“საქართველოს ფინანსთა სამინისტროს საბაჟო დეპარტამენტის დებულების დამტკიცების შესახებ” საქართველოს ფინანსთა მინისტრის 2005 წლის 25 აპრილის №285 ბრძანებაში ცვლილებებისა და დამატებების შეტანის თაობაზე”

სახელმწიფო სარეგისტრაციო კოდი 190.040.000.22.033.007.693

საქართველოს ფინანსთა მინისტრის

ბრძანება №837

2005 წლის 1 სექტემბერი

ქ. თბილისი

,,საქართველოს ფინანსთა სამინისტროს საბაჟო დეპარტამენტის დებულების დამტკიცების შესახებ” საქართველოს ფინანსთა მინისტრის 2005 წლის 25 აპრილის №285 ბრძანებაში ცვლილებებისა და დამატებების შეტანის თაობაზე

,,საქართველოს ფინანსთა სამინისტროს დებულების დამტკიცების შესახებ” საქართველოს მთავრობის 2004 წლის 21 მაისის №39 დადგენილების მე-4 მუხლის მე-3 პუნქტის ,,ი” და ,,ლ” ქვეპუნქტების საფუძველზე, ვბრძანებ:

    მუხლი 1

,,საქართველოს ფინანსთა სამინისტროს საბაჟო დეპარტამენტის დებულების დამტკიცების შესახებ” საქართველოს ფინანსთა მინისტრის 2005 წლის 25 აპრილის №285 ბრძანებით (სსმ III, 2005 წ., №51, მუხლი 536) დამტკიცებული საბაჟო დეპარტამენტის დებულებაში შეტანილ იქნეს შემდეგი ცვლილებები და დამატებები:

1. დებულების მე-9 მუხლის მე-2 პუნქტი ჩამოყალიბდეს შემდეგი რედაქციით:

,,2. დეპარტამენტის თავმჯდომარე:

ა) წარმოადგენს დეპარტამენტს ან უფლებამოსლებას ანიჭებს დეპარტამენტის წარმომადგენლობაზე, თუ კანონით სხვა რამ არ არის გათვალისწინებული;

ბ) ხელმძღვანელობს და კოორდინაციას უწევს დეპარტამენტის საქმიანობას;

გ) უშუალოდ, ხოლო დელეგირების შემთხვევაში – დეპარტამენტის მოხელეების, ცენტრალური აპარატის სტრუქტურული ქვედანაყოფების, ტერიტორიული ორგანოების და მათი სტრუქტურული ქვედანაყოფების მეშვეობით წყვეტს დეპარტამენტის კომპეტენციას მიკუთნებულ საკითხებს;

დ) ახორციელებს სამსახურებრივ ზედამხედველობას;

ე) თუ კანონმდებლობით სხვა რამ არ არის დადგენილი, თანამდებობაზე ნიშნავს და თანამდებობიდან ათავისუფლებს დეპარტამენტის საჯარო მოსამსახურეებს;

ვ) კომპეტენციის ფარგლებში გამოსცემს ინდივიდუალურ სამართლებრივ აქტებს; გამოსცემს მეთოდურ მითითებებს, რომელთა შესრულებაც სავალდებულოა დეპარტამენტის საჯარო მოსამსახურეთათვის;

ზ) თავისი კომპეტენციის ფარგლებში ანიჭებს სპეციალურ წოდებებს და შუამდგომლობს ფინანსთა მინისტრის წინაშე თანამშრომლებისათვის შესაბამისი სპეციალური წოდებების მინიჭების თაობაზე;

თ) ფინანსთა მინისტრს წარუდგენს წინადადებებს საბაჟო სამსახურის გავლის საკითხების გადაწყვეტის შესახებ;

ი) თავისი კომპეტენციის ფარგლებში, განკარგავს დეპარტამენტისათვის გამოყოფილ ფულად სახსრებს;

კ) პასუხისმგებელია საბაჟო დეპარტამენტის მატერიალურ-ტექნიკური ბაზის შენახვასა და გამოყენებაზე;

ლ) თავისი კომპეტენციის ფარგლებში ორგანიზაციას უწევს სახელმწიფო შესყიდვების განხორციელებას;

მ) ახორციელებს კანონმდებლობით მინიჭებულ სხვა უფლება-მოვალეობებს.

2. დებულების მე-17 მუხლიდან ამოღებული იქნეს ,,ვ“ ქვეპუნქტი.

დებულების მე-18მუხლს დაემატოს შემდეგი შინაარსის ,,ზ“ ქვეპუნქტი:

,,ზ) სამსახურებრივ-საშტატო იარაღის ტარების სამსახურებრივი მოწმობების გაცემის, სამსახურებრივ-საშტატო იარაღის მიღება-გაცემის, აღრიცხვისა და შენახვის ორგანიზება.“.

    მუხლი 2

 ბრძანება ამოქმედდეს გამოქვეყნებისთანავე.

ა. ალექსიშვილი