„ოზურგეთის მუნიციპალიტეტის ქონების პრივატიზების და სარგებლობის უფლებით გადაცემის დამატებითი წესისა და ნასყიდობის ხელშეკრულების ფორმების დამტკიცების შესახებ“ ოზურგეთის მუნიციპალიტეტის საკრებულოს 2022 წლის 25 ნოემბრის N32 დადგენილებაში ცვლილების შეტანის თაობაზე

1. სათაური ჩამოყალიბდეს შემდეგი რედაქციით:

„ოზურგეთის მუნიციპალიტეტის ქონების პრივატიზების და სარგებლობის უფლებით გადაცემის დამატებითი წესის, ნასყიდობის ხელშეკრულებისა და სარგებლობის ხელშეკრულების ფორმების დამტკიცების შესახებ“

2. პირველი მუხლის მე-3 პუნქტის შემდგომ დაემატოს მე-4 პუნქტი და ჩამოყალიბდეს შემდეგი რედაქციით:

„4. დამტკიცდეს სარგებლობის ხელშეკრულების ფორმები  (იჯარა – დანართ  №4-ის, სასყიდლიანი უზუფრუქტი  დანართ  №5-ის, უსასყიდლო უზუფრუქტი დანართ №6-ის,  სასყიდლიანი  სერვიტუტი დანართ  №7-ის, უსასყიდლო სერვიტუტი დანართი  №8-ის,   სასყიდლიანი აღნაგობა დანართ  №9-ის, უსასყიდლო აღნაგობა დანართ  №10-ის შესაბამისად).“

3. დადგენილებით დამტკიცებული წესის მე-3 მუხლის მე-3 პუნქტი ჩამოყალიბდეს შემდეგი რედაქციით:

„3. ქონების სააუქციონოდ მომზადება გულისხმობს:

ა) მუნიციპალიტეტის ინტერესების გათვალისწინებით ქონების შერჩევას;

ბ) ქონების აზომვასა და რეგისტრაციას;

გ) საპრივატიზებო ობიექტების ნუსხისა და გეგმის პროექტების მომზადებას და წარდგენას ოზურგეთის მუნიციპალიტეტის საკრებულოსთვის;

დ)  სხვა აუცილებელი ღონისძიებების გატარებას.“.