“საქართველოს თავდაცვის სამინისტროს აპარატის დებულების დამტკიცების შესახებ" საქქართველოს თავდაცვის მინისტრის 2005 წლის 29 აგვისტოს №247 ბრძანებაში ცვლილებებისა და დამატებების შეტანის შესახებ"

სახელმწიფო სარეგისტრაციო კოდი 010.240.030.22.026.007.918

საქართველოს თავდაცვის მინისტრის

 ბრძანება №336

2005 წლის 7 დეკემბერი

ქ. თბილისი

,,საქართველოს თავდაცვის სამინისტროს აპარატის დებულების დამტკიცების შესახებ” საქართველოს თავდაცვის მინისტრის 2005 წლის 29 აგვისტოს №247 ბრძანებაში ცვლილებებისა და დამატებების შეტანის შესახებ

,,ნორმატიული აქტების შესახებ” საქართველოს კანონის 36-ე მუხლის მოთხოვნათა შესაბამისად, ვბრძანებ:

1. ,,საქართველოს თავდაცვის სამინისტროს აპარატის დებულების დამტკიცების შესახებ” საქართველოს თავდაცვის მინისტრის 2005 წლის 29 აგვისტოს №247 ბრძანებაში (სსმ III, 2005 წ., №105, მუხ. 1168) შეტანილ იქნეს შემდეგი ცვლილებები და დამატებები:

ა) დებულების მე-14 პუნქტი ჩამოყალიბდეს შემდეგი რედაქციით:

,,14. აპარატის სტრუქტურული ქვედანაყოფებია (ტექსტში შემდგომში – ქვედანაყოფი):

ა) საქმისწარმოების სამმართველო;

ბ) საზოგადოებასთან და მასმედიასთან ურთიერთობის სამმართველო;

გ) იურიდიული სამმართველო;

დ) პროტოკოლის სამმართველო;

ე) სამხედრო-ტექნიკურ საკითხთა განყოფილება.”;

ბ) დებულების მეოთხე თავს დაემატოს შემდეგი შინაარსის 25¹ პუნქტი:

,,25¹. სამხედრო-ტექნიკურ საკითხთა განყოფილება ახორციელებს:

ა) კომისიის საქმიანობის ორგანიზაციულ-ტექნიკურ უზრუნველყოფას;

ბ) კომისიის წევრთა გამოკითხვის წესით მისაღები რეკომენდაციის პროექტების შემუშავებას;

გ) სამხედრო-ტექნიკურ საკითხთა მუდმივმოქმედი კომისიის საქმიანობასთან დაკავშირებული დოკუმენტაციის სააღრიცხვო და საარქივო სამუშაოთა შესრულებას.

დ) საიდუმლო საქმისწარმოებას, რომელიც დაკავშირებულია სამხედრო-ტექნიკურ საკითხთა მუდმივმოქმედი კომისიის საქმიანობასთან.”;

გ) დებულების 21-ე პუნქტის ,,ა)” ქვეპუნქტი ჩამოყალიბდეს შემდეგი რედაქციით:

,,ა) დოკუმენტების საექსპედიციო დამუშავება, რეგისტრაციისა და დოკუმენტების მიხედვით სააღრიცხვო-საცნობარო სამუშაოთა განხორციელება, გარდა იმ დოკუმენტაციისა, რომლებიც დაკავშირებულია საქართველოს თავდაცვის სამინისტროს სამხედრო-ტექნიკურ საკითხთა მუდმივმოქმედი კომისიის საქმიანობასთან.”;

დ) დებულების 21-ე პუნქტის ,,დ” ქვეპუნქტი ჩამოყალიბდეს შემდეგი რედაქციით:

,,დ) სამინისტროს საქმეთა (დოკუმენტაციის) ნომენკლატურის შემუშავება, საქმეთა შენახვის და ჩამოწერის ორგანიზება გარდა იმ დოკუმენტაციისა, რომლებიც დაკავშირებულია საქართველოს თავდაცვის სამინისტროს სამხედრო-ტექნიკურ საკითხთა მუდმივმოქმედი კომისიის საქმიანობასთან.”;

ე) დებულების 21-ე პუნქტის ,,თ” ქვეპუნქტი ჩამოყალიბდეს შემდეგი რედაქციით:

,,თ)” საქართველოს კანონმდებლობის შესაბამისად, სამინისტროში საიდუმლო საქმისწარმოების ორგანიზება, გარდა საქართველოს თავდაცვის სამინისტროს სამხედრო-ტექნიკურ საკითხთა მუდმივმოქმედი კომისიის საქმიანობასთან დაკავშირებული საქმისწარმოებისა.”.

2. ბრძანება ძალაშია გამოქვეყნებისთანავე.

ი. ოქრუაშვილი