შპს „სადაზღვევო საბროკერო აი ჯი“ –ს საფირმო სახელწოდების შეცვლასთან დაკავშირებით სადაზღვევო ბროკერის სარეგისტრაციო მონაცემებში ცვლილების შეტანის შესახებ

ვბრძანებ:

1. შპს „სადაზღვევო საბროკერო აი ჯის“ (საიდენტიფიკაციო ნომერი: 405268981) საფირმო სახელწოდების შეცვლასთან დაკავშირებით სსიპ – საქართველოს დაზღვევის სახელმწიფო ზედამხედველობის სამსახურის უფროსის 2018 წლის 08 ივნისის №06/6-რ ბრძანებაში („შპს „აი-ჯი კომპანიის“ საფირმო სახელწოდების შეცვლასთან დაკავშირებით სადაზღვევო ბროკერის სარეგისტრაციო მონაცემებში ცვლილების შეტანის შესახებ” სსიპ – საქართველოს დაზღვევის სახელმწიფო ზედამხედველობის სამსახურის უფროსის 2019 წლის 30 სექტემბრის N06/16-რ ბრძანებით განხორციელებული ცვლილების გათვალისწინებით) შევიდეს ცვლილება და სათაურსა და ტექსტში იურიდიული პირის საფირმო სახელწოდებად შპს „სადაზღვევო საბროკერო აი ჯის“ ნაცვლად განისაზღვროს შპს „სადაზღვევო საბროკერო აქტონი“ (საიდენტიფიკაციო ნომერი: 405268981).

2. ეს ბრძანება დაუყოვნებლივ გადაეცეს შპს „სადაზღვევო საბროკერო აქტონის“. ბრძანება სადაზღვევო ბროკერისთვის ჩაბარებულად ჩაითვლება შეთანხმებით განსაზღვრულ ელექტრონული ფოსტის მისამართ(ებ)ზე მისი გაგზავნის დღეს.

3. ამ ბრძანებით გათვალისწინებულ სარეგისტრაციო მონაცემებში ცვლილების შეტანის შესახებ ინფორმაცია 2 სამუშაო დღის ვადაში აისახოს სადაზღვევო ბროკერთა რეესტრში (მათ შორის ელექტრონულ რეესტრში).

4. ეს ბრძანება 10 დღის ვადაში გამოქვეყნდეს საქართველოს ოფიციალურ ბეჭდვით ორგანოში – „საქართველოს საკანონმდებლო მაცნე“.

5. ბრძანების გასაჩივრება შეიძლება ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ. თბილისი, დავით აღმაშენებლის ხეივანი, №64) მხარისათვის მისი გაცნობიდან ერთი თვის ვადაში.

6. ეს ბრძანება ამოქმედდეს ხელმოწერისთანავე.

სამსახურის უფროსი                                          დავით ონოფრიშვილი