„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ

✨ ჰკითხე AI-ს ამ კანონის შესახებ
საქართველოს მთავრობის დადგენილება მოქმედი ჯანდაცვა ლიცენზირებამშენებლობაჯანმრთელობა
მიღების თარიღი
24.10.2024
გამომცემი ორგანო
საქართველოს მთავრობა
ნომერი
№367
სარეგისტრაციო კოდი
470230000.10.003.024762
გამოქვეყნების წყარო
matsne.gov.ge , 24/10/2024
📥 მინიშნება 1 🧬 მსგავსი 10
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი

საქართველოს მთავრობის დადგენილება (1)

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

 

საქართველოს მთავრობის

დადგენილება №367

2024 წლის 24 ოქტომბერი

ქ. თბილისი

„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ
მუხლი 1
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში (სსმ, №168, 24/12/2010) შეტანილ იქნეს ცვლილება და დადგენილებით დამტკიცებული №2 დანართის („დებულება სტაციონარული დაწესებულების ნებართვის გაცემის წესისა და პირობების შესახებ“):

1. მე-7 მუხლს დაემატოს შემდეგი შინაარსის 22-ე და 23-ე პუნქტები:

„22. ამ დადგენილების №21 დანართით განსაზღვრული სტაციონარული დაწესებულების სანებართვო პირობების 28-ე პუნქტითა და №22 დანართით განსაზღვრული სარეაბილიტაციო-გამაჯანსაღებელი სტაციონარის სანებართვო პირობების 28-ე პუნქტით დადგენილი მოთხოვნის შესრულების მიზნით, სტაციონარული დაწესებულების/ სარეაბილიტაციო-გამაჯანსაღებელი სტაციონარის ნებართვის მფლობელ დაწესებულებებს, რომლებსაც 2024 წლის 1 ნოემბრის მდგომარეობით არ აქვთ მოპოვებული შესაბამისი უფლებამოსილი ადმინისტრაციული ორგანოს მიერ გაცემული შენობა-ნაგებობის სახანძრო უსაფრთხოების სფეროს მარეგულირებელ ნორმებთან, ტექნიკურ რეგლამენტთან ან/და სტანდარტებთან სრული შესაბამისობის დამადასტურებელი დოკუმენტი, დაევალოთ:

ა) 2025 წლის 1 იანვრამდე უზრუნველყონ:

ა.ა) სახანძრო უსაფრთხოების საორგანიზაციო ღონისძიებათა, ტექნიკური რეგლამენტით გათვალისწინებული დოკუმენტების, ბრძანებების, ინსტრუქტაჟების შესაბამისი ინსტრუქციების შესაბამისობა ტექნიკური რეგლამენტის მოთხოვნებთან;

ა.ბ) ხანძრის ჩაქრობის პირველადი საშუალებების შესაბამისობა ტექნიკური რეგულირების დოკუმენტების მოთხოვნებთან;

ა.გ) სახანძრო სიგნალიზაციის მდგომარეობის შესაბამისობა ტექნიკური რეგულირების დოკუმენტების მოთხოვნებთან;

ა.დ) ხანძრის დროს ადამიანთა მაუწყებლობისა და ევაკუაციის მართვის სისტემების მდგომარეობის შესაბამისობა ტექნიკური რეგულირების დოკუმენტების მოთხოვნებთან;

ბ) 2025 წლის 1 მაისამდე უზრუნველყონ:

ბ.ა) ხანძრის ჩაქრობის ავტომატური სისტემების მდგომარეობის შესაბამისობა ტექნიკური რეგულირების დოკუმენტების მოთხოვნებთან;

ბ.ბ) ხანძარსაწინააღმდეგო წყალმომარაგების სისტემების მდგომარეობის შესაბამისობა ტექნიკური რეგულირების დოკუმენტების მოთხოვნებთან;

ბ.გ) ელექტრომოწყობილობებისა და ელექტროქსელების მდგომარეობის შესაბამისობა ნორმატიულ მოთხოვნებთან;

გ) 2025 წლის 1 სექტემბრამდე უზრუნველყონ:

გ.ა) ობიექტის საევაკუაციო გზებისა და გასასვლელების შესაბამისობა ტექნიკური რეგულირების დოკუმენტების მოთხოვნებთან;

გ.ბ) კვამლსაწინააღმდეგო ვენტილაციისა და გათბობის სისტემების მდგომარეობის შესაბამისობა ტექნიკური რეგულირების დოკუმენტების მოთხოვნებთან;

გ.გ) აფეთქებახანძარსაშიშ ნივთიერებათა შენახვის პირობების შესაბამისობა ტექნიკური რეგულირების დოკუმენტების მოთხოვნებთან;

გ.დ) ობიექტის შესაბამისობა საქართველოს კანონმდებლობით დადგენილ შენობა-ნაგებობის სახანძრო უსაფრთხოების სფეროს მარეგულირებელ სხვა ნორმებთან.

23. ამ მუხლის 22-ე პუნქტით განსაზღვრულმა დაწესებულებებმა:

ა) ამავე პუნქტით დადგენილ ვადებში შესაბამისი პირობების დაკმაყოფილებისთანავე უზრუნველყონ აღნიშნულის შესახებ სააგენტოს წერილობითი ინფორმირება;

ბ) 2025 წლის 1 სექტემბრამდე მიმართონ უფლებამოსილ ადმინისტრაციულ ორგანოს შენობა-ნაგებობის სახანძრო უსაფრთხოების სფეროს მარეგულირებელ ნორმებთან, ტექნიკურ რეგლამენტთან ან/და სტანდარტებთან სრული შესაბამისობის დამადასტურებელი დოკუმენტის მისაღებად.“.

