,,სს ,,თელასის” საერთო მოხმარების მრიცხველის მქონე მომხმარებლების მიერ ინდივიდუალური მრიცხველის გარეშე მოხმარებული ელექტროენერგიის რაოდენობის განსაზღვრის დროებითი წესის დამტკიცების შესახებ” სემეკ-ის 2005 წლის 30 სექტემბრის №21 დადგენილებაში დამატებებისა და ცვლილებების შეტანის თაობაზე

სახელმწიფო სარეგისტრაციო კოდი 300.290.000.16.009.007.842

საქართველოს ენერგეტიკის მარეგულირებელი ეროვნული კომისიის (სემეკ)

დადგენილება №24

2005 წლის 31 ოქტომბერი

ქ. თბილისი

,,სს ,,თელასის” საერთო მოხმარების მრიცხველის მქონე მომხმარებლების მიერ ინდივიდუალური მრიცხველის გარეშე მოხმარებული ელექტროენერგიის რაოდენობის განსაზღვრის დროებითი წესის დამტკიცების შესახებ” სემეკ-ის 2005 წლის 30 სექტემბრის №21 დადგენილებაში დამატებებისა და ცვლილებების შეტანის თაობაზე

,,ნორმატიული აქტების შესახებ” საქართველოს კანონის 36-მუხლის, ,,ელექტროენერგეტიკისა და ბუნებრივი გაზის შესახებ” საქართველოს კანონის მე-5 მუხლის პირველი პუნქტისა და 28-ე მუხლის პირველი პუნქტის საფუძველზე, კომისია ადგენს:

    მუხლი 1.

,,სს ,,თელასის” საერთო მოხმარების მრიცხველის მქონე მომხმარებლების მიერ ინდივიდუალური მრიცხველის გარეშე მოხმარებული ელექტროენერგიის რაოდენობის განსაზღვრის დროებითი წესის დამტკიცების შესახებ”  2005 წლის 30 სექტემბრის №21 დადგენი-ლებაში (სსმ III, 2005 წ., №118) შეტანილ იქნეს შემდეგი სახის ცვლილებები და დამატებები:

1. დადგენილების პუნქტი 2 და პუნქტი 3 ჩამოყალიბდნენ შემდეგი რედაქციით:

,,2. დამტკიცდეს სს “თელასის” საერთო მოხმარების მრიცხველის მქონე  უბნების ჩამონათვალი დანართი №21-ის მიხედვით.

,,3. დადგენილების მოქმედების ვადა განისაზღვროს 2006 წლის 1 ნოემბრამდე.”.

2. დადგენილებით დამტკიცებული სს ,,თელასის” საერთო მოხმარების მრიცხველის მქონე მომხმარებლების მიერ ინდივიდუალური მრიცხველის გარეშე მოხმარებული ელექტროენერგიის რაოდენობის განსაზღვრის დროებითი წესის მე-2 მუხლს დაემატოს მე-4 პუნქტი შემდეგი რედაქციით:

,,4. ელექტროენერგიის აღრიცხვის გამართული ხელსაწყო _ ელექტროენერგიის აღრიცხვის ხელსაწყო, რომელიც დამონტაჟებულია უფლებამოსილი (ლიცენზირებული) ორგანიზაციის მიერ და შესაბამისად მრიცხველის კორპუსს ადევს დამმოწმებელი ორგანიზაციის, ხოლო მომჭერების ხუფს _ გამანაწილებელი კომპანიის ბრჯენები. მრიცხველის კორპუსი, ინდიკაციის ფარის მინა და მრიცხველში დენშემყვანი კაბელის იზოლაცია არ არის დაზიანებული.”.

3. წესის მე-4 მუხლს დაემატოს მე-5 პუნქტი შემდეგი რედაქციით:

,,5. საერთო მოხმარების მრიცხველის ექსპლოატაციაში გაშვებამდე კომპანიამ მომხმარებლებისა და საერთო მრიცხველზე მიერთებული აბონენტების წარმომადგენლების თანდასწრებით უნდა შეამოწმოს საერთო და ყველა სამფაზა მომხმარებლის აღრიცხვის კვანძები, ხოლო საერთო მრიცხველით აღრიცხვის დაწყების მომენტისათვის დააფიქსიროს საერთო, სამფაზა და ერთფაზა აბონენტების გამართული აღრიცხვის კვანძების მრიცხველების ჩვენებები.“.

4. წესის მე-13 მუხლი ჩამოყალიბდეს შემდეგი რედაქციით:

„მუხლი 13.

სს ,,თელასმა“ 2005 წლის 15 დეკემბრამდე უზრუნველყოს საერთო მოხმარების მრიცხველების დაყენება და მათზე მომხმარებელთა მიერთება ამ წესის მე-2 მუხლის მე-2 პუნქტით დადგენილი პრინციპის შესაბამისად.“.

5. ძალადაკარგულად გამოცხადდეს დადგენილების დანართი 2.

6. დადგენილებას დაემატოს დანართი  2¹.

    მუხლი 2.

დადგენილება ძალაშია გამოქვეყნებისთანავე.

თავმჯდომარე გ. თავაძე

დანართი 2¹