სოიოს და მზესუმზირის შროტის ბუნებრივი დანაკარგის ნორმების დამტკიცების შესახებ

სოიოს და მზესუმზირის შროტის ბუნებრივი დანაკარგის ნორმების დამტკიცების შესახებ შემოსავლების სამსახურის უფროსის ბრძანება №6483 2024 წლის 26 მარტი ქ. თბილისი სოიოს და მზესუმზირის შროტის ბუნებრივი დანაკარგის ნორმების დამტკიცების შესახებ საქართველოს ზოგადი ადმინისტრაციული კოდექსის 63-ე მუხლის, საქართველოს საგადასახადო კოდექსის მე-8 მუხლის მე-11 ნაწილის, „დანაკარგების მაქსიმალური ზღვრული ოდენობების დამდგენი უფლებამოსილი ორგანოს განსაზღვრის შესახებ“ საქართველოს მთავრობის 2011 წლის 27 დეკემბრის №2547 განკარგულების პირველი პუნქტის, „საჯარო სამართლის იურიდიული პირის – შემოსავლების სამსახურის დებულების დამტკიცების შესახებ“ საქართველოს ფინანსთა მინისტრის 2011 წლის 23 მაისის №303 ბრძანებით დამტკიცებული დებულების მე-2 მუხლის პირველი პუნქტის „ფ“ ქვეპუნქტისა და მე-3 მუხლის მე-2 პუნქტის „უ“ ქვეპუნქტის საფუძველზე, აგრეთვე, დანაკარგების მაქსიმალური ზღვრული ოდენობების შემმუშავებელი კომისიის  2023 წლის  27 იანვრის გადაწყვეტილებისა (ოქმი №2) და დანაკარგების მაქსიმალური ზღვრული ოდენობების შემმუშავებელი კომისიის 2024 წლის 20 თებერვლის გადაწყვეტილების გათვალისწინებით (ოქმი №1), ვბრძანებ: 1.დამტკიცდეს  სოიოს და მზესუმზირის შროტის ბუნებრივი დანაკარგის ნორმები, ამ ბრძანების №1 დანართის შესაბამისად. 2.ეს  ბრძანება ამოქმედდეს ხელმოწერისთანავე. სოიოს და მზესუმზირის შროტის ბუნებრივი დანაკარგის მაქსიმალური ზღვრული ნორმები დანართი №1 ოპერაციის დასახელება დანაკარგის ნორმა (%-ში მასიდან) სოიოს შროტი სეს ესნ კოდი: 2304 შენახვა 0.50 მზესუმზირის შროტი სეს ესნ კოდი: 2306 შენახვა 0.50 შენიშვნა: შენახვის დანაკარგი ასევე მოიცავს ქვეყნის შიგნით ნებისმიერი ფორმით ტრანსპორტირების დანაკარგს. სამსახურის უფროსი     ლევან კაკავა