სპორტული ცეცხლსასროლი იარაღების ნუსხის/სიის დამტკიცების შესახებ

სპორტული ცეცხლსასროლი იარაღების ნუსხის/სიის დამტკიცების შესახებ საქართველოს კულტურისა და სპორტის მინისტრისა და საქართველოს შინაგან საქმეთა მინისტრის ერთობლივი ბრძანება №05/42/№76 2024 წლის 17 ოქტომბერი ქ. თბილისი სპორტული ცეცხლსასროლი იარაღების ნუსხის/სიის დამტკიცების შესახებ „ნორმატიული აქტების შესახებ“ საქართველოს ორგანული კანონის მე-9 მუხლისა და „იარაღის შესახებ“ საქართველოს კანონის მე-6 მუხლის მე-2 პუნქტის საფუძველზე, ვბრძანებთ: მუხლი 1🔗 დამტკიცდეს სპორტული ცეცხლსასროლი იარაღების ნუსხა/სია თანდართული რედაქციით. მუხლი 2🔗 სპორტულ ცეცხლსასროლ იარაღად მიიჩნევა მხოლოდ ამ ბრძანებით დამტკიცებული ცეცხლსასროლი იარაღი. მუხლი 3🔗 ამ ბრძანებით დამტკიცებულ ნუსხაში/სიაში ცვლილებებისა და დამატებების შეტანა განხორციელდეს „იარაღის შესახებ“ საქართველოს კანონის მე-19 მუხლის პირველი პუნქტის „ზ“ ქვეპუნქტით განსაზღვრული საქართველოს კულტურისა და სპორტის სამინისტროს მიერ საქართველოს კანონმდებლობით დადგენილი წესით აღიარებული სროლის სახეობის ეროვნული სპორტული ფედერაციის/ორგანიზაციის ან/და მისი წევრი იურიდიული პირის/ინდივიდუალური მეწარმის (რომელსაც საქართველოს კანონმდებლობით დადგენილი წესით გახსნილი აქვს დახურული ან/და ნახევრად დახურული ტირი, სასროლეთი ან/და სასროლო-სანადირო სტენდი), აგრეთვე იმავე წესით აღიარებული ეროვნული სპორტული ორგანიზაციის (რომლის ერთ-ერთი მიმართულებაც სროლის სახეობაა) წარდგინებით, ან საქართველოს კულტურისა და სპორტის მინისტრის/საქართველოს შინაგან საქმეთა მინისტრის ინიციირებით, საქართველოს სახელმწიფო უსაფრთხოების სამსახურთან შეთანხმებით. მუხლი 4🔗 სპორტული ცეცხლსასროლი იარაღის ბრუნვასთან დაკავშირებული საკითხები რეგულირდება „იარაღის შესახებ“ საქართველოს კანონით, „სარგებლობაში ან საკუთრებაში არსებული იარაღისა და საბრძოლო მასალის ტარების, შენახვის, გადატანა-გადაზიდვის, გადაგზავნისა და რეგისტრაციის წესის დამტკიცების შესახებ“ საქართველოს შინაგან საქმეთა მინისტრის 2014 წლის 28 თებერვლის №164 ბრძანებითა და სხვა საკანონმდებლო და კანონქვემდებარე აქტებით. მუხლი 5🔗 ეს ბრძანება ამოქმედდეს გამოქვეყნებისთანავე.საქართველოს კულტურისა და სპორტის მინისტრის მოვალეობის შემსრულებელიიოსებ ბაღათურიასაქართველოს შინაგან საქმეთა მინისტრივახტანგ გომელაური