„ქალაქ რუსთავის მუნიციპალიტეტის ბიუჯეტით გათვალისწინებული სოციალური უზრუნველყოფის ქვეპროგრამების განხორციელების წესების დამტკიცების შესახებ“ ქალაქ რუსთავის მუნიციპალიტეტის საკრებულოს 2022 წლის 23 დეკემბრის №48 დადგენილებაში ცვლილების შეტანის თაობაზე

ა) მე-3 მუხლის მე-2 პუნქტი ჩამოყალიბდეს შემდეგი რედაქციით:

„2. ქვეპროგრამაში ჩართვა ამ წესით დადგენილი პირობებით შეუძლიათ „სოციალურად დაუცველი ოჯახების მონაცემთა ერთიან ბაზაში“ რეგისტრირებულ სრულწლოვან მოქალაქეებს (სარეიტინგო ქულა არ აღემატება 150 000-სს) და შეზღუდული შესაძლებლობის მქონე სრულწლოვან პირებს, რომლებიც ცხოვრობენ და რეგისტრირებულნი არიან ქალაქ რუსთავის მუნიციპალიტეტის ადმინისტრაციულ საზღვრებში განცხადებით მომართვამდე უწყვეტად, არანაკლებ 2 (ორი) წლის განმავლობაში (წყვეტის შემთხვევაში რეგისტრაცია არ უნდა ფიქსირდებოდეს ქალაქ რუსთავის მუნიციპალიტეტის ადმინისტრაციულ საზღვრებს გარეთ), ასევე მუდმივი ბინადრობის ნებართვის მქონე პირებს.“;

ბ) მე-3 მუხლის მე-4 პუნქტი ჩამოყალიბდეს შემდეგი რედაქციით:

„4. პროგრამით ვერ ისარგებლებენ ინკურაბელურ პაციენტთა პალიატური მზუნველობის სახელმწიფო პროგრამის მოსარგებლეები, სახელმწიფო პროგრამის ფარგლებში სამედიცინო ან ზრუნვით დაწესებულებაში მომსახურების მიმღები პირები, ასევე მენტალური ჯანმრთელობის პრობლემის მქონე პირები, რომელთა მომსახურება საფრთხის შემცველია სერვისის მიმწოდებელი ორგანიზაციის წარმომადგენლისათვის.“;

გ) მე-6 მუხლის მე-5 პუნქტი ჩამოყალიბდეს შემდეგი რედაქციით“:

„5. შესრულებულ სამუშაოდ ჩაითვლება საანგარიშო თვის განმავლობაში მოსარგებლისათვის გაწეული მომსახურების მოცულობა და დადგენილი ვიზიტების ფაქტობრივად შესრულებული რაოდენობა, რომელიც არ აღემატება ბენეფიციარისათვის მინიჭებული კატეგორიით დადგენილი ვიზიტების რაოდენობას.“;

დ) ამოღებულ იქნეს მე-8 მუხლი;

ე) დაემატოს მე-9 მუხლი და ჩამოყალიბდეს შემდეგი რედაქციით:

,,მუხლი 9. მოსარგებლეებისათვის მომსახურების შეჩერებისა და შეწყვეტის საფუძვლები

1.  მომსახურების შეჩერების საფუძვლებია:

ა) მოსარგებლე პირის პირადი განცხადება/შეტყობინება;

ბ) მუნიციპალიტეტში ყველა რეგისტრირებული მომსახურების მიმწოდებლის ფუნქციონირების შეჩერება, შეჩერების ვადით ან არაუმეტეს პროგრამის მოქმედების ვადისა;

გ) გარემოების ცვლილება, რომელიც საჭიროებს მოვლის ტიპის ცვლილებას.

2.  მომსახურების შეწყვეტის საფუძვლებია:

ა) მოსარგებლე პირის პირადი განცხადება;

ბ) მომსახურების მიღებაზე ზედიზედ 20 კალენდარული  დღის მანძილზე უარის თქმა არასაპატიო მიზეზით;

გ) მუნიციპალიტეტში ყველა რეგისტრირებული მომსახურების მიმწოდებლის ფუნქციონირების შეწყვეტა;

დ) მომსახურების მიმღების რეგისტრაციის ან ფაქტობრივი საცხოვრებელი ადგილის შეცვლა, როდესაც ახალი რეგისტრაციის ან ფაქტობრივი საცხოვრებელი ადგილი სცილდება მუნიციპალიტეტის ტერიტორიას;

ე) მოსარგებლე ერთვება სხვა მსგავს პროგრამაში;

ვ) გარემოებების არსებითი ცვლილება, რომლის შედეგადაც მოსარგებლე ვეღარ აკმაყოფილებს პროგრამაში ჩართვის კრიტერიუმებს;

ზ) მოსარგებლის გარდაცვალება.”.