2. №21 დანართით განსაზღვრული ცხრილის („სტაციონარული დაწესებულების სანებართვო პირობები“) 28-ე გრაფა ჩამოყალიბდეს შემდეგი რედაქციით:

 

„28

შენობა-ნაგებობის სახანძრო უსაფრთხოების სფეროს მარეგულირებელ ნორმებთან, ტექნიკურ რეგლამენტთან ან/და სტანდარტებთან შესაბამისობა

ნებართვის მაძიებელმა/მფლობელმა ნებართვის გამცემს უნდა წარუდგინოს შესაბამისი უფლებამოსილი ადმინისტრაციული ორგანოს მიერ გაცემული შენობა-ნაგებობის სახანძრო უსაფრთხოების სფეროს მარეგულირებელ ნორმებთან, ტექნიკურ რეგლამენტთან ან/და სტანდარტებთან სრული შესაბამისობის დამადასტურებელი დოკუმენტი. ნებართვის მფლობელი ვალდებულია, სრული შესაბამისობის დამადასტურებელი დოკუმენტი მოიპოვოს ყოველ 2 წელიწადში  ერთხელ, საანგარიშგებო პერიოდის დაწყებამდე და წარუდგინოს ნებართვის გამცემს სანებართვო პირობების დაცვის შესახებ წინა წლის ანგარიშგებასთან ერთად.

 

შენიშვნა: ნებართვის მფლობელი ვალდებულია, აღნიშნული პირობა (გარდა სანებართვო პირობისა – „საოპერაციო დარბაზი უზრუნველყოფილია სამედიცინო დანიშნულების აირების მიწოდების უსაფრთხო ქსელით“) დააკმაყოფილოს 2025 წლის 31 დეკემბრამდე. ამასთანავე, 2024 წლის 1 ნოემბრისთვის ნებართვის მფლობელი სამედიცინო დაწესებულება ვალდებულია, ნებართვის გამცემს 2025 წლის 31 დეკემბრამდე წარუდგინოს შენობა-ნაგებობის სახანძრო უსაფრთხოების სფეროს მარეგულირებელ ნორმებთან, ტექნიკურ რეგლამენტთან ან/და სტანდარტებთან შესაბამისობის დამადასტურებელი დოკუმენტი.“.

                                                                                                                  

3. №22 დანართით განსაზღვრული ცხრილის („სარეაბილიტაციო-გამაჯანსაღებელი სტაციონარის სანებართვო პირობები“) 28-ე გრაფა ჩამოყალიბდეს შემდეგი რედაქციით:

 

„28
 

შენობა-ნაგებობის სახანძრო უსაფრთხოების სფეროს მარეგულირებელ ნორმებთან, ტექნიკურ რეგლამენტთან ან/და სტანდარტებთან შესაბამისობა

სარეაბილიტაციო-გამაჯანსაღებელი სერვისის/დეპარტამენტის სხვა სტაციონარულ დაწესებულებაში ინტეგრირების შემთხვევაში, შესაძლებელია სტაციონარული დაწესებულების საევაკუაციო გასასვლელით  სარგებლობა, თუ შენობა-ნაგებობის დაგეგმარება იძლევა ამის საშუალებას.

ნებართვის მაძიებელმა/მფლობელმა ნებართვის გამცემს უნდა წარუდგინოს შესაბამისი უფლებამოსილი ადმინისტრაციული  ორგანოს მიერ გაცემული შენობა-ნაგებობის სახანძრო უსაფრთხოების სფეროს მარეგულირებელ ნორმებთან, ტექნიკურ რეგლამენტთან ან/და სტანდარტებთან სრული შესაბამისობის დამადასტურებელი დოკუმენტი. ნებართვის მფლობელი ვალდებულია, სრული შესაბამისობის დამადასტურებელი დოკუმენტი მოიპოვოს ყოველ 2 წელიწადში  ერთხელ, საანგარიშგებო პერიოდის დაწყებამდე და წარუდგინოს ნებართვის გამცემს სანებართვო პირობების დაცვის შესახებ წინა წლის ანგარიშგებასთან ერთად.

 

შენიშვნა: ნებართვის მფლობელი ვალდებულია, აღნიშნული პირობა დააკმაყოფილოს 2025 წლის 31 დეკემბრამდე. ამასთანავე, 2024 წლის 1 ნოემბრისთვის ნებართვის მფლობელი სამედიცინო დაწესებულება ვალდებულია, ნებართვის გამცემს 2025 წლის 31 დეკემბრამდე წარუდგინოს შენობა-ნაგებობის სახანძრო უსაფრთხოების სფეროს მარეგულირებელ ნორმებთან, ტექნიკურ რეგლამენტთან ან/და სტანდარტებთან შესაბამისობის დამადასტურებელი დოკუმენტი.“.

                  

მუხლი 2
დადგენილება ამოქმედდეს 2024 წლის 1 ნოემბრიდან.

 


პრემიერ-მინისტრიირაკლი კობახიძე