწორი არხებითა და ინტენსივობით მიწოდება.“;

ბ) მე-2 პუნქტის:

ბ.ა) „ა“ ქვეპუნქტის შემდეგ დაემატოს შემდეგი შინაარსის „ა¹“ ქვეპუნქტი:

„ა¹) ანალიტიკური საქმიანობის განხორციელება, მათ შორის, მონაცემთა და სტატისტიკის ანალიზი, კანონმდებლობის ანალიზი და შესაბამისი რეკომენდაციების შემუშავება, რომელიც წარიმართება სააგენტოს დარგობრივი მიმართულების მქონე დეპარტამენტების ჩართულობით;“;

ბ.ბ) „გ“ ქვეპუნქტი ჩამოყალიბდეს შემდეგი რედაქციით:

„გ) სააგენტოს სტრუქტურული ქვედანაყოფებიდან მიღებული ინფორმაციისა და მონაცემების ანალიზის საფუძველზე, პოლიტიკის დოკუმენტების/ანგარიშების მომზადება, მონიტორინგი, შეფასება და შესრულების თაობაზე ანგარიშის მომზადება;“.