სახელმწიფო ტყეში დასაქმებული პირების თანამდებობათა რანგირებისა და საკვალიფიკაციო მოთხოვნების დადგენის შესახებ

სახელმწიფო ტყეში დასაქმებული პირების თანამდებობათა რანგირებისა და საკვალიფიკაციო მოთხოვნების დადგენის შესახებ საქართველოს გარემოს დაცვისა და სოფლის მეურნეობის მინისტრის ბრძანება №2-452 2024 წლის 19 აპრილი ქ. თბილისი სახელმწიფო ტყეში დასაქმებული პირების თანამდებობათა რანგირებისა და საკვალიფიკაციო მოთხოვნების დადგენის შესახებ საქართველოს ტყის კოდექსის 95-ე მუხლის მე-3  ნაწილის „ა“ პუნქტის „ა.ბ“ ქვეპუნქტის საფუძველზე,  ვბრძანებ : მუხლი 1🔗 დამტკიცდეს თანდართული „სახელმწიფო ტყეში დასაქმებული პირების თანამდებობათა რანგირებისა და საკვალიფიკაციო მოთხოვნები“. მუხლი 2🔗 ეს ბრძანება ამოქმედდეს გამოქვეყნებისთანავე. საქართველოს გარემოს დაცვისა და სოფლის მეურნეობის მინისტრიოთარ შამუგია სახელმწიფო ტყეში დასაქმებული პირების თანამდებობათა რანგირებისა და საკვალიფიკაციო მოთხოვნები მუხლი 1🔗. ზოგადი დებულებები 1. სახელმწიფო ტყეში დასაქმებული პირების თანამდებობათა რანგირებისა და საკვალიფიკაციო მოთხოვნები (შემდგომში – მოთხოვნები) განსაზღვრავს სახელმწიფო ტყეში დასაქმებული მეტყევისა და სატყეო საქმის სპეციალისტის (შემდგომ – დასაქმებული პირი) თანამდებობათა რანგირებასა და საკვალიფიკაციო მოთხოვნებს. 2. ამ მოთხოვნების მიზანია სახელმწიფო ტყეში დასაქმებული პირების კარიერული განვითარების სწორად დაგეგმვა, მათი მოტივაციის ზრდა და პროფესიული უნარ-ჩვევებისა და კვალიფიკაციის ამაღლება. 3. დასაქმებულ პირს რანგი ენიჭება კანონიერებისა და სამართლიანობის, ობიექტურობისა და მიუკერძოებლობის, პროფესიონალიზმისა და კომპეტენტურობის პრინციპების დაცვით. მუხლი 2🔗. მეტყევისა და სატყეო საქმის სპეციალისტის თანამდებობათა რანგირება და საკვალიფიკაციო ზოგადი მოთხოვნები 1. მეტყევისა და სატყეო საქმის სპეციალისტის თანამდებობათა რანგირება: ა) თითოეული თანამდებობა შეესაბამება თითოეულ კარიერულ საფეხურს და ნაწილდება შემდეგ იერარქიულ რანგებში: ა.ა) პირველი რანგი – მეტყევე, ტყის სფეროში შესაბამისი უმაღლესი განათლებით (მაგისტრატურის ხარისხით); ა.ბ) მეორე რანგი – მეტყვე, ტყის სფეროში შესაბამისი უმაღლესი განათლებით (სულ მცირე ბაკალავრის აკადემიური ხარისხი); ა.გ) მესამე რანგი – სატყეო საქმის სპეციალისტი, რომელსაც აქვს შესაბამისი პროფესიული კვალიფიკაცია. 2. ამ მუხლის პირველი პუნქტით განსაზღვრულ იერარქიულ რანგებში მეტყევისა და სატყეო საქმის სპეციალისტის თანამდებობები ნაწილდება თითოეულის თანამდებობის ფუნქციების შესაბამისად, შემდეგი ფაქტორების მიხედვით: ა) პასუხისმგებლობა; ბ) მოვალეობათა შესრულების სირთულე; გ) კომპეტენციები; დ) კვალიფიკაცია; ე) სამუშაო გამოცდილება. მუხლი 3🔗. მეტყევისა და სატყეო საქმის სპეციალისტის საკვალიფიკაციო მოთხოვნები 1. მეტყევისა და სატყეო საქმის სპეციალისტის საკვალიფიკაციო მოთხოვნები: ა) მეტყევე შეიძლება იყოს პირი, რომელსაც აქვს ტყის სფეროში შესაბამისი უმაღლესი განათლება (სულ მცირე ბაკალავრის აკადემიური ხარისხი); ბ) სატყეო საქმის სპეციალისტი შეიძლება იყოს პირი, რომელსაც აქვს შესაბამისი პროფესიული კვალიფიკაცია. 2 სახელმწიფო ტყეში დასაქმებულ პირთა რანგირების მინიჭებისათვის დამატებითი საკვალიფიკაციო მოთხოვნები და სახელფასო დანამატები განისაზღვრება საქართველოს კანონმდებლობით დადგენილი წესით